Tag Archive | "genocide"

Umuyobozi wa Ibuka yabye urubyiruko kurangwa n'ubutwari

Tags: , , , , , , , , ,

Ubutwari ngo butangira umuntu akiri muto

Posted on 18 May 2016 by peter

Ubutumwa bukangurira urubyiruko guharanira kuba intwari buri mu byaranze igikorwa cyo kwibuka, urubyiruko rwazize Jenoside yakorewe Abatutsi mu 1994.

Umuyobozi wa Ibuka yabye urubyiruko kurangwa n'ubutwari

Umuyobozi wa Ibuka yabye urubyiruko kurangwa n’ubutwari

Haba mu magambo y’abayobozi, indirimbo ndetse n’imivugo, ubutumwa bwatanzwe bwagarutse ku gukangurira urubyiruko kuba intwari, rufatiye urugero ku rubyiruko rwari rugize Ingabo zari iza RPF Inkotanyi rwitanze kugira ngo rubohore u Rwanda, rugahagarika Jenoside yakorwaga Abatutsi, rukunga Abanyarwanda, rukubaka Igihugu cyari kigeze aharenga, ubu u Rwanda rukaba ari Igihugu cyiyubashye kandi cyubashwe n’amahanga.

Perezida wa Ibuka mu karere ka Ruhango Munyaneza Narcisse akaba asaba urubyiruko rwa none kwigira ku rubyiruko rwahagaritse Jenoside, buri wese agatangira gutekereza igikorwa cy’ubutwari yakora kizatuma agira imyaka nk’iyo abahagaritse Jenoside bafite ubu yishimira icyo gikorwa, nk’uko nabo ubu  bashimirwa ubutwari butagereranywa bagize.

Ati “Uyu munsi mufite amahirwe y’uko umwana w’u Rwanda wese agomba kujya mu ishuri akiga, kandi akaba ari amahirwe y’uko mwigishwa icyiza gusa, ndagira ngo mu myigire yanyu mujye murushaho gutekereza igikorwa cy’ubutwari mwazishimira igihe muzaba mugeze mu myaka y’ubukwere”.

Umuyobozi w’Akarere wungirije ushinzwe ubukungu, imari n’iterambere, Twagirimana Epimaque, na we yagarutse ku butwari bugomba kuranga urubyiruko, yibutsa ko ubutwari butangira kare.

Ati “Kuba intwari bitangira ukiri muto”. Maze abishimangira agira ati “Kwibuka amateka yacu bidutere ubutwari bwo kubaka u Rwanda rwacu iteka ryose”.

Uyu muhango wabaye tariki ya 14/05/2016, umushyitsi mukuru akaba yari Depite Uwiringiyimana Philbert, we yasabye uru rubyiruko gushyira ku mutima nibura bumwe mu butumwa bwatanzwe, kugira ngo buzamufashe kurushaho kwiyubaka mu buzima bwe bwite, no kubaka igihugu. Akaba kandi yasabye buri wese kugirira Igihugu isezerano ryo kucyubaka no kukigeza ku rwego cyubahwa kikagira igitinyiro mu ruhando mpuzamahanga.

Comments (0)

Guverineri Munyantwari yasabye abibuka Jenoside kutaba ba “Rukurikirizindi”

Tags: , , , , , , , , , ,

Guverineri Munyantwari yasabye abibuka Jenoside kutaba ba “Rukurikirizindi”

Posted on 10 May 2016 by peter

Guverineri Munyantwari yatangaje ko nta munyarwanda ugomba kwitabira igikorwa cyo kwibuka Abatutsi bazize Jenoside kubera ko yabonye abandi na bo bitabiriye.

Guverineri Munyantwari yasabye abibuka Jenoside kutaba ba “Rukurikirizindi”

Guverineri Munyantwari ageza ijambo ku bitabiriye uwo muhango

Byari kuri uyu wa 07 Gicurasi 2016 mu gikorwa cyo kwibuka ku ncuro ya 22 Jenoside yakorewe abatutsi muri Mata 1994 no kunamira Abatutsi b’inzirakarengane bashyinguye mu rwibutso rwa Jenoside rwa Gatagara ruri mu Murenge wa Mukingo mu Karere ka Nyanza.

