Archive | Inzibutso

Urubyiruko rusabwa kujya rwibuka ngo amakosa yabaye atazongera

Posted on 24 May 2016 by peter

Urubyiruko rwo mu Karere ka Musanze rurasabwa kujya rwibuka abakorewe Jenoside kugira ngo amakosa yatumye Jenoside ibaho atazongera mu bihe byabo.

m_5

Ubwo hibukwaga urubyiruko rwazize Jenoside yakorewe Abatutsi ku ncuro ya 22 hanasomwe amazina y’abasore n’inkumi 22 bishwe.

Urubyiruko rwabisabwe n’umuyobozi wa komisiyo y’ubumwe n’ubwiyunge Bishop John Rucyahana kuri uyu wa 21/Gicurasi/2016 ubwo hibukwaga urubyiruko rwazize Jenoside yakorewe Abatutsi muri kano karere.

Nyuma yo gushyira indabo ku rwibutso rwa Muhoza aharuhukiye imibiri y’Abatutsi bazize Jenoside, mu ijambo rye yasabye urubyiruko kujya rwibuka kuko ari ngombwa.

Ati “Ntabwo tubivuga kuko urubyiruko rwakoreshejwe gukora Jenoside gusa, ahubwo ni uko urubyiruko rufite umuhamagaro ukomeye uhamagarirwa kumenya bikomeye ko ejo hazaza hu Rwanda muhafitemo uruhare rukomeye cyane. Kwibuka rero ni ngombwa kugira ngo amakosa yakozwe atazasubira mu bihe byanyu bizaza, mugomba kumenya ko mugomba kuyiga mukayasesengura aya makosa atazasubirwa agakorwa”.

Muri uyu muhango urubyiruko rwo mu Karere ka Musanze rukaba rwagiranye igihango n’igihugu bandika amagambo yamagana Jenoside kuri myenda yanditseho“Igihango cy’urungano”.

Guverineri w’intara y’Amajyaruguru Bosenibamwe Aime, yasabye urubyiruko kutazatatira igihango baharanira ko ibyabaye bitazongera.

Ati “Rubyiruko ruri aha ngaha ni mwe Rwanda rw’ejo, ni mwe bayobozi b’ejo hazaza, igihango mwasinye hano mugomba kuba mwiyemeje ko buri wese yazaharanira ko ibyabaye bibi bitazongera kubaho na rimwe, nibibe mu magambo ahubwo buri wese abiharanire”.

Bamwe mu rubyiruko basanga kwibuka bituma hari byinshi bamenye batari bazi kuko abenshi bavutse nyuma ya Jenoside.

Bajeneza Clementine numwe mu rubyiruko rwo mu Karere ka Musanze, avuga ko kwibuka urubyiruko ari ngombwa kuko mu gihe barimo kwibuka hari amasomo bakuramo.

Ati “Njye mbona kwibuka urubyiruko nka bagenzi bacu ari byiza, kuko iyo umuntu arebye ibintu byabaye hari ikintu atekereza mu mutwe we akagira umuhate wo kuvuga ngo nanjye ndareba ukuntu nigisha bagenzi banjye kugira ngo ibyabaye bitazongera kubaho ukundi”.

Abarokotse Jenoside yakorewe Abatutsi bongeye kugaragaza ko bifuza ko urukiko hashirwa ikimenyetso kigaragaza Abatusi bahiciwe kuko hiciwe abasaga 800.

Comments (0)

Abagore biciwe i Kibirizi muri Jenoside basabiwe urwibutso

Posted on 24 May 2016 by peter

Abagore barenga 350 biciwe i Kibirizi muri Nyanza mu gihe cya Jenoside yakorewe Abatutsi mu 1994 mu Rwanda basabiwe urwibutso.

m_1

Hon Mukabalisa Donatille yabijeje ubuvugizi

Ibi byasabwe mu gikorwa ngarukamwaka cyo kubibuka cyabaye tariki 21 Gicurasi 2016 mu murenge wa Kibirizi mu karere ka Nyanza.

