Archive | Pariki

Umukandara wa pariki ya Nyungwe uratangira gutanga amapoto

Umukandara wa pariki ya Nyungwe uratangira gutanga amapoto y’umuriro w’amashanyarazi

Posted on 28 March 2014 by peter

Umukandara wa pariki ya Nyungwe uratangira gutanga amapoto

Nyuma y’igihe kirekire ishyamba ry’iriterano rikikije pariki y’igihugu ya Nyungwe ryamaze ritabyazwa umusaruro, isosiyete y’ishoramari New Forest Company, iratangaza ko muminsi mike itangira kurikuramo amapoto azakoreshwa mugukwirakwiza umuriro w’amashanyarazi mu gihugu.

Ibi ni ibyatangajwe n’umuyobozi w’iyi Sosiyete, Julian Ozanne, kuri uyu wa Kane taliki 27/3/2014, ubwo yari amaze kubonana na Perezida wa Repubulika, Paul Kagame.

Aganira n’itangazamakuru, uyu muyobozi yatangaje ko bagiye gushyira ingufu nyinshi mukubyaza umusaruro iri shyamba, aho ngo bazatanga amapoto ahagije kandi agezweho mugukwirakwiza umuriro w’amashanyarazi mu gihugu.

Yavuze kandi ko ngo ko bashimishijwe n’uburyo umukuru w’igihugu yabashigikiye mu ishoramari bagiye gukorera mu gihugu, bityo ngo nabo ubu bufatanye bakaba batazabupfusha ubusa.

Yagize ati: “Twagiranye ibiganiro by’ingirakamaro n’umukuru w’igihugu. Bityo ubufasha yatwemereye tukaba tugiye kububyaza umusaruro, dukoresha iri shyamba neza kandi k’uburyo bugezweho.”

Uyu muyobozi wa New Forest Company, yatangaje ko iyi sosiyete iri mubiganiro na leta, aho bazasinyana amasezerano y’ubufatanye muminsi mike bagatangira gukwira kwiza amapoto mu gihugu.

Minisitiri w’ibikorwa remezo, Stanislas Kamanzi wari uherekeje itsinda rya NFC, yavuze ko aba bantu babitezeho byinshi mu gufasha mu itunganywa ry’umusaruro ukomoka ku mashyamba, kuko bafite ubushobozi buhagije, kandi bakaba bakoresha ikoranabuhanga rihambaye haba mu gusarura no gutunganya umusaruro.

Minisitiri Kamanzi yavuze ko ibi bizagira umumaro cyane mu buryo bwinshi burimo kuzamura ubukungu no guteza imbere abaturage baturiye ahari ibikorwa bya NFC, ndetse ngo bizanafasha igihugu cyane mu gutuma amashanyarazi agezwa henshi kandi igiciro kigabanutse, kuko ngo ku biti byajyaga bikoreshwa bivanywe mu mahanga za Afurika y’Epfo na Kenya, noneho bizajya bikoreshwa bivuye imbere mu gihugu.

Kugeza ubu NFC yahaye akazi abantu bageze ku 117, abenshi muri bo bakaba ari abaturage baturiye aho amashyamba asarurwa ari mu turere dukora ku ishyaba kimeza rya Nyungwe, aho kuva Rusizi, Nyamasheke, Nyamagabe, na Karongi hazasarurwa iri shyamba riteye.

Ishyamba rigize umukandara wa Nyungwe ryatewe mu myaka y’ 1970 ku buso burenga hegitari 11000, uruganda rwa sosiyete the New Forest Company rwatangiye gukora amapoto mu biti by’iri shyamba akaba ari rwo rwa mbere mu Rwanda, rufite ubushobozi bwo gukora amapoto agera ku 1000 mu gihe cy’icyumweru.

Comments (0)

m_ABANGIRIJWE N’INYAMANSWA BARIZEZWA KWISHYURWA VUBA

ABANGIRIJWE N’INYAMANSWA BARIZEZWA KWISHYURWA VUBA

Posted on 28 March 2014 by peter

m_ABANGIRIJWE N’INYAMANSWA BARIZEZWA KWISHYURWA VUBA

Imbogo ni zimwe mu nyamanswa zangiza imyaka zikanica abaturage.