Munyantwari Alphonse Guverineri w’Intara y’Amajyepfo wari umushyitsi mukuru muri iki gikorwa cyo kwibuka abatutsi bazize Jenoside bashyinguye I Gatagara yatangaje ko nta munyarwanda ukwiye kwitabira ibikorwa byo kwibuka jenoside yakorewe abatutsi mu Rwanda kubera ko abona  abandi nabo bitabiriye.

Yabivuze atya: “Nta Munyarwanda ukwiye kuba “Rukurikirizindi “uza kubera ko yabonye abandi na bo baza kwibuka Jenoside”.

Uyu muyobozi w’Intara y’Amajyepfo yavuze ko hari bamwe bitabira ibikorwa byo kwibuka Jenoside ari ukwanga gusigara iwabo mu ngo mu gihe abandi bagiye kwibuka ababo bazize Jenoside.

Ati “Buri wese agomba kuza kwibuka abazize jenoside yakorewe Abatutsi yumva ko agomba kwirengera akarengera n’igihugu kuko Jenoside ikorerwa ikiremwamuntu”

Guverineri w’Intara y’Amajyepfo yabivuze yamagana bamwe baza kwibuka Abatutsi bazize Jenoside ari ukugira ngo bagere aho abandi bari ahanini batinya ko hagira umuntu ubibazaho.

Umuhoza Clementine watanze ubuhamya kimwe na Rugero Paulin ushinzwe imibereho myiza mu muyango Ibuka bashimye intambwe abarokotse Jenoside bagezeho ndetse n’uruhare Leta y’ubumwe bw’Abanyarwanda yagize mu kongera kubaka igihugu cyari cyashegeshwe na Jenoside yakorewe Abatutsi.

Nyuma y’imyaka 22 ishize Jenoside ibaye mu Rwanda, Rugero yashimye ko kuri iyi nshuro Leta y’u Rwanda yashyize imbaraga mu gikorwa cyo kwishyuriza abarokotse Jenoside imitungo bangirijwe muri Jenoside yakorewe Abatutsi muri Mata 1994 mu Rwanda.

Igikorwa cyo kwibuka ku ncuro ya 22 Abatutsi b’inzirakarengane biciwe i Gatagara muri Jenoside cyabimburiwe na Misa yo kubasabira ndetse hanashyirwa n’indabo ku rwibutso rwa Jenoside rwa Gatagara.

Comments (0)

Barasabwa kuzahora bibuka Jenoside yakorewe Abatutsi

Tags: , , , , , ,

Barasabwa kuzahora bibuka Jenoside yakorewe Abatutsi

Posted on 04 May 2016 by peter

Kwibuka Jenoside yakorewe Abatutsi mu mwaka 1994, bigomba kuzahoraho kugira ngo bikomeze kuba amateka yigisha abazavuka n’abagifite ingengabitekerezo ya Jenoside.

Barasabwa kuzahora bibuka Jenoside yakorewe Abatutsi

Abakozi b’ibitaro bya Mibirizi murugendo rwo kwibuka

Ibi ni ibyatangajwe n’umuyobozi w’Akarere ka Rusizi wungirije ushinzwe imibereho myiza y’abaturage Nsigaye Emmanuel, ku wa 29 Mata 2016, mu muhango wo kwibuka abahoze ari abakozi b’ibitaro bya Mibirizi , abarwayi n’abarwaza biciwe muri ibyo bitaro.

Yagize ati”Iki gikorwa cyo kwibuka abacu bazize Jenoside yakorewe Abatutsi kigomba kuzahoraho kugira ngo bikomeze kuba amateka yigisha abazajya bavuka bagende basobanukirwa ubugome bwa Jenoside n’ububi bwayo ngo itazongera kubaho ukundi.”