Mu murenge wa Kibirizi ahitwa ku ibambiro ni ho  abo bagore barenga 350 bibutswe  bahungiye nyuma y’uko abicanyi bari bababwiye ko batongera kwica abana n’abagore ariko bamaze kubegeranya barabica.

Forongo Janvier wari uhagarariye imiryango y’abibuka ababo yavuze ko abagore barenga 350 aribo bimaze kumenyakana ko bahiciwe bazira Jenoside yakorewe Abatutsi.

Yagize ati “Bose baje bizeye ko baza kuhakirira ariko abicanyi bamaze kubegeranya bahise batangira kubica barabashinyagurira ku buryo bw’indengakamere”.

Mu izina ry’imiryango y’abahaburiye ababo yasabye ko hakwiye gushyirwa urwibutso rwa Jenoside rwabo  rwihariye rukubiyemo amateka y’uburyo bishwemo mu rwego rwo kugira ngo hatazagira icyakwibagirana kuri jenoside yakorewe abatutsi yahabereye mu 1994 mu Rwanda.

Ati “Amateka y’aha hantu bita ku Ibambiro adasigasiwe neza ejo cyangwa ejo bundi yazibagirana kandi icyo dushaka n’uko abantu bazahora bayazirikana”.

Yasobanuye ko kubaka urwibutso rugashyingurwamo abo babyeyi n’abana biciwe I Kibirizi mu gihe cya Jenoside yakorewe abatutsi hakandikwa n’amateka ni bimwe mu bizatuma ubwicanyi bwahabereye butibagirana.

Mukakarisa Providence watanze ubuhamya akagaragaza ubugome bwakorewe abo bagore n’abana bari bahahungiye yashimangiye ko hashyizwe urwibutso byaba ari intambwe ikomeye mu gusigasira ko amateka yaho atakwibagirana.

Umuyobozi w’Akarere ka Nyanza Ntazinda Erasme agira icyo avuga kuri ubu busabe bw’abaharokokeye muri Jenoside yatangaje ko ubutaka bwaho ku ibambiro kugeza ubu buri mu maboko y’itorero ry’abapantekote  ariko ko ubuyobozi bw’akarere bwatangiye inzira zo kububasaba.

Hon Mukabalisa Donatille, Perezida w’inteko Ishinga amategeko, Umutwe w’abadepite wari umushyitsi mukuru yijeje imiryango y’abaharokokeye ko bazakorerwa ubuvugizi maze ubusabe bwabo bukazatanga igisubizo cyiza.

Igikorwa cyo kubibuka cyabimburiwe no gushyira indabo ahantu abo bagore bashyinguwe by’agateganyo.

Comments (0)

Rutsiro: Urubyiruko rwibutse bagenzi babo bishwe muri Jenoside

Posted on 21 May 2016 by peter

Abana,urubyiruko n’abagore bo muri Rutsiro bavuga ko kwibuka bagenzi babo bishwe muri Jenoside yakorewe Abatutsi mu 1994 ari ukubasubiza agaciro bambuwe.

m_4

Urubyiruko narwi rwibutse bagenzi babo bishwe muri Jenoside bashyira indabo ku rwibutso

Babitangaje kuri uyu wa 19 Gicurasi 2016 ubwo muri aka karere hibukwaga abana, urubyiruko ndetse n’abagore bishwe muri Jenoside abafashe amagambo bose bakaba batangaje ko iki gikorwa cyo kubibuka kiba kigamije kubasubiza agaciro.

Uwamahoro Agnes umuhuzabikorwa w’inama y’igihugu y’abagore CNF yagize ati”Igikorwa nk’iki cyo kwibuka bagenzi bacu bazize Jenoside tugiha agaciro kanini kuko tuba tuboneyeho umwanya wo kubunamira tubasubiza agaciro bambuwe ubwo bicwaga nabi bazize ubusa”

Ku ruhande rw’urubyiruko na rwo ngo kwibuka urubyiruko rwishwe muri Jenoside ari iby’agaciro ariko kandi na none ngo aba ari n’umwanya wo gufata ingamba zo gukumira no kurwanya icyatuma Jenoside yongera kuba.