Mu gihe bamwe mu baturage b’imidugudu yo mu murenge wa Karangazi yegereye pariki y’akagera ibikorwa byabo byangijwe n’inyamanswa mbere y’ishyirwaho ry’uruzitiro rutandukanya pariki n’ubutaka bw’abaturage bavuga ko batinze kwishyurwa, ubuyobozi bw’ikigega cy’ingoboka ku mpanuka ziterwa n’ibinyabiziga cyangwa inyamanswa bwizeza abaturage ko mu ntangiriro z’ukwezi kwa kane bazaza gufatanya nabo gukemura iki kibazo.

Izi nyamanswa zangizaga imitungo y’abaturage mbere y’uko hashyirwaho uruzitiro rutandukanya pariki n’ubutaka bw’abaturage. Ndabarinze David atuye mu mudugudu w’akayange ka kabiri. Yangirijwe n’ingurube kimwe n’inzovu, umurima w’imyumbati wa metero 70 kuri 75 mu kwezi kwa 5 umwaka ushize abarirwa ibihumbi 47. Avuga ko ibyangombwa byose yabitanze ndetse akizezwa ko yishyurwa vuba. Nomero za telephone yahawe ngo iyo azihamagaye abwirwa ko babirimo.

Ibi kimwe na bagenzi be ngo byabateje ibihombo haba ku myenda bafashe ndetse n’amafaranga bakoresha bahamagara banohereza ubutumwa bugufi. Aba baturage basaba  ikigega cy’ingoboka ku mpanuka ziterwa n’ibinyabiziga cyangwa inyamaswa kubahiriza amasezerano.

Uku gutinda kwishyurwa imitungo yabo yangijwe n’inyamanswa ariko ngo byatewe n’ibibazo byagiye bigaragara mu kuyasuzuma. Ndashimye Bernardin umuyobozi w’ikigega cy’ingoboka ku mpanuka ziterwa n’ibinyabiziga cyangwa inyamanswa avuga ko bamaze kubona ko hari amadosiye asaba indishyi atuzuye bumvikanye n’ubuyobozi bw’intara y’uburasirazuba ko ibibazo bijyanye no guhabwa indishyi bizajya bikemurirwa mu ruhame aho imitungo yangirijwe. Uyu muyobozi akaba asezeranya abaturage bangirijwe n’inyamanswa ko mu ntangiriro z’ukwezi kwa kane bazaza gukemura ibibazo bihari.

Aba baturage kandi bavuga ko bagiye mu bihombo. Nyandwi Eliphase avuga ko yigurije amafaranga yo gufungura konti yafunguye muri Banki y’abaturage y’uRwanda ishami rya Nyagatare kuwa 23 Ukuboza umwaka ushize none ubu ngo akaba yarikubye incuro nyinshi. Uretse imyaka yangijwe, hari n’abantu bahitanywe n’izi nyamanswa ariko nabo ngo bakaba batarahabwa impozamarira. Rutayisire Fred avuga ko mukuru we Semakabanya Geoffrey yishwe n’imbogo mu kwezi kwa 12 umwaka ushize. Ibyangombwa basabwe byose ngo barabitanze ariko kugeza uyu munsi ngo bategereje impozamarira barahebye. Inyamanswa zabangirije ahanini ngo n’imbogo, inzovu, impyisi zaryaga amwe mu matungo magufi n’ingurube zo mu gasozi.

Comments (0)

Ibibazo biri mu madosiye y’abasaba indishyi z’ibyo bangirijwe n’inyamaswa za Parike y’Akagera ngo ni byo byadindije igikorwa cyo kubishyura

Posted on 07 January 2014 by peter

Ibibazo biri mu madosiye

Umuyobozi w’ikigega cyihariye cy’ingoboka (Special Guarantee Fund), Ndashimye Bernardin avuga ko kuba hari bamwe mu baturage bonewe n’inyamaswa za parike y’Akagera batarishyurwa kandi barasinyiye amafaranga ya bo, byatewe n’ibibazo byagiye bigaragara mu madosiye asaba indishyi z’ibyo bangirijwe n’inyamaswa z’iyo Parike.

Abivuze mu gihe hari abaturage bagera ku 100 bo mu kagari ka Kageyo mu murenge wa Mwili mu karere ka Kayonza bavuga ko bamaze igihe kirenga amezi abiri barasinyiye amafaranga y’indishyi bagombaga guhabwa ariko bakaba batarayabona, kandi barabwirwaga ko bitarenze icyumweru kimwe nyuma yo kuyasinyira yagombaga kuba yamaze kugera kuri konti za bo nk’uko babidutangarije.

Mu baturage barenga 120 bari basinyiye amafaranga i Kageyo, abatarenga 20 ngo ni bo bayabonye abandi bakaba bibaza uko byagenze kugira ngo ntibayabone kandi barayasinyiye, nk’uko Karekezi Laurent uhagarariye amakoperative mu mudugudu wa Rugeyo wo mu kagari ka Kageyo abivuga.

Ati “Hashize hafi amezi abiri dusinyiye amafaranga ariko twarayabuze. Dufite agahinda ko twaba twarayasinyiye bamwe bakayabona abandi ntibayabone. [Dusinya] batubwiraga ko nyuma y’icyumweru kimwe bagombaga kuba batwishyuye, ariko ubu aho bigeze turabahamagara tubasobanuza bakanga kutwitaba”

Karege Theogene na we wo mu kagari ka Kageyo kimwe na bagenzi be bagera kuri 12 twaganiriye kuri iki kibazo bavuga ko baheze mu gihirahiro, bakanavuga ko babuze uwabaha amakuru y’impamvu batishyurwa kimwe n’abandi kuko ngo iyo bagerageje guhamagara nimero za telefoni z’abantu bakora mu kigega cyihariye cy’ingoboka nta muntu ubitaba.

Bagize bati “Urahamagara upfa kuvuga ko uri uw’i Kageyo gusa bagahita bagukupa. Buri gihe turahamagara ariko twabuze umuntu waduha amakuru”

Umuyobozi w’ikigega cyihariye cy’ingoboka Bernardin Ndashimye, yadutangarije ko mu madosiye y’abo baturage asaba indishyi hagiye hagaragaramo ibibabazo ku buryo bahisemo kubanza kubikurikirana.

Ati “Abaturage bamwe wabonaga ibyo bavuga mu mabarwa ya bo asaba indishyi bitandukanye n’amakuru yavuye ku murenge cyangwa bitandukanye n’ibyo umugenzuzi w’impanuka wacu yabaga yabonye bituma rero duhagarika ngo tubanze turebe uburyo ibyo bibazo byakemuka”

Nta gihe ntarengwa ibi bibazo byaba byakemutse uyu muyobozi yifuje kuvuga, ariko yavuze ko bifuza ko bitarenze iki cyumweru ibyo bibazo byose byaba byakemutse. Gusa ngo hari aho bishobora kuzaba ngombwa ko basubira kubarura aho ubwone bwagiye bubera.

“Ubusumbane mu kwishyura indishyi”

N’ubwo abo baturage batarabona amafaranga basinyiye, ngo banafite ikibazo cy’uko mu kubaha indishyi hari igihe hazamo ubusumbane budafite icyo bushingiyeho, nk’uko Karege Theogene abivuga. Ati “Abantu banganya hegitari imwe y’ibigori, usanga umwe bamuha ibihumbi 14, undi bakamuha 140, undi bakamuha 250, ukibaza ukuntu ibigori byarutanye muri hegitari bikatuyobera. Twababaza nta gisubizo baduha bakavuga ngo ubwo ni uko byakozwe”

Karege avuga ko azi ingero z’abantu batatu bahawe amafaranga asumbana kandi bose baronewe hegitari y’ibigori.