Ntakirutimana  wari uhagarariye ibitaro bya Mibirizi muri uyu muhango avuga ko mu gukomeza kwiyubaka bafata mu mugongo imiryango y’ababuriye ababo mu bitaro bya Mibirizi aho bamaze kuboroza inka 5 , amatungo y’ihene  naho uyu munsi bakaba bahaye indi pfubyi ibihumbi magana 500.

Akomeza avuga ko bazakomeza gushishikariza abakozi b’ibi bitaro kurangwa n’umutima wo gufasha impfubyi n’abapfakazi basigiwe kugira ngo batazaheranwa n’agahinda, ahubwo bakomeze kwiyubaka bigirira icyizere cyejo hazaza .

Mukunzenkase Vestine umwe mu barokokeye mu bitaro bya Mibirizi akanahaburira umugabo we avuga ko abaguye mu bitaro bya Mibirizi bari intwari kuko buri wese yumvaga atahunga ngo asige abandi kugeza aho interahamwe zaje zikabakura mu bitaro zikajya kubicira mu inkengero z’ibitaro.

Akomeza avuga ko abaguye mu bitaro bya Mibirizi bishwe urw’agashinyaguro kuko bageze n’aho batanga amafaranga bagura urupfu ngo baraswe ariko interahamwe zikanga kugira ngo babice urubozo.

Yagize ati” Ikintu kibabaje ni uko muri kiriya gihe umuntu yaguraga urupfu ngo nibura apfe urwo yisabiye agatanga amafaranga ngo bamurase ariko ntibabimuhe ngo bakunde bamwice urw’agashinyaguro.”

Muri Jenoside yakorewe Abatutsi muri Mata 1994, mu bitaro bya Mibirizi haguye abantu 18 bari barimo abaganga, abarwayi n’abarwaza bakaba bashyinguye hafi y’ibyo bitaro.”

Comments (0)

Abafite ababo bajugunywe muri Nyabarongo bahifuza urwibutso

Tags: , , , , , ,

Abafite ababo bajugunywe muri Nyabarongo bahifuza urwibutso

Posted on 15 April 2016 by peter

Umuhango wo kwibuka Abatutsi bajugunywe muri Nyabarongo muri jenoside, ukorwa hajugunywamo indabo. Abahafite ababo basanga bidahagije ahubwo bifuza ko hashyirwa Ikimenyetso.

Abafite ababo bajugunywe muri Nyabarongo bahifuza urwibutso

Bibuka ababo bajugunya indabo muri Nyabarongo

Ubwo abaturage b’umurenge wa Rugarika, mu karere ka Kamonyi, bibukaga ku nshuro ya 22 Jenoside yakorewe Abatutsi, tariki 12/4/2016, bakoze urugendo rugana kuri Nyabarongo, mu mudugudu wa Nzarwa, akagari ka Nyarubuye, bibuka urwo abatutsi bakoze bajya kurohwa.

Imirenge yose ikora kuri Nyabarongo, ifite amateka y’uko yajugunywemo abatutsi. Mutanguha Silas, wo mu kagari ka Kigese, avuga ko abavandimwe be n’abaturanyi bari bahungiye ku kigo nderabuzima cya Kigese bajugunywe mu ruzi, bamwe bishwe abandi bakubiswe.

Ati”Nyabarongo yarabafashaga, hari uwo batemaga ntibamwice neza, ariko bamuta muri Nyabarongo ikabafasha kumwica. Babamanuraga babatema, babakubita, nka murumuna wanjye bamutayemo babanje kumuca ukuboko ngo atoga akavamo”.

Kujugunya indabo muri Nyabarongo, ni imwe mu nzira ifasha abahaburiye ababo kubibuka. Mukasonga Souzana, ati “Abandi bashyinguye abantu babo ariko twe abacu ntitwigeze tubabona. Cyakoze iyo tugeze kuri Nyabarongo tukahashyira indabo bitwibutsa ko iri yo nzira babanyujijemo babambura ubuzima”.

Cyakoze, abarokotse Jenoside basanga kujugunyamo indabo bidahagije, ahubwo bifuza ko hakubakwa ikimenyetso cy’urwibutso hagashyirwaho amazina y’abamenyekanye bajugunywemo; ku buryo amateka yahoo azahora yibukwa.

Murenzi Pacifique, Perezida w’umuryango uharanira inyungu z’abacitse ku icumu Ibuka, mu Karere ka Kamonyi, atangaza ko hari imirenge ine yibukira ababo kuri Nyabarongo. Ati “Ni yo hakubakwa ishusho (monument) ku gice kimwe hagashyirwaho amazina y’abacu twabuze byadufasha kuzirikana amateka”.

Iki cyifuzo gishyigikiwe n’umuyobozi wungirije w’Akarere ka Kamonyi, Uwamahoro Prisca, wemeye ko azakora ubuvugizi. Aragira ati “Ndabizi neza ko abahafite ababo bahora babyifuza. Ndabizeza ko nzagikorera ubuvugizi mu nama njyanama no muri Komite nyobozi”.

Mu karere ka Kamonyi imirenge yibukira kuri Nyabarongo, ni Runda, Rugarika, Ngamba na Kayenzi.

Comments (0)

Tags: , , , , , , ,

Nyarubuye: Bashimiye intumwa za Rubanda ubuvugizi bakoreye urwibutso

Posted on 28 January 2016 by peter

m_8a

Abadepite basuye imirimo y’iyubakwa ry’urwibutso

 m_8b

Abadepite basuye imirimo y’iyubakwa ry’urwibutso

Mu ruzinduko abadepite bagiriye ku rwibutso rwa Jenoside rwa Nyarubuye bashimye aho ibikorwa byo kurwubaka bigeze, bashimwa n’abaturage k’ubuvugizi barukoreye rukubakwa.

Ni kuwa 24 Mutarama 2016 aho abaturage bagejeje ku badepite uburyo bishimiye kuba urwibutso rwubakwa ku buvugizi batahwemye kugirira urwo rwibutso rwanyagirwaga.

Umukecuru Mukamunana yavuze ko intumwa za Rubanda zagaragaje ko ari intumwa koko.

Ati“ ndabyibuka mudusanga ku rwibutso tubabaye, tubona abantu bacu banyagirwa kandi bashyinguwe mu buryo butari bwiza tubagezaho ikibazo cyari cyarananiranye none urwibutso ruri kubakwa Imana ishimwe”.

Rwakayigamba Ferdinand wiciwe umuryango we wose i Nyarubuye akaba ari no mu ikipe ishinzwe gutunganya imibiri izashingurwa mu rwibutso rwubakwa avuga ko ashimira Leta uburyo yabazirikanye.

Ati“ ni ugushima Leta cyane cyane Intumwa za rubanda,ngize amahirwe ndongeye ndababonye ubushize mwadusanze hano musanga aho twashyinguye hatangiye kuriduka twatangiye gushyiraho amabati ni nanjye wabiberetse nkuraho ibati mubona ko imibiri itangiye kwangirika”.

Akomeza agira ati“ ntibyatinze bagiye muri CNLG bababwira uko ikibazo giteye badusabira ko urwiburso rwubakwa babereka imbogamizi dufite CNLG ihita iza none ruri kubakwa turi mu bisubizo twahoranaga udusuka duharura none birakemutse abanyarwanda banyuma bamfashe dushimire abadepite.

Karengera Alphonse ushinzwe kubakisha urwibutso avuga ko icyizere gihari cyo kuba igice cya mbere cy’urwibutso cyuzuye muri Mata k’uburyo bashyinguramo.

Auga ko Phase ebyiri zisigaye zikubakwa nyuma gusa imbogamizi bahuye nazo ni amabuye manini k’uburyo kuyamena byabagoye.

Avuga ko icyiciro cya mbere ari ugutunganya ahazashyingurwa imibiri, icya kabiri kikaba inzu abasura urwibutso baruhukiramo naho icya gatatu ni ugutunganya urwibutso n’ubusitani burukikije”.

Ba Depite Rusiha Gaston na Mukandera Iphigenie bishimiye uburyo basanze imirimo yo kubaka urwibutso igenda neza basaba ko ubwitange bwakomeza kuri bose kugira ngo urwibutso rwuzure inzirakarengane zishyingurwe mucyubahiro.

Urwibutso rwa Nyarubuye rugenewe kwakira imibiri ibihumbi 80, ku mibiri ibihumbi 62 imaze kuboneka,rukazimurirwamo n’imibiri ishinguye mu nzibutso nto zo mu mirenge itandukanye.

 

Comments (0)

12

Tags: , , , , , , ,

Nyamasheke: ikibazo cyo kubaka urwibutso cyavugutiwe umuti

Posted on 22 August 2015 by peter

12

Nyuma y’ubwumvikane buke bumaze iminsi burangwa hagati ya bamwe mu barokotse jenoside yakorewe abatutsi bo mu murenge wa Bushenge n’ubuyobozi bw’akarere, kubera urwibutso rwa Gashirabwoba rwagombaga kubakwa muri uwo murenge, abarebwa n’iki kibazo bahujwe na CNLG, bashakira umuti ibibazo byari hagati yabo.

Ndayisabye Silas uhagarariye abarokotse bo mu murenge wa Bushenge baba mu mujyi wa Kigali yavuze ko bizeye ko inyigo y’urwibutso izakorwa bazayigiramo uruhare kabone n’ubwo ibyo guhita barugira urw’akarere bitahise bikunda.

 yagize ati “twemeye ko tuzagira uruhare mu nyigo yo kubaka urwibutso rushyinguyemo abacu, turacyizera kandi ko urwibutso rwa Gashirabwoba ruzaba urw’akarere, kuko hazaba indi nama yo kubyemeza n’ubwo kwanga inyingo yacu bizahombya leta, gusa CNLG yatwijeje ko bagiye kubaka urwibutso vuba kandi rwiza”.

Umuyobozi w’akarere ka Nyamasheke avuga ko icyari kigamijwe cyagezweho aho basanze ko bava mu byo kubaka urwibutso ruhenze kandi rukamara igihe kirekire bakaba babyumvikanyeho n’impande zose.

Agira ati “nta makimbirane yari ahari mu by’ukuri gusa bariya bavandimwe ntitwahuzaga kuko tutifuzaga urwibutso ruhenze kandi ruzamara igihe kirekire kandi dushobora kubaka urwibutso rwiza kandi ruhesha agaciro abacu barushyinguyemo ruri mu bushobozi bwacu”.

Bideri Diogene ni umukozi wa CNLG mu bijyane n’amategeko n’ibijyanye n’inzibutso za jenoside yakorewe abatutsi, yavuze ko impande zombi zumvise ibintu kimwe bityo kubaka inzibutso bikihuta.

Yagize ati “bigaragara ko nta bwumvikane bwabayeho bwo kubaka urwibutso rw’akarere gusa bemeye ko bigiye kwihutishwa, umwanzuro ukomeye ni uko inzibutso zigiye kubakwa vuba kandi neza, icyiza kandi ni uko abantu bumvikanye ku bigiye gukorwa”.

Izi mpaka zari zavutse ubwo abarokotse jenoside yakorewe abatutsi,batemeraga uburyo akarere katanze isoko ryo gukora inyigo yo kubaka urwibutso rwa Gashirabwoba,katabamenyesheje, mu gihe hari hashize igihe bo ubwabo biyemeje gukora iyo nyigo ku bwitange ndetse yararangiye, banahatakarije byinshi,  akarere kakavuga ko inyigo yakozwe yari irimo amafaranga menshi  asaga miriyoni 570 akarere katakwigondera,kataranemeza aho urwiibutso rw’akarere ruzubakwa.

Comments (0)

Kubera amateka Agasozi ka Nyamagumba gafite , kagiye kubakwaho urwibutso

Tags: , , , , ,

Rutsiro: Kubera amateka Agasozi ka Nyamagumba gafite, kagiye kubakwaho urwibutso

Posted on 21 July 2015 by peter

Kubera amateka Agasozi ka Nyamagumba gafite ,  kagiye kubakwaho urwibutso

Ubuyobozi bwa IBