Archive | Ibiyaga

Tags:

Ngo n’ubwo baturiye ibyuzi kubona amafi birabavuna

Posted on 27 June 2016 by peter

Abaturiye ibyuzi by’amafi bya Rwabisemanyi muri Kigembe, baravuga ko kuba hafi yabyo ntacyo bibamariye kuko babona amafi n’ubundi bavunwe n’ingendo

Ibyuzi bya Rwabisemanyi ahororerwa amafi na RAB mu murenge wa Kigembe

Ibyuzi bya Rwabisemanyi ahororerwa amafi na RAB mu murenge wa Kigembe

Ibyuzi bya Rwabisemanyi, bikorerwamo ubushakashatsi ku bworozi bw’amafi na RAB,  mu Murenge wa Kigembe mu Karere ka Gisagara, ubusanzwe abahaturiye bahagura amafi barya.

Muri iyi minsi ariko kugira ngo abaturage bayahabwe ngo basabwa kubanza kwishyura ibilo by’amafi bifuza muri banki nkuru y’u Rwanda (BNR) ishami riri mu mujyi wa Huye, aha bakemeza ko ari imvune n’igihombo

Mukamudenge Venancie umwe mu bahaturiye ati “Reba nawe kuva aho ntuye njya Huye ntegesha amafaranga 3000, ubwo se inyungu yaba iyihe, ko ayo nakaguze amafi aba yashiriye mu rugendo”

Ibi kandi biranagarukwaho na Niyonzima Mathias uvuga ko byari amahire ubwo begereye ibi byuzi, kuko babonaga aya mafi bitabavunnye, ariko ubu akaba asanga nta kamaro bifitiye abatuye uyu murenge kuko batabona umusaruro ku buryo bworoshye.

Ati “Kugira ibi byuzi hafi yacu byagakwiye kuba amahirwe turusha abandi, ariko noneho niba umuntu agombye gukora urugendo, nta kamaro kuko nageze Huye n’ubundi nayagurayo ngataha”

Abatuye muri uyu Murenge wa Kigembe icyo bifuza ni uko bakoroherezwa kujya bishyura aya mafaranga, bakaba bayatanga muri banki zibegereye nka Sacco.

Nkurunziza Emmanuel umukozi wa RAB akaba n’umuyobozi w’ishami ry’ubworozi bw’amafi muri Kigembe, avuga ko ubu buryo bwashyizweho hagamijwe umutekano w’amafaranga baba binjije.

Avuga ko ariko hari kurebwa uburyo bwo korohereza aba baturage hashyirwa andi makonti muri za banki zibegere.

Ati “Ubu buryo bwashyizweho ku bw’umutekeno w’amafaranga yinjiraga kuko hari igihe byabaga bitoroheye umukozi uhakorera, no kuza kuyageza Huye, ariko ubu turi kureba uko twabyoroshya bakajya bishyurira muri banki zibegereye”

muri iki kigo cya RAB ishami rya Kigembe, ubusanzwe hakorerwa ubworozi bw’amafi, kugura ayeze ku bashaka kujya kuyarya no kuyatubura ku bashaka kuyorora.

Comments (0)

Kutabona umusaruro w'isambaza mu ikiyaga cya Kivu ngo byatumye abarobyi benshi bigira uganda

Tags: , , , , , , , ,

Rusizi: Abarobyi basaga 200 bagiye kurobera hanze y’igihugu

Posted on 18 May 2016 by peter

Abarobyi basaga 200 bo mu Karere ka Rusizi bagiye kurobera muri Uganda kubera ko ikiyaga cya kivu kitagitanga umusaruro bifuza.

Kutabona umusaruro w'isambaza mu ikiyaga cya Kivu ngo byatumye abarobyi benshi bigira uganda

Kutabona umusaruro w’isambaza mu ikiyaga cya Kivu ngo byatumye abarobyi benshi bigira uganda

Bamwe mu barobyi bakorera muri iki kiyaga bavuga ko abamaze kugenda benshi ari abo mu mirenge ya Nkombo na NKanka aho ngo bari gukorera umurimo  w’uburobyi muri Lac Victoria muri Uganda kubera ko imitego itemewe ya Kaningini yamaze isambaza mu ikiyaga cya kivu bakoreragamo

Uwihoreye Isai w’umurobyi yagize ati” Muri iki kiyaga cyacu isambaza zashizemo rwose ariko kubera ko ubuzima bwakomeye hari benshi bamaze kujya kurobera Uganda kugira ngo barebe ko babaho ariko twebwe dusanga biterwa n’imitego ya  kaningini igikoreshwa muri iki kiyaga.”

Mu busanzwe iyi mitego ya Kaningini abarobyi bavuga igira uruhare mu kwangiza isambaza n’amafi kuko ituma zitabasha kororoka kubera ko aho bayiteze ifata insambaza n’abana bazo ndetse n’amagi mugihe imitego yemewe mu kiyaga yo ifata isambaza zikuze gusa.

Ubuyobozi bw’Akarere ka Rusizi buvuga ko kuba abaturage b’aka karere cyane abarobyi bari kujya gukorera hanze y’igihugu bitafatwa nk’ikibazo cyane ko ari byiza gukorera mu muryango w’ibihugu bya afurika y’uburasirazuba gusa ngo bagomba kubikora muburyo buzwi.

Umuyobozi w’Akarere ka Rusizi Harerimana Frederic yagize ati” Ni byo hari imibare tumaze kubona yabajya gukora imirimo yabo hirya nohino ariko icyo twavuga ntabwo ari ikibazo icyo ahubwo tubasaba ni uko babikora mu buryo buzwi bikaba bizwi ko hari Abanyarwanda bagiye.”

Akomeza kuvuga ko kutamenyekanisha ko bagiye bashobora guhura n’ibibazo by’umutekano muke ntibihite bikemuka kubera ko baba bagiye rwihishwa ubuyobozi butabizi gusa ngo bagiye gushishikariza abaturage kubaha amazina y’abagiye kugirango babarurwe.

Usibye abo barobyi no mu Murenge wa Bugarama hari abandi baturage bajya muri Repuburika iharanira demokarasi ya Congo bakigumirayo nkuko byavuzwe mu inama y’umutekano.

 

Comments (0)

Babangamiwe no kuvoma amazi y’ikiyaga cya Muhazi

Babangamiwe no kuvoma amazi y’ikiyaga cya Muhazi

Posted on 29 April 2016 by peter

Bamwe mu baturage mu murenge wa Kiramuruzi, bavuga ko babangamiwe n’uko bamaze igihe kinini batagira amazi meza kuko bavoma ay’ikiyaga.

Babangamiwe no kuvoma amazi y’ikiyaga cya Muhazi

Abaturage bo mu kagari ka Nyabisindu biyambaza amazi yo muri iki kiyaga cya Muhazi ku gice gikora kuri aka kagari

 

N’ubwo abaturage bo mu Kagari ka Nyabisindu bishimira ko ibikorwa Remezo bigenda bibegerezwa, ngo baracyafite imbogamizi zo kutagira amazi meza kuko bamaze igihe kinini bavoma muri Muhazi ngo bikaba byabaviramo kurwara indwara zitera n’amazi mabi.

Kanyandekwe Marcel wo muri aka kagari agira ati:” Amazi meza ni kimwe mu bifasha umuntu kugira isuku no kurangwa n’ubuzima bwiza, ariko hari indwara zikunze kutwibasira kubera gukoresha amazi y’ikiyaga, niyo mpamvu twifuza ko badufashwa kubona amazi meza.”

Aba baturage bakomeza bavuga ko badapfa kubona umwanya wo guteka aya mazi mbere yo kuyanywa, ibi ngo bigatera abana babo kudwara inzoka, kandi ikindi kibabangamiye ngo nuko bashobora no kuba barohama muri iki kiyaga mu gihe bavoma.

Umunyamabanga Nshingwabikorwa w’umurenge wa Kiramuruzi kavutse Epiphanie, avuga ko mu gihe cya vuba hagiye kureba uko hasanwa amavomo 13 n’andi mavomo bapompa azwi ku izina rya  Nayikondo agera kuri ane mu gihe hagitegerejwe ko icyo kibazo cyakemuka burundu.

Ati:” Muri aka Kagari ka Nyabisindu twabaruye amavomo 13 na nayikondo(Amavomo bakoresha ipompo bayakura mu butaka) enye, nyuma yo kumva ikibazo cyabo baturage ubu turi muri gahunda yo gusana ayo mavomo ku bufatanye n’abafatanyabikorwa bacu, kugira ngo nayo atangire akoreshwe, mu gihe hagishakishwa ikindi gisubizo kirambye.”

Nk’uko bikomeza bitangazwa n’ubuyobozi bw’Umurenge wa Kiramuruzi kandi, ngo usibye iki kibazo cyo kutagira amazi meza kibangamiye abaturage bo mu kagari ka Nyabisindu, ngo n’ikibazo cy’umuhanda uhuza aka kagari na Santere ya Kiramuruzi kigiye kuzakemuka bidatinze hifashishijwe Gahunda ya VUP Umurenge.

 

Comments (0)

Sake:Amajile yabakijije imfu zaterwaga n’impanuka zo mu mazi

Tags: , , , , , , , , , ,

Sake:Amajile yabakijije imfu zaterwaga n’impanuka zo mu mazi

Posted on 28 April 2016 by peter

Abakoresha  ikiyaga cya Sake mu Karere ka Ngoma mu ngendo zabo bavuga ko umwambaro ubarinda impanuka mu mazi”jile”watumye ntawe ukicwa n’amazi.

Sake:Amajile yabakijije imfu zaterwaga n’impanuka zo mu mazi

Kwambuka bambaye Jile ibafasha kutarohama igihe habaye impanuka mu mazi byabarinze ubwoba bahoranaga bambuka ikiyaga

Abakoresha iki kiyaga mu ngendo zabo za buri munsi bavuga ko batarabona amajile iyo habaga impanuka abagwagamo abatazi koga bapfa none ubu ngo ntawukihasiga ubuzima.

Ntihabose Angelique,umwe mu bakoresha iki kiyaga ava Sake yambuka ajya mu murenge wa Jarama mu bucuruzi bwe,avuga ko kutamenya koga byatumaga yarahoranaga ubwoba bwinshi yambuka bitewe nuko hari abagwagamo bagapfa.

Yemeza ko ubu uwambaye ijile iyo aguyemo ntakibazo agira kuko adashobora kumanuka hasi ahubwo imufasha kuguma hejuru areremba agatabarwa.

Yagize ati” Njye iki kiyaga ngikoresha buri munsi mu bucuruzi bwanjye nkora.Sinzi koga.Bitewe n’abagwagamo bagapfa btazi koga iyo najyagamo numvaga mfite ubwoba bwinshi ko najye nagwamo.Ubu ntakibazo habaye impanuka ijile igufasha kutarohama bigatuma bagutaba ukiri muzima.”

Ndikubwayezu Jean Baptiste umwe mu bambutsa muri iki kiyaga cya Sake avuga ko ubu bagendana n’igihe bagashaka ibikoresho byarinda impanuka abo batwaye dore ko baba ari benshi.

Yagize ati”Iyo ubwato bwagwagamo abarimo uwabaga atazi koga yarapfaga ariko ubu turishimira ko niyo haba impanuka abagenzi bose twabakuramo ari bazima kuko ii jile uyambaye ntashobora kwibira ahora areremba hejuru akaba yatabarwa ataragira ikibazo.

Nshimiyimana Etienne ushinzwe umutekano w’ikiyaga cya Sake muri koperative y’abarobyi ya Sake COPEDUSA, avuga ko urenze ku itegeko ryo kwambika abagenzi amajile abihanirwa n’amategeko.

Yagize ati”Hagize urenga ku itegeko akambutsa abagenzi nta Jile bambaye nanjye nicyo nshinzwe ni uguhita mushyikiriza ubuyobozi bukamuhana.Ntago bibaho buri wese yambuka yambaye Jele kandi n’abagenzi ntibagukundira kwishora mu mazi batayambaye.”

Jile zifasha uri mu mazi kutibira igihe agize impanuka akagwamo,kuzambara ubu ni itegeko ku muntu wese ugiye mu mazi,yaba azi koga cyangwa atabizi.Gusa haracyagaragara imbogamizi kuri bamwe mu bazi koga usanga bajya mu mazi batazambaye cyane cyane abagiye kuroba.

Comments (0)

Tags:

Nyanza: Bibutse Abatutsi bajugunywe mu cyuzi cya Nyamagana

Posted on 27 April 2016 by peter

Abanyenyanza n’abarokokeye Jenoside I Nyanza bakoze urugendo rwo guha agaciro n’icyubahiro Abatutsi bajugunywe mu cyuzi cya Nyamagana.

Ikiyaga cya Nyamagana cyaroshywemo Abatutsi batari bake

Ikiyaga cya Nyamagana cyaroshywemo Abatutsi batari bake

Ni muri rugendo rwakozwe ku gucamunsi cyo kuri uyu wa 23 Mata 2016 rwahereye ku kigo cya  St Antoine rwerekeza ku cyuzi cya Nyamagana bamwe bita icyuzi cya Dubois kiri hirya gato y’umujyi wa Nyanza.

Mu guha agaciro n’icyubahiro Abatutsi bishwe bakajugunywa mu cyuzi cya Nyamagana muri Jenoside bunamiwe hashyirwa indabo muri icyo cyuzi ndetse hatangwa n’ubuhamya bw’umwe mu bashoboye kuharokokera.

Umwe watanze ubuhamya ku mateka y’icyuzi cya Nyamagana mu gihe cya Jenoside yakorewe Abatutsi muri Mata 1994 witwa Mukansoneye Jeanne yasobanuye inzira y’umusaraba yanyuzemo.

Mukansoneye Jeanne kugeza na n’ubu utarabasha kubona abe ngo abashyingure mu cyubahiro yatangaje ko mu cyuzi cya Nyamagana hajugunywemo Abatutsi benshi bo mu Karere ka Nyanza ndetse n’abaturukaga ku Kibuye n’igice gito cy’iyahoze ari Perefegitura ya Gikongoro baje bahunga ariko bakagwa mu maboko y’interahamwe z’abicanyi.

Mu ntimba n’agahinda yibuka yagize Ati “Abagize umuryango wanjye nabo bari  mu bajugunywe mu cyuzi cya Nyamagana kugeza na n’ubu ntabwo nzi irengero ryabo”.

Yihanganishije indi miryango ifite ababo bishwe muri Jenoside yakorewe Abatutsi muri Mata 1994 mu Rwanda imyaka 22 ikaba ishize batarababona ngo bashyingurwe mu cyubahiro.

Ati “Ni ibintu biteye intimba n’agahinda ariko abantu baba bazi neza aho bashyize abacu badufasha kuhagaragaza na bo bagashyingurwa”.

Bamwe mu bazi amateka y’icyuzi cya Nyamagana bavuga ko cyajugunywemo Abatutsi benshi gusa kugeza ubu umubare wabo nturamenyekana neza nk’uko ubuyobozi bw’Akarere ka Nyanza aho iki cyuzi gihererereye bubivuga.

Icyuzi cya Nyamagana kiri mu Murenge wa Busasamana mu Karere ka Nyanza amateka yacyo agaragaza ko cyashyizweho n’umwami Rudahigwa agamije gutuma I Nyanza haba ahantu nyaburanga.

Comments (0)

Abarobyi ntibitabira ubwishingizi bw’ibikoresho byabo

Tags: , , , , ,

Abarobyi ntibitabira ubwishingizi bw’ibikoresho byabo

Posted on 31 March 2016 by peter

Abarobyi barobera mu Kiyaga cya Kivu barasaba ko babona ubwishingizi bw’ibikoresho byabo nk’uko bahabwa ibijyanye n’ubwishingizi bw’ubuzima wabo.

Abarobyi ntibitabira ubwishingizi bw’ibikoresho byabo

Abarobyi basaba ko amato yabo na yo yahabwa ubwishingizi

Aba barobyi bavuga ko kugeza ubu bahabwa ubwishingizi bw’ubuzima bwabo mu gihe bari mu mazi baroba ariko bakaba baragerageje gusaba ko bahabwa n’ubwishingizi bw’ibikoresho byabo nyamara bakaba batarabibona, bagasaba ko babona ubwo bwishingizi kugira ngo barusheho gukora bafite umutekano usesuye.

Umwe mu barobyi avuga ko basabye ubuyobozi bwabo kubashakira ubwishingizi bujyanye n’ibikoresho byabo kuko byangirika kenshi biturutse ku miyaga iba mu kiyaga cya Kivu, kandi iyo byangiritse bibateza igihombo gikomeye nyamara bakaba baragerageje gushaka uko ubuyobozi bwabo bwabashakira ubwo bwishingizi bikaba byarananiranye.

Yagize ati “          Twishimira rwose ko buri muntu ukora umwuga wo kuroba afite ubwishingizi bw’ubuzima, nyamara ubw’ibikoresho byacu ntabwo dufite twabusabye kenshi ubuyobozi bwacu buduhagarariye nyamara twarahebye, kandi biraturushya kandi bikaduhombya ku buryo bukomeye”.

Umuyobozi w’abarobyi, Ndahayo Eliezer, ahakana yivuye inyuma ko ubwishingizi bw’ibikoresho by’abarobyi butigeze bubura na rimwe ahubwo ari uko iyo bigeze mu gutanga amafaranga ajyanye n’ubwo bwishingizi, abarobyi baseta ibirenge bagashaka ko amafaranga batanga ku bwishingizi bw’ubuzima ari na yo yakoreshwa mu kubashakira ubwishingizi bw’ibikoresho byabo.

Yagize ati “Nta kibazo gihari ko twashakira ubwishingizi abarobyi bacu ku bikoresho byabo, twagiye tuvugana n’amasosiyete afite ubwishingizi nyamara twagiye tubabwira amafaranga basabwa ngo babashe kububona ukabona bacitse intege, kuko bibwira ko amafaranga ibihumbi 5 batanga mu kwishingira ubuzima ari nayo yakwishingira ibikoresho byayo”.

Ndahayo avuga ko bakomeje ibiganiro n’abarobyi kugira ngo babe bakwemera gukoresha ubwo bwishingizi, cyane ko bigoye ko ikipe imwe yabwisabira idaciye muri koperative, akizeza abarobyi ko  n’ubwo habanje kwihutira gushaka  ubwishingizi bw’ubuzima bw’abantu, bari kuganira n’amasosisyete akora ibijyanye n’ubwishingizi ku buryo mu gihe ya vuba bazumvikana uko bakwishingira amato mu buryo budahenze abarobyi kandi mu buryo bushyize mu gaciro.

Comments (0)

Tags: , , , , , , , , , ,

Gatsibo: RAB irizeza abahinga imigano isoko ryayo

Posted on 30 September 2015 by peter

5

Iyi ni imigano isanzwe ihingwa mu Rwanda, mbere y’uko hageragezwa iribwa

Bamwe mu baturage bo mu karere ka Gatsibo batangiye gukora ubuhinzi bw’imigano, bavuga ko babutezeho iterambere ry’ubukungu bwabo.

Gusa aba bahinzi barasaba ko bashakirwa isoko kuko bataryizeye hafi, ariko ubuyobozi bw’Ikigo cy’Igihugu gishinzwe ubuhinzi n’ubworozi (RAB) mu ntara y’iburasirazuba, burabizeza ko isoko rihari.

Umuyobozi w’Ikigo cy’Igihugu gishinzwe ubuhinzi n’ubworozi RAB mu Ntara y’Uburasirazuba Sendege Norbert, avuga ko uretse mu Karere ka Gatsibo ngo no mu Ntara y’i Burasirazuba bigaragara ko igihingwa cy’imigano kidahingwa ku buso bugari, ariko ubwoko bw’imigano iribwa ngo mu Rwanda bwamaze kuhagera.

Agira ati:” Ubwoko bw’imigano y’imiribwa ubundi bwakoreshwaga mu gihugu cy’Ubushinwa, ariko no mu Rwanda bwamaze kuhagera, ubu buri mu igeragezwa ku buryo nta kabuza abatangiye kubuhinga bazabona isoko.”

Sendege akomeza yizeza aba bahinzi bo mu karere ka Gatsibo bahinga imigano, ko mu gihe cya vuba harashyirwaho gahunda yo kubegera no kurushaho kubunganira muri ubu buhinzi bwabo.

Bamwe mu baturage bo mu karere ka Gatsibo bamenye mbere inyungu zikomoka kuri iki gihingwa cy’imigano, bavuga ko bizeye umusaruro mwinshi gusa bakaba bagifite imbogamizi zo kubona isoko.

Ahorukomeye Etienne ni umwe mu bahinga imigano mu Murenge wa Remera agira ati:” Twatangiye gukora ubu buhinzi mu mwaka wa 2003, ubu duhinga imigano ku buso bwa hegitari 5, iki gihingwa cyacu ubu kigeze mu gihe cyo gusarurwa ariko ntiturabona isoko, nicyo kibazo dusigaranye.”

Uretse kuba hari kugeragezwa ubwoko bw’imigano iribwa, ubusanzwe iki gihingwa gishobora kubyazwa umusaruro mu buryo butandukanye gikorwamo ibikoresho birimo nk’intebe, ameza, ibitanda n’ibindi.

Ubu buhinzi bw’imigano bukorwa haterwa ingemwe ku ntera ya metero 3 hagati y’urugemwe n’urundi.

Comments (0)

12

Tags: , , , , , , , , , ,

Ngororero : Km 74 zigiye guterwa imigano ku mugezi wa nyabarongo

Posted on 17 July 2015 by peter

12

Umushinga LVEMP II, w’ikigo cy’igihugu cyita ku bidukikije REMA ugiye gutera imigano ku nkombe z’umugezi wa Nyabarongo. Iyo migano izaterwa ku burebure bwa kilometero 74, hagamijwe kubungabunga amazi y’uyu mugezi akomeje kwanduzwa n’isuri ituruka mu misozi iwukikije.

Muri uyu mushinga REMA ifatanyijwemo n’akarere ka Ngororero, ukazashyirwa mu bikorwa n’inkeragutabara zatsindiye iryo soko, hazaterwa imigano 88.800. Nsengimana Janvier, umukozi wa REMA ushinzwe gukurikirana ibikorwa by’uyu mushinga, avuga ko ubu imirimo igeze mu guhumbika imigano izaterwa kandi ngo imeze neza.

Umuyobozi wungirije ushinzwe ubukungu mu karere ka Ngororero Emmanuel Mazimpaka avuga ko kugira ngo gahunda Leta ifite yo kubyaza amashanyarazi amazi ya Nyabarongo, bikwiye ko hitabwa ku nkombe zayo, bityo ngo abaturage n’abashinzwe ubuhinzi n’ibidukikije mu duce umushinga uzakoreramo basabwa kuzabigiramo uruhare.

Kimwe mu bigaragara nk’imbogamizi mu gutera iyo migano, ni kwimura abahafite ibikorwa kuko hari aho uyu mugezi unyura rwagati mu mirima y’abaturage. Aha Muberantwari reverien ushinzwe ibipimo na GIS mu karere ka Ngororero avuga ko bamaze kubarura ababa bafite imitungo ahazakorerwa icyo gikorwa. Avuga ko Akarere ngo kiteguye kuzishyura iyo mitungo.

Ikindi ni uko ku nkombe za Nyabarongo mu karere ka Ngororero hasanzwe hateye imbingo zahatewe n’amakoperative yiganjemo ayurubyiruko yita ku bidukikije. Aha, Nsengimana avuga ko bazumvikana na ba nyiri imbingo uko rwagenda rusarurwa rukanimurwa bitewe n’uko imigano igenda ikura kuko ngo ubushakashatsi bwagaragaje ko imigano ariyo ifite ubushobozi bwo kurinda inkombe za nyabarongo kurusha urubingo. Ahandi imigano ikunganira urubingo.

Uyu mushinga uzakorerwa mu mirenge wa Ndaro, Nyange, Gatumba, Muhororo, Ngororero na Matyazo yo mu karere ka Ngororero. Uzatwara miliyoni 162 z’amafaranga y’u Rwanda, harimo miliyoni 8 nk’uruhare rw’akarere naho andi akazatangwa na REMA.

 

Comments (0)

Protea Hotels étend ses activités au bord du la Kivu, lieu touristique de l’Ouest du

Protea Hotels étend ses activités au bord du la Kivu, lieu touristique de l’Ouest du

Posted on 03 October 2014 by peter

Protea Hotels étend ses activités au bord du la Kivu, lieu touristique de l’Ouest du

Le Rwanda devient alors le 10e pays africain à bénéficier des investissements des services et des infrastructures de ProteaHotels. Le boom du tourisme rwandais permet au Rwanda de devenir une destination touristique dans la région et en Afrique. Les investisseurs se bousculent dans les services et les infrastructures d’hospitalité. Le Géant Sud-Africain en Hôtellerie « ProteaHotels » emboîte le pas avec la construction d’un Hôtel de 5 Etoiles dans le District de Rusizi, à l’Ouest du pays, au bord du lac Kivu. Cet hôtel de 15 milliards Frws, soit 22, 058,823$, aura 76 chambres sera terminé en 2016 sous la marque de « Protea Kivu Marina ResortHotel. ».

Ainsi, « ProteaHotels Group », partie de « Marriott Hotels International », un des grands hôtels mondiaux est aussi en train de construire un autre hôtel de cinq étoiles dans la ville de Kigali. D’autres hôtels de renommée internationale comme Radisson Blu, Radisson by Park Inn, Kempinski, Sheraton et Golden Tulip sont déjà sur le marché du secteur du tourisme et d’hôtellerie du Rwanda.

Yamina Karitanyi, Chef du Tourisme et la Conservation au sein du Rwanda DevelopmentBoard (RDB) se félicite de ce nouveau développement. « Nous nous félicitons des investisseurs comme Protea car les Rwandais vont directement bénéficier de ce partenariat qui va aussi contribuer à la compétitivité du Rwanda surtout dans le tourisme ». Selon Karitanyi, « la Ceinture du Kuvu (Kivu Bellt) est l’une de nos priorités des lieux pour le développement du tourisme et la diversification des services que nous offrons ».

ProteaHotels est une création sud-africaine spécialisée en hôtellerie et loisirs dont le siège est à Cape Town. C’est la plus grande entreprise hôtelière en Afrique avec plus de 126 hôtels de trois, quatre et cinq étoiles dans 10 pays africains.  La majorité de ses hôtels sont en Afrique du Sud. D’autres sont situés au Malawi, Namibie, Nigeria, Tanzanie, Zambie, Ouganda, Kenya et le Ghana.

Comments (0)

Tags: , , , , , , , , , ,

Ngoma: Imigano iri kwifashishwa mu gukurura ba mukerarugendo

Posted on 18 January 2014 by peter

m_NgomaDist

Ibiti by’imigano byatewe ku  nkengero z’ikiyaga cya Sake  kuri hegitari 45  ngo bihagire ahantu nyaburanga kandi binabungabunge iki kiyaga ndetse bizifashishwe mu kuboha imitako izajya ituma ba mukerarugendo babasigira amadorali bayiguze.

Imirimo yo gukora iki gikorwa imaze amezi agera kuri atatu ikaba iteganijwe gutwara amafaranga agera kuri miliyoni 90 y’u Rwanda  yatanzwe n’ikigo  cy’umutungo kamere hamwe n’ikigo cy’igihugu cyo kurengera ibidukikije REMA mu mushingwa wayo witwa DEMP.

Uretse kuba iyi migano biteganijwe ko izatuma abaturage biteza imbere binyuze mu bukerarugendo,ngo hari na gahunda yo guhugura aba baturage mu kubyaza umusaruro iyi migano bigishwa kuyikoramo ibikoresho byo mu rugo nk’imeza intebe n’ibindi.

Umukozi w’ikigo cy’umutungo kamere akaba n’impuguke kugihingwa cy’imigano,Munyensanga Frederic,yavuze ko iyi migno atari ukubungabunga ikiyaga gusa ahubwo ko izanabazanira amafaranga menshi binyuze mu makoperative bakazaba bazafashwa mu guhugurwa uburyo bayibyaza umusaruro.

Yagize ati” Abo twatangiriyeho iyi gahunda imigano yabagiriye akamaro kanini ubu  mu makoperative yabo baracuruza imitako  ikozwe mu migano mu kinigi muri Musanze bayigurisha ba mukerarugendo,ahantu nkaha rero twiteze ko  abaturage bahaturiye bizabagirira akamaro kanini.”

Uyu mukozi akomeza avuga ko imigano ari ingirakamaro bityo ko bakangurira n’abaturage kuyihinga kugirango bazayibyazemo umusaruro kuko irinda isuri kandi ikanakorwamo ibikoresho byinshi.

Umukozi w’akarere ka Ngoma ushinzwe amashyamba,Uwiragiye Venant,nubwo iki gihingwa cy’umugano gisa naho ari gishya muri aka karere,abona nawe kizanye ubukungu mugihe cyakiriwe neza n’abaturage bakakibyaza umusaruro.

Yagize ati” Ubundi uretse no kuba bayibyaza umusaruro urabona ko ubwayo kuyibona izengurutse iki kiyaga ari ikintu nyaburanga kizakurura ba mukerarugendo ndetse n’bi biyaga byacu bikarekwa kwangirika. Abaturage rero ni babe maso aya mahirwe ntazabapfire ubusa.”

Kugera ubu igice cyambere cyo gutera iyi migano cyararangiye ikaba yaranafashe nkuko byagaragaye ubwo abakozi b’ikigo cy’umutungo kamere babisanze kuri uyu wa 14/01/2014.

Aya mafaranga agera kuri miliyoni ijana akaba ariyo azakoreshwa muri iki kigokorwa cyo gutera imigano kuri hegitari 45 z’inkengero z’ikiyaga cya Sake. Kugera ubu koperative y’inkeragutabara akaba ariyo yafashe isoko ryo gubikurikirana no gubitera iyi migano.

Comments (0)

Advertise Here