Umuhuzabikorwa w’urubyiruko mu Karere ka Rutsiro Eustache Ndayisenga yagize ati” Na twe nk’urubyiruko twibuka bagenzi bacu bishwe muri Jenoside kugira ngo tubunamire tubaha agaciro twongera gusubiza amso inyuma tukareba amateka mabi yaranze igihugu tunafata ingamba yo gukumira icyo ari cyo cyose cyatuma Jenoside yongera kuba”

Uhagarariye Ibuka mu karere Ntihinyuka Janvier yavuze ko ababyeyi bakwiye kuganiriza abana n’urubyiruko ukuri kw’ibyabaye batagoretse ayo mateka kuko ngo bazavanamo inyigisho zizatuma jenoside itongera kuba.

Umuyobozi w’Akarere Ayinkamiye Emerence yavuze ko nk’akarere bazakomeza kubumbatira ubumwe n’ubwiyunge kandi banarwanya abapfobya n’abahakana Jenoside yakorewe abatutsi ibi ariko ngo bizajyana no guha inyigiso urubyiruko kuko arizo mbaraga z’igihugu.

Muri uyu muhango wo kunamira abazize Jenoside hashyizwe indabo ku rwibutso rwa Gihango ahashyinguwe imibiri isaga 4373 harimo abana,urubyiruko ndetse n’abagore.

Comments (0)

Umuyobozi wa Ibuka yabye urubyiruko kurangwa n'ubutwari

Tags: , , , , , , , , ,

Ubutwari ngo butangira umuntu akiri muto

Posted on 18 May 2016 by peter

Ubutumwa bukangurira urubyiruko guharanira kuba intwari buri mu byaranze igikorwa cyo kwibuka, urubyiruko rwazize Jenoside yakorewe Abatutsi mu 1994.

Umuyobozi wa Ibuka yabye urubyiruko kurangwa n'ubutwari

Umuyobozi wa Ibuka yabye urubyiruko kurangwa n’ubutwari

Haba mu magambo y’abayobozi, indirimbo ndetse n’imivugo, ubutumwa bwatanzwe bwagarutse ku gukangurira urubyiruko kuba intwari, rufatiye urugero ku rubyiruko rwari rugize Ingabo zari iza RPF Inkotanyi rwitanze kugira ngo rubohore u Rwanda, rugahagarika Jenoside yakorwaga Abatutsi, rukunga Abanyarwanda, rukubaka Igihugu cyari kigeze aharenga, ubu u Rwanda rukaba ari Igihugu cyiyubashye kandi cyubashwe n’amahanga.

Perezida wa Ibuka mu karere ka Ruhango Munyaneza Narcisse akaba asaba urubyiruko rwa none kwigira ku rubyiruko rwahagaritse Jenoside, buri wese agatangira gutekereza igikorwa cy’ubutwari yakora kizatuma agira imyaka nk’iyo abahagaritse Jenoside bafite ubu yishimira icyo gikorwa, nk’uko nabo ubu  bashimirwa ubutwari butagereranywa bagize.

Ati “Uyu munsi mufite amahirwe y’uko umwana w’u Rwanda wese agomba kujya mu ishuri akiga, kandi akaba ari amahirwe y’uko mwigishwa icyiza gusa, ndagira ngo mu myigire yanyu mujye murushaho gutekereza igikorwa cy’ubutwari mwazishimira igihe muzaba mugeze mu myaka y’ubukwere”.

Umuyobozi w’Akarere wungirije ushinzwe ubukungu, imari n’iterambere, Twagirimana Epimaque, na we yagarutse ku butwari bugomba kuranga urubyiruko, yibutsa ko ubutwari butangira kare.

Ati “Kuba intwari bitangira ukiri muto”. Maze abishimangira agira ati “Kwibuka amateka yacu bidutere ubutwari bwo kubaka u Rwanda rwacu iteka ryose”.