Kuri iki kibazo Ndashimye avuga ko ubusumbane nk’ubwo budashobora kubaho kuko ari yo mpamvu ikigega cyihariye cy’ingoboka cyohereza abatekinisiye aho ubwone bwabereye kugira ngo bafate amakuru y’ibyo umuturage yonewe. Ati “Ubuso bungana ntibishobora kubaho. Ahubwo igishoboka ni uko umuntu ashobora kuba afite ibigori n’ibijumba bivanze, undi afite ibigori gusa. Icyo gihe agaciro ntikaba kangana kuko imyaka ivanze n’imyaka itavanze agaciro ntabwo kangana”

Cyakora Ndashimye anavuga ko atahakana ko hataba harabayeho ukwibeshya cyangwa kurenganya bamwe mu baturage, kuko amadosiye y’abasaba indishyi ari menshi ugereranyije n’abakozi baba bayakurikirana.

Comments (0)

Imitungo yishyuwe abangirijwe n’inyamaswa za Parike y’Akagera ni mike ku yo bari batanze muri raporo

Tags: , , , , , , , , ,

Kayonza: Imitungo yishyuwe abangirijwe n’inyamaswa za Parike y’Akagera ni mike ku yo bari batanze muri raporo

Posted on 07 December 2013 by peter

Imitungo yishyuwe abangirijwe n’inyamaswa za Parike y’Akagera ni mike ku yo bari batanze muri raporo

Abaturage batuye mu mirenge ihana imbibe na Parike y’Akagera mu karere ka Kayonza bafite imitungo yangijwe n’inyamaswa z’iyo Parike ngo ntibishyuwe imitungo yose bagombaga kwishyurwa yangijwe n’inyamaswa. Abo baturage babivuze nyuma y’aho ishami rishinzwe indishyi mu kigega cyihariye cy’ingoboka ku binyabiziga ritangiriye kwishyura abaturage bafite imitungo yagiye yangizwa n’inyamaswa za Parike y’Akagera.

Ikibazo cyo kudahura kw’imibare y’imitungo yishyuwe n’iyangijwe bigaragara cyane ku baturage bafite amatungo yishwe n’inyamaswa. Imitungo yishyuwe abo baturage ngo ni mike ugereranyije n’iyo bagiye bagaragaza mu maraporo yashyikirijwe ikigo cy’igihugu cy’iterambere RDB, nk’uko bamwe mu bo twaganiriye babivuga.

Rutembesa Moses wo mu kagari ka Kahi mu murenge wa Gahini ngo yiciwe inka eshanu n’inyamaswa anatanga dosiye ibigaragaza hamwe n’ibimenyetso, ariko mu kumwishyura ngo yasanze kuri dosiye ye agomba kwishyurwa inka imwe yonyine.

Ikibazo nk’iki kandi cyanabaye kuri Ruhatangabo Jean de Dieu na we uvuga ko yiciwe inka eshashatu n’ihene 12, ariko ubwo bamwishyuraga yasanze kuri dosiye ye agomba kwishyurwa inka zonyine.

Mu madosiye yasabaga inyushyu z’ibyo bangirijwe harimo n’aya kera kuva mu mwaka wa 2004 no gusubiza hasi. Izo dosiye ngo zagiye zihererekwanwa hagati y’icyahoze ari ORTPN n’ikigo cy’igihugu cy’iterambere RDB, ku buryo abaturage bibaza niba imwe mu mibare yaba yaraburiwe irengero mu guhererekanya dosiye hagati y’ibyo bigo byombi.

Nibagwire Florence uyobora ishami rishinzwe indishyi mu kigega cyihariye cy’ingoboka ku binyabiziga avuga ko imibare icyo kigega gifite cyayihawe n’ikigo cya RDB, ku buryo ngo batagira icyo bayihinduraho, kereka nyir’ubwite abikurikiranye kandi agatanga ibi9menyetso bigaragaza koko ko afite indi mitungo yangirijwe kandi itarashyizwe muri dosiye.

Abaturage bashimira leta kuba yaratekereje kubishyura iyo mitungo yangijwe n’ubwo batayishyuwe yose. Cyakora banasaba icyo kigega cyihariye cy’ingoboka ku binyabiziga gukorana n’ikigo cya RDB hakarebwa niba hataba harabayeho kwibeshya mu mibare RDB yashyikirije ikigega gitanga indishyi kuri abo baturage.

Icyo kigega kimaze kwishyura bamwe mu baturage bafite ibyo bononewe n’inyamaswa mu mirenge ya Ndego, Mwiri na Gahini yo mu karere ka Kayonza. Gusa Nibagwire avuga ko igikorwa cyo kwishyura kitarangiye kuko hari na bamwe mu baturage batibonye ku malisiti y’abagombaga kwishyurwa kandi babikwiye.

Comments (0)

Abatuye mu nkengero za Parike y’akagera barashima uruhare bagenerwa ku

Kayonza: Abatuye mu nkengero za Parike y’akagera barashima uruhare bagenerwa ku biva mu bukerarugendo buyikorerwamo

Posted on 20 September 2013 by peter

Abatuye mu nkengero za Parike y’akagera barashima uruhare bagenerwa

Abaturage b’akarere ka Kayonza batuye mu nkengero za Parike y’Akagera bavuga ko bashimira ubuyobozi bw’iyo Parike na leta muri rusange, ku bw’uruhare bagenerwa ku musaruro uva mu bukerarugendo bukorerwa muri iyo Parike.

Ibi bivugwa na bamwe mu batuye mu murenge wa Mwili, umwe mu mirenge y’akarere ka Kayonza uhana imbibe na Parike y’Akagera. Umwe muri abo baturage witwa Ndahimana Athanase, avuga ko byonyine kuba Parike y’Akagera yarazitiwe ari intambwe ikomeye izatuma abaturage batera imbere, kuko inyamaswa zayo zitazongera kubona uko zisohoka ngo zice abaturage cyangwa zibangirize imyaka.

Abatuye mu nkengero za Parike y’akagera barashima uruhare bagenerwa ku

Benshi mu bo twavuganye bemeza ko bagiye kujya beza nk’abandi baturage bo mu bindi bice by’igihugu, bitandukanye n’uko byari bimeze mbere Parike itarazitirwa.

Abaturage baturiye Parike y’Akagera bagenerwa 5% by’umusaruro ukomoka ku bukerarugendo buyikorerwamo, ayo mafaranga agakoreshwa mu bikorwa bigamije iterambere ry’abo baturage. Muri ibyo bikorwa harimo imishinga yo kububakira amashuri, kubegereza amazi meza, n’imishinga yo korora amafi.

Ndahimana avuga ko abaturage bo mu murenge wa Mwili bameze neza kuko abana babonye aho bigira kandi heza, ndetse n’impungenge z’amazi bamwe mu baturage bari bafite z’uko bashoraga amatungo ya bo mu biyaga biri muri Parike zikaba zaravuyeho kuko ubuyobozi bwa Parike bwabegereje amazi hanze ya Parike.

Kugira ngo uruhare abaturage bagenerwa ku musaruro uva mu bukerarugendo rukomeze kuboneka ndetse ruzaniyongere, abaturiye Parike y’Akagera barasabwa kurushaho kuyibungabungana n’inyamaswa za yo, ndetse bakanamaganira kure uwo ari we wese washaka kuyangiza, nk’uko baherutse kubisabwa n’umuyobozi w’ikigo cy’igihugu cy’iterambere, RDB, ubwo uruzitiro rw’iyo Parike rwatahwaga ku mugaragaro mu ntangiriro z’ukwezi kwa cyenda.

Imirenge ya Ndego, Mwili n’igice cy’umurenge wa Murundi ni yo ikora kuri Parike y’Akagera ku ruhande rw’akarere ka Kayonza.

Uretse uruhare abaturiye Parike bagenerwa ku musaruro uva mu bukerarugendo, banavuga ko bahawe akazi ubwo iyo Parike yazitirwaga kuva mu mwaka wa 2010.

Ibyo byose ngo ni byo bituma bashima ubuyobozi bwa Parike y’Akagera na leta muri rusange, kuko mbere y’uko Parike izitirwa nta muturage wari ufite umutekano. Benshi ngo bararaga mu mirima barinze inyamaswa zabaga zagiye kubonera, abandi bakarara bavuza amadebe bigatuma babura umutekano.

Comments (0)

Tags:

Rwanda parks increase on tourism revenue

Posted on 07 September 2013 by peter

Rwanda parks  increase on tourism revenue

Volcanoes National Park

The Rwanda Development Board (RDB) announced that Rwanda collected $142.5 million in tourism revenues and registered 664,729 visitors in the first semester of 2013.