Uyu muhango wabaye tariki ya 14/05/2016, umushyitsi mukuru akaba yari Depite Uwiringiyimana Philbert, we yasabye uru rubyiruko gushyira ku mutima nibura bumwe mu butumwa bwatanzwe, kugira ngo buzamufashe kurushaho kwiyubaka mu buzima bwe bwite, no kubaka igihugu. Akaba kandi yasabye buri wese kugirira Igihugu isezerano ryo kucyubaka no kukigeza ku rwego cyubahwa kikagira igitinyiro mu ruhando mpuzamahanga.

Comments (0)

Ibuka irasaba abahanzi ibihangano bigaragaza kwiyubaka

Posted on 17 May 2016 by peter

Perezida wa Ibuka Dusingizemungu Jean Pierre, yasabye abahanga inzirimbo zo kwibuka, gutanga ubutumwa bugaragaza kwiyubaka, burinda ababwumva guhungabana.

Mariya Yohana(ibumoso) Munyanshoza Dieudonne(hagati) na Bonhomme

Mariya Yohana(ibumoso) Munyanshoza Dieudonne(hagati) na Bonhomme

Umuhango wo Kwibuka ku ncuro ya 22, Jenoside yakorewe Abatutsi, wabereye mu murenge wa Gacurabwenge mu Karere ka Kamonyi, tariki 14/5/2016, witabiriwe n’abahanzi bamenyerewe mu ndirimbo zo kwibuka aribo Munyanshoza Dieu Donnee, Bonhomme na Mariya Yohana.

Nyuma yo kuririmba ibihangano bigaragaza agahinda n’ibikomere Jenoside yakorewe Abatutsi yasigiye abayirokotse, Perezida wa Ibuka Dusingizemungu Jean Pierre yagaye abahanzi guhimba indirimbo zigaragaramo ubutumwa buca intege kandi kuva muri 1995 kugeza muri 2016 hari byinshi abacitse ku icumu bagezeho bibasohora mu gahinda.

Yababwiye, ati”Mufite uburyo mu buhanzi bwanyu muyobora ubuzima bw’abantu. Mu buhanga mufite rero mukomeze muduherekeze mutuvane mu rupfu; twe kuzajya dutekereza ibiduhungabanya (memoire Traumatique). Kwibuka kwacu kugomba kuba kurimo ubuzima bwiza kuko abacu si bo badutera ibibazo, ahubwo ababidutera n’izo nterahamwe n’abagifite wa mutima w’ingengabitekerezo ya Jenoside. Ni na bo baba bakwiye guhungabana. Ihungabana ryacu dukwiye kurifatira icyemezo kugira ngo hatazagira utureba mu bwonko”.

Yashimye umuhanzi Bonhomme kuko hari ibyo yahinduye ku ndirimbo yavugagamo ko “ijambo umubyeyi yasize avuze riradukomeretsa” akaba yarabikosoye akagaragaza ko “ijambo umubyeyi yasize avuze ritwubaka”.

Yagarutse no ku butumwa buri mu ndirimbo ya Mariya Yohana, ivuga ngo “Agakomye karadukometsa”, amubwira ko “agakomye katwibutsa gusa ariko kanadushyiramo imbaraga”.

Yasabye abibuka guterwa imbaraga n’imigambi n’ibikorwa byiza abazize Jenoside bakoze, bakabifataho urugero;  aho guheranwa n’agahinda ko kwibuka urupfu bapfuye.

Abahanzi bemeye inama n’impanuro bahawe na perezida wa Ibuka. Munyanshoza Dieudonnee, atanga urugero rw’indirimbo “Dusane ubuzima” yahimbye ku ncuro ya 20 hibukwa jenoside yakorewe abatutsi, agaragaza ko itandukanye n’iya “Mibilizi”yahimbye muri 1995 kuko yageze iwabo agasanga ibyari byarasenywe byarubatswe.

Comments (0)

Guverineri Munyantwari yasabye abibuka Jenoside kutaba ba “Rukurikirizindi”

Tags: , , , , , , , , , ,

Guverineri Munyantwari yasabye abibuka Jenoside kutaba ba “Rukurikirizindi”

Posted on 10 May 2016 by peter

Guverineri Munyantwari yatangaje ko nta munyarwanda ugomba kwitabira igikorwa cyo kwibuka Abatutsi bazize Jenoside kubera ko yabonye abandi na bo bitabiriye.

Guverineri Munyantwari yasabye abibuka Jenoside kutaba ba “Rukurikirizindi”

Guverineri Munyantwari ageza ijambo ku bitabiriye uwo muhango

Byari kuri uyu wa 07 Gicurasi 2016 mu gikorwa cyo kwibuka ku ncuro ya 22 Jenoside yakorewe abatutsi muri Mata 1994 no kunamira Abatutsi b’inzirakarengane bashyinguye mu rwibutso rwa Jenoside rwa Gatagara ruri mu Murenge wa Mukingo mu Karere ka Nyanza.

Munyantwari Alphonse Guverineri w’Intara y’Amajyepfo wari umushyitsi mukuru muri iki gikorwa cyo kwibuka abatutsi bazize Jenoside bashyinguye I Gatagara yatangaje ko nta munyarwanda ukwiye kwitabira ibikorwa byo kwibuka jenoside yakorewe abatutsi mu Rwanda kubera ko abona  abandi nabo bitabiriye.

Yabivuze atya: “Nta Munyarwanda ukwiye kuba “Rukurikirizindi “uza kubera ko yabonye abandi na bo baza kwibuka Jenoside”.

Uyu muyobozi w’Intara y’Amajyepfo yavuze ko hari bamwe bitabira ibikorwa byo kwibuka Jenoside ari ukwanga gusigara iwabo mu ngo mu gihe abandi bagiye kwibuka ababo bazize Jenoside.

Ati “Buri wese agomba kuza kwibuka abazize jenoside yakorewe Abatutsi yumva ko agomba kwirengera akarengera n’igihugu kuko Jenoside ikorerwa ikiremwamuntu”

Guverineri w’Intara y’Amajyepfo yabivuze yamagana bamwe baza kwibuka Abatutsi bazize Jenoside ari ukugira ngo bagere aho abandi bari ahanini batinya ko hagira umuntu ubibazaho.

Umuhoza Clementine watanze ubuhamya kimwe na Rugero Paulin ushinzwe imibereho myiza mu muyango Ibuka bashimye intambwe abarokotse Jenoside bagezeho ndetse n’uruhare Leta y’ubumwe bw’Abanyarwanda yagize mu kongera kubaka igihugu cyari cyashegeshwe na Jenoside yakorewe Abatutsi.

Nyuma y’imyaka 22 ishize Jenoside ibaye mu Rwanda, Rugero yashimye ko kuri iyi nshuro Leta y’u Rwanda yashyize imbaraga mu gikorwa cyo kwishyuriza abarokotse Jenoside imitungo bangirijwe muri Jenoside yakorewe Abatutsi muri Mata 1994 mu Rwanda.

Igikorwa cyo kwibuka ku ncuro ya 22 Abatutsi b’inzirakarengane biciwe i Gatagara muri Jenoside cyabimburiwe na Misa yo kubasabira ndetse hanashyirwa n’indabo ku rwibutso rwa Jenoside rwa Gatagara.

Comments (0)

Barasabwa kuzahora bibuka Jenoside yakorewe Abatutsi

Tags: , , , , , ,

Barasabwa kuzahora bibuka Jenoside yakorewe Abatutsi

Posted on 04 May 2016 by peter

Kwibuka Jenoside yakorewe Abatutsi mu mwaka 1994, bigomba kuzahoraho kugira ngo bikomeze kuba amateka yigisha abazavuka n’abagifite ingengabitekerezo ya Jenoside.

Barasabwa kuzahora bibuka Jenoside yakorewe Abatutsi

Abakozi b’ibitaro bya Mibirizi murugendo rwo kwibuka

Ibi ni ibyatangajwe n’umuyobozi w’Akarere ka Rusizi wungirije ushinzwe imibereho myiza y’abaturage Nsigaye Emmanuel, ku wa 29 Mata 2016, mu muhango wo kwibuka abahoze ari abakozi b’ibitaro bya Mibirizi , abarwayi n’abarwaza biciwe muri ibyo bitaro.

Yagize ati”Iki gikorwa cyo kwibuka abacu bazize Jenoside yakorewe Abatutsi kigomba kuzahoraho kugira ngo bikomeze kuba amateka yigisha abazajya bavuka bagende basobanukirwa ubugome bwa Jenoside n’ububi bwayo ngo itazongera kubaho ukundi.”

Ntakirutimana  wari uhagarariye ibitaro bya Mibirizi muri uyu muhango avuga ko mu gukomeza kwiyubaka bafata mu mugongo imiryango y’ababuriye ababo mu bitaro bya Mibirizi aho bamaze kuboroza inka 5 , amatungo y’ihene  naho uyu munsi bakaba bahaye indi pfubyi ibihumbi magana 500.

Akomeza avuga ko bazakomeza gushishikariza abakozi b’ibi bitaro kurangwa n’umutima wo gufasha impfubyi n’abapfakazi basigiwe kugira ngo batazaheranwa n’agahinda, ahubwo bakomeze kwiyubaka bigirira icyizere cyejo hazaza .

Mukunzenkase Vestine umwe mu barokokeye mu bitaro bya Mibirizi akanahaburira umugabo we avuga ko abaguye mu bitaro bya Mibirizi bari intwari kuko buri wese yumvaga atahunga ngo asige abandi kugeza aho interahamwe zaje zikabakura mu bitaro zikajya kubicira mu inkengero z’ibitaro.

Akomeza avuga ko abaguye mu bitaro bya Mibirizi bishwe urw’agashinyaguro kuko bageze n’aho batanga amafaranga bagura urupfu ngo baraswe ariko interahamwe zikanga kugira ngo babice urubozo.

Yagize ati” Ikintu kibabaje ni uko muri kiriya gihe umuntu yaguraga urupfu ngo nibura apfe urwo yisabiye agatanga amafaranga ngo bamurase ariko ntibabimuhe ngo bakunde bamwice urw’agashinyaguro.”

Muri Jenoside yakorewe Abatutsi muri Mata 1994, mu bitaro bya Mibirizi haguye abantu 18 bari barimo abaganga, abarwayi n’abarwaza bakaba bashyinguye hafi y’ibyo bitaro.”

Comments (0)

Niyonziza Felicien Perezida wa IBUKA mu karere ka Gatsibo

Tags: ,

Abarokotse barasaba ababiciye kwerekana ahajugunywe imibiri y’ababo

Posted on 29 April 2016 by peter

Bamwe mu barokotse Jenoside bo mu Murenge wa Kiramuruzi, barasaba Leta ko yategeka ababiciye bakerekana aho bagiye bajugunya imibiri y’ababo.

Niyonziza Felicien Perezida wa IBUKA mu karere ka Gatsibo

Niyonziza Felicien Perezida wa IBUKA mu karere ka Gatsibo

Abarokotse Jenoside bo mu Karere ka Gatsibo by’umwihariko mu Murenge wa Kiramuruzi, basaba ko bakwerekwa ahagiye hajugunywa imibiri y’ababo, mu rwego rwo kugira ngo gahunda y’ubumwe n’ubwiyunge igerweho 100%.

Nk’umwe mu barokotse Jenoside yakorewe Abatutsi, Madame Theopiste ngo asanga iki gipimo cy’ubumwe n’ubwiyunge kitazagerwaho 100%, mu gihe hari abakoze Jenoside batarerekana aho bajugunye imibiri y’abo bishe ngo ishyingurwe mu cyubahiro.

Agira ati:” kugeza ubu hari imibiri y’abacu yaburiwe irengero, kandi natwe tuba ducyeneye kubabona kugira ngo tubashyingurwe mu cyubahiro, ntabwo rero byoroshye kubabarira uwakwiciye utarabona n’uwo yishe ngo umusezereho mu cyubahiro.

Taliki ya 27 Mutarama 2016, Komisiyo y’Igihugu y’Ubumwe n’Ubwiyunge yashyize hanze ibyavuye mu bushakashatsi byerekana ko  igipimo cy’ubumwe n’ubwiyunge mu Rwanda, cyazamutse kikagera kuri 92,5% , kivuye kuri 80% mu mwaka wa mu 2010.

Niyonziza Felicien uhagarariye umuryango IBUKA uharanira inyungu z’abarokotse Jenoside mu Karere ka Gatsibo, avuga ko hari byinshi Leta y’u Rwanda yakoze ndetse inashimirwa n’uyu muryango kuko ngo byatumye iki gipimo kizamuka.

Agira ati” Leta y’u Rwanda yakoze akazi katoroshye ko kunga Abanyarwanda nyuma y’amahano ya Jenoside, abishe babanye mu mahoro n’abo biciye barasangira bagasabana, bari kumwe muri za koperative, mbese ubona urugendo rw’ubumwe n’ubwiyunge ruhagaze neza.”

Ibi kandi binashimangirwa na bamwe mu barokotse Jenoside bo mu Murenge wa Kiramuruzi, bavuga ko ubu basigaye babanye n’abakoze Jenoside ndetse ngo banagabirana amatungo.

Mu mwaka wa 1999, ni bwo Leta y’u Rwanda yashyizeho komisiyo y’ubumwe n’ubwiyunge, iyi komisiyo ikaba ifite mu nshingano kunga no kongera kubanisha abanyarwanda nyuma ya Jenoside yakorewe abatutsi muri Mata 1994.

Comments (0)

Tags:

Gisagara: Hari abagihishiriye ahari abatarashyingurwa mu cyubahiro

Posted on 27 April 2016 by peter

Abarokotse Jenoside yakorewe Abatutsi mu Rwanda, muri Gisagara barasaba kumenyeshwa aho ababo bagiye bashyirwa mu 1994 ngo bashyingurwe mu cyubahiro.

Gisagara: Hari abagihishiriye ahari abatarashyingurwa mu cyubahiro

Gisagara: Hari abagihishiriye ahari abatarashyingurwa mu cyubahiro

Ibi barabivuga mu gihe muri iki cyumweru dusoje hashyinguwe abarenga ijana bagiye bakurwa mu byobo bimwe bitari byaramenyekanye, abandi bakava mu masambu abaturage bahingaga.

Muri aka Karere ka Gisagara Jenoside yakorewe Abatutsi yatangiye gukaza umurego mu matariki ya 19 Mata 1994 gusubiza hejuru.

Uku kuba ubwicanyi bwaratangiye mu matariki asa nayigiye inyuma kuruta ahandi, byatumye abantu bicwa ari benshi kuko byakoranywe imbaraga nyinshi.

Muri aya matariki ubwo mu mirenge itandukanye bari kwibuka ababo bazize iyi Jenoside, hari no kugenda hashyingurwa imibiri yagiye iboneka muri aya mezi yegereje ukwa 4.

Abarokotse Jenoside yakorewe abatutsi muri aka karere bavuga ko ibi bitagakwiye kuba bikiriho ko ndetse ari agashinyaguro kuba hari aho usanga abantu mu masambu ahingwa kandi abahahinga bataragaragaje ko harimo imibiri y abantu.

Icyo basaba ni uko abantu bagaragaza aho ababo bari nabo bagashyingurwa mu cyubahiro.

Emmanuel Uwiringiyimana uhagarariye Ibuka ku rwego rw’Akarere ka Gisagara agereranya uku guhishira aho abantu bari nk’ingengabitekerezo akavuga ko bidakwiye mu banyarwanda.

Ati “Gusanga hari aho abantu bagihingwaho ibijumba bigaragara ko abahahingaga batari bayobewe ko barimo, ari ingengabitekerezo ya Jenoside dukwiye gukomeza kurwanyiriza hamwe nk’Abanyarwanda”

Umuyobozi w’Akarere ka Gisagara Jerome Rutaburingoga na we yagiye abigarukaho kenshi muri ibi bihe byo kwibuka, asaba ko abantu bagaragaza aho abazize Jenoside yakorewe Abatutsi bari maze bose bagashyingurwa mu cyubahiro bakajya bibukwa banashyinguye neza.

Ati “Turongera gusaba abantu bazi aho abacu batarashyingurwa bari, kuhavuga nabo tukabaha icyubahiro bakwiye tubashyingura kuko, uko guhishira n’ubundi ni ibishyira ingengabitekerezo turimo turwanya kandi bizadufasha kwiyubaka”

Muri aka karere ka Gisagara kugera ubu mu mirenge igera kuri 6 hamaze gukurwa imibiri y’abazize Jenoside yakorewe abatutsi  mu Rwanda igera ku 126, ikaba imaze gushyingurwa mu cyubahiro.

Comments (0)

Tags: ,

Ruhango: Ibigo bitatu bya Leta byateye inkunga urwibutso rwa Kinazi

Posted on 26 April 2016 by peter

Abakozi b’ibigo bya RRA, komisiyo y’amatora n’umugenzuzi mukuru w’imari ya Leta, bateye inkunga ya miliyoni eshatu urwibutso rwa Kinazi.

Abakozi b'ibigo bitatu bunamiye inzirakarengane zishyinguye mu rwibutso rwa Kinazi

Abakozi b’ibigo bitatu bunamiye inzirakarengane zishyinguye mu rwibutso rwa Kinazi

Iki gikorwa kikaba cyabaye ku mugoroba wa tariki ya 22/04/2016, ubwo basuraga urwibutso rwa Kinazi mu Karere ka Ruhango rushyinguyemo imibiri isaga ibihumbi 60, y’Abatutsi bazize Jenoside mu mwaka 1994 bakomokaga muri aka gace k’Amayaga.

Abakozi b’ibigo byasuye uru rwibutso, bakaba basobanuriwe amateka y’aha hantu mu bihe bya jenoside, aho habareye ubugome ndengakamere bwari buhagarariwe n’uwari umuyobozi wa Komine Ntongwe Kagabo Jacques, aho yagiye agakusanyiriza ahamwe Abatutsi bahigwaga abizeza ko nta muntu uzabica kuko azabahagararaho.

Nyuma ariko akaza kubarekuriramo impunzi z’Abarundi zari zifite ubugome bw’indengakamere ndetse n’interahamwe zari zaratojwe ubwicanyi.

Ngo Abatutsi bari aha, bakomeje kwirwanaho, ariko baza gucika intege tariki ya 22/04/1994, kuko bari bamaze kuganzwa n’interahamwe zakoreshaga amagerenade. Ubundi kuri iyi tariki ngo Abatutsi batagira ingano bakaba bariciwe mu gishanga cya Nyamukumba, harokokamo mbarwa.

Perezida wa komisiyo y’amatora Kalisa Mbanda, wari uyuboye ibi bigo uko ari bitatu muri iki gikorwa, yavuze ko amateka bumviye aha arenze ubwenge bwa muntu, akaba yakoze ku mitima y’abo yaje ayoboye.

Gusa akavuga ko kumva amateka nk’aya ari byiza kuko bituma abatazi Jenoside bayimenya ndetse bakanarushaho kurwanya ingengabitekerezo yayo. Akaba yabijeje ko ibi bigo bizakomeza kubaba hafi.

Alex Rusagara uhagarariye abarokotse muri uyu Murenge wa Kinazi, akaba yavuze ko iyo babonye abantu nk’aba bamanuka bakaza kwifatanya nabo, ngo bibatera ishema cyane, kuko baba bumva ko hari Abanyarwanda babatekerezaho.

Ati “Biradushimisha, kuko ibihe nk’ibi usanga abarokotse baza kunamira ababo, ariko iyo babonye hari abandi bahaza, birushaho kububaka”.

Umwe mu barokokeye aha, avuga ko bagifite ibikomere byinshi basigiwe na jenoside birimo indwara zidakira, akaba yasabye ko bakomeza gukorerwa ubuvugizi. Aya mafaranga akaba azifashishwa mu gusoza imirimo yo kubaka uru rwibutso

Comments (0)

Advertise Here