This signified an increase of 11percent and 14 percent respectively compared to the same period last year.

According to RDB, travel to the Volcanoes National Park in Northern Rwanda and gorilla tracking continues to be safe despite incidents further in Rubavu area related to the on-going conflict in the neighbouring Democratic Republic of Congo, which have been contained.

Rica Rwigamba, Head of Tourism and Conservation at RDB said:

“The increase in tourism revenues and visitor numbers are important in driving economic growth and generating prosperity for all Rwandans. We are working to ensure visitors to Rwanda get value for money and unparalleled tourism experiences,” she said.

“In addition, visitor safety and security in Rwanda’s parks and other tourist destinations continue to be a priority.”

Rwigamba also pointed out that investments in the sector have been boosted by the entry of Park Inn by Radisson and Protea Hotels, who have both signed agreements with developers to run their establishments and are set to be operational by early 2014.

Tourism is Rwanda’s largest foreign exchange earner with $282 million earned in 2012.

Comments (0)

Tags: ,

Akagera National Park fenced for animal, neighborhood safety

Posted on 07 September 2013 by peter

Constructing the fence around Akagera National Park is a sign of the existence of good governance in Rwanda says the Minister for National Security Hon. Sheikh Mussa Fazil Harerimana.

This fence will work as the solution to the escape of the animals in the park that would destroy the farms and even take lives of local people neighbouring this park.  The minister said this during the official handover of the fence by TNH-EME project that built it to the government of Rwanda on Thursday the 5yth Sept 2013 in Kayonza district.

 Akagera National Park fenced for animal, neighborhood safety

The fence that was constructed

Minister Harerimana says this park has been in existence for a long time but the ancient governments never did a thing to protect the people living near the park leave alone protect the animals in the park.

The Minister said; “This Park is more than 200 years old but one can ask why are we having the fence that protects animals and the neighbouring people today? Why were people not protected all along? Why is this government doing all these? The answer is simple; it is the only government that has brought good governance in Rwanda.”

The director of Rwanda Development Board says all people and their local leaders have the responsibility to protect this fence. This is because Rwanda’s economy is largely based on tourism as it receives about Rwf180 billion annually from tourism.

Ms. Rica Rwigamba the director of tourism in RDB says this fence was constructed to stop the problems animals cause to people neighboring the park. The fence will also put an end to poachers in the park.

People living near the park say this park is an answer to their problems. They will not live in fear of these animals that threatened their loaves’ and even destroyed their farms.

The fence around Akagera National Park is built on 110 kilometers in height and passes through 3 districts of Kayonza, Gatsibo and Nyagatare that surround the park. The fence started to be built in 2011 and it was completed worth Rwf2 billion as Clare Akamanzi explained.

Comments (0)

Tags: , , , , , , ,

Nyamagabe focuses on protection of Nyungwe National Park

Posted on 10 July 2013 by peter

The Security Council meeting that brought together all security personnel, executive leaders from sectors neighboring Nyungwe National Park and different partners in development convened on Wednesday the 3rd.July.2013.

Nyamagabe focuses on protection of Nyungwe National Park

Nyungwe National Park wilderness

This meeting was discussing the strategies to reduce the projects that cause insecurities to Nyungwe National Park including bee keeping, hunting, stone quarrying, and deforestation among others.

Fire in the park is one of the issues that are worrying park keepers especially in sunny period. According to the management of the Nyungwe National Park, 12% of its land has been affected by scorching fire in different periods since 1997 to 2010.

Louis Rugerinyange the director of Nyungwe National Park says the strategies that were put in place to reduce fire in the park were effective. This is so since between 2011 and 2012, only 8 hectares were affected by fire when only in 2010, 300 hectares were burned down.

“Strategies of sensitizing people to protect the park with the support of local authorities and security personnel have been so helpful and effective” says Rugerinyange.

Nyamagabe focuses on protection of Nyungwe National Park

Louis Rugerinyange the director of Nyungwe National Park

“Apart from disrupting the natural course of life in the park, fires destroy the park in a way that it takes years for the wilderness to grow again” says Innocent Ndikubwimana the researcher in the park.

“Nature has its own way in the park and it may require about 15 years for the land to be the way it was before the fire. It requires a lot of hard work removing grasses and giving way to trees” he goes on to explain.

The cooperative for professional bee keepers in Kitabi sector says bee keepers who do their work in chaos are the ones causing this havoc in the park setting fire ablaze.

It is in 2005 when the wilderness of Nyungwe was transformed into Nyungwe National Park. It has 1019 hectares, it gives refuge to more than 300 creatures and 300 types of birds and it is the source of 70% provisions of water in Rwanda.

Comments (0)

Tags: , , , , , , , ,

Nyamagabe: Hatewe intambwe ishimishije mu guhangana n’inkongi z’umuriro zibasira pariki y’igihugu ya Nyungwe

Posted on 06 July 2013 by peter

m_01

Mu nama yahuje inzego z’umutekano, abayobozi b’imirenge ikora kuri pariki ya Nyungwe  ndetse n’abandi bafatanyabikorwa yabaye kuri uyu wa Gatatu tariki 3/07/2013, bagarutse ku ngamba zo gukumira ibikorwa bikunze kubangamira pariki y’igihugu ya Nyungwe birimo ubuvumvu, ubuhigi, ubucukuzi bw’amabuye y’agaciro, gutema ibiti n’ibindi.

Ikibazo cy’inkongi z’umuriro ni kimwe mu bihangayikisha abashinzwe gucunga Pariki y’igihugu ya Nyungwe mu gihe cy’impeshyi. Ubuyobozi bwa Pariki y’igihugu ya Nyungwe bugaragaza ko 12 % by’ubuso bwayo bwagizweho ingaruka n’inkongi z’umuriro zagiye ziyibasira mu bihe bitandukanye kuva mu mwaka wa 1997 kugeza mu wa 2010.

Umuyobozi wa Pariki y’igihugu ya Nyungwe, Rugerinyange Louis avuga ko ingamba zashyizweho mu rwego rwo gukumira inkongi z’umuriro zatanze umusaruro ushimishije kuko ngo hagati ya 2011 na 2012 hahiye hegitari zitarenga umunani mu gihe ngo muri 2010 hari hahiye hegitari 300.

Ati: “Ingamba zo gukangurira abaturage kwirinda kwangiza pariki dufatanya n’abayobozi b’ibanze n’inzego z’umutekano nizo zatumye tubasha guhangana n’icyo kibazo”.

Inkongi z’umuriro ngo zibangamira cyane pariki y’igihugu ya Nyungwe ngo kuko uretse kwangiza urusobe rw’ibinyabuzima binasaba imyaka itari mike kugira ngo ahahiye hongera hamere ishyamba nk’uko bivugwa na Ndikubwimana Innocent ushinzwe ubushakashatsi muri iyi pariki.

Ati: “Imiterere y’ibimera muri iyi pariki irihariye ku buryo bishobora gutwara nk’imyaka 15 kugira ngo ahahiye hongere kumera ishyamba kuko habanza kumera ibyatsi bityo imbuto z’ibiti ntizibone uko zimera bikadusaba gushyiraho uburyo bwo gutema ibyo byatsi  kandi bitwara igihe”.

Koperative y’abavumvu babigize umwuga mu murenge wa Kitabi ivuga ko abagikora uyu mwuga mu kajagari ari bo bagira uruhare rwa hato na hato mu nkongi z’umuriro ziboneka muri iyi Pariki, akaba abasaba kubagana bagafatanya ngo kuko batazabahishira.

Kuba hari intambwe yatewe mu gukumira inkongi zibasira Pariki ya Nyungwe ni ibigaragara mu mibare ariko kandi abashinzwe iki gikorwa bavuga ko hadakwiye kubaho kwirara.

Muri 2005 nibwo ishyamba kimeza rya Nyungwe ryagizwe Pariki y’igihugu ya Nyungwe ikaba ifite ubuso bwa hegitari 1019. Pariki y’igihugu ya Nyungwe ni indiri y’urusobe rw’ibinyabuzima n’amoko y’inyoni asaga 300 kandi abayishinzwe bakavuga ko ari inkomoko y’amazi aboneka mu gihugu ku rugero rwa 70%.

Comments (0)

Tags: , , , , , , , , ,

RUSIZI: Barushimusi bangiza Pariki ya Nyungwe bagiye guhagurukirwa

Posted on 09 June 2013 by peter

01Nyuma y’aho bikomeje kugaragara ko Pariki y’igihugu ya Nyungwe ikomeje kwangizwa na barushimusi bikabije  kuko bakora ibikorwa byo kuyirandura burundu byiganjemo Kwica inyamaswa ziyituyemo, Kuyicukuramo amabuye y’agaciro ndetse no gutema ibiti biyigize.  abayobozi b’iyi pariki biyambaje inzego zitandukanye zo mu turere twa Rusizi na Nyamasheke dore ko bose bahurira kuri iyo Pariki kugirango babafashe gukumira abo barushimusi bakomeje kubangamira umutekano w’ibinyabuzima bituye muri pariki y’Igihugu ya Nyungwe

abakozi ba b’ikigo cy’igihugu gishinzwe iterambere (RDB)muri iyi nama babajije impamvu abangiza pariki bashyikirizwa ubutabera bukabarekura kandi bafatanywe inyamaswa bishe, ibyo ngo basanga ari bimwe mubituma iyi pariki y’igihugu yazibagirana kuko abarekuwe aribo basubira muri ibyo bikorwa bibi

Ni muri urwo rwego muri iyi nama habayeho ubufatanye n’inzego z’ubutabera kugira ngo ababifatirwamo bajye bahanwa by’intangarugero, ndetse baburanishishirizwe iwabo aho batuye kugirango bibere bagenzi babo isoma ryo kutangiza pariki

Muri iyi nama kandi yahuje abanyamategeko, inzego z’ubutabera,  Abanyamabanganshingwabikorwa b’imirenge ikora kuri pariki ya nyungwe bo muri utwo turere, inzego z’umutekano  n’ubuyobozi bw’ikigo cy’igihugu gishinzwe Iterambere RDB, bose hamwe bunguranye ibitekerezo binyuranye, aho inzego z’ibanze zasabwe kumva ko iyi pariki iri munshingano zabo nk’abanyarwanda ndetse bakaba basabwe kujya bahiga imihigo yo kutagira ibiyangiza

Bizimungu Francois ni umwe mubakora mu ishami ry’ubukerarugendo no kubungabunga amapariki nu kigo cya RDB yatangaje ko mubyifuzo byabo hajya hahanwa abantu bagira uruhare mu kwangiza iyi pariki kuko ari imwe muri pariki zinjiriza igihugu amafaranga bityo bikagira uruhare mubukungu bwacyo.

Ibi bikorwa bya ba rushimusi ngo bigaragara cyane  mu mirenge ya Butare na Bweyeye yo mu Karere ka Rusizi. Aha ariko abanyamategeko batangaje ko mu kurekura ba rushimusi biterwa akenshi no kubahiriza amategeko aho usanga abafashwe babura uko babashyikiriza ubutabera kubera urugendo rurerure bigatuma amasaha ntarengwa bagomba kumara mubugenzacyaha bwa Polisi arenga bigatuma barekurwa .

Bamwe mu batungwa agatoki mu kwangiza iyi Pariki ya Nyungwe ni abahejejwe inyuma n’amateka bavuga ko kuva kera kose batungwaga n’ibiva muri iyi pariki, iyo myumvire akaba ariyo bakigenderaho kugeza magingo aya. Sibomana Placide ni Umunyamabanga Nshingwabikorwa w’Umurenge wa Butare atangaza ko mu gukumira aba barushimusi bakwiye kubashakira ibyo bakora bibafasha kwikura mubukene.

Umwaka ushize wa 2012 muri iyi pariki hateguwe imitego ibihumbi 4 bivuze ko hashobara kuba harapfuye inyamaswa zirenga uwo mubare kuko iyo ni imwe muyabonetse kandi ishyamba ari rinini naho mukwezi wa 5 gushize hamaze gufatwa inyamaswa 35 nazo izo ni izabonetse.

Comments (0)

Advertise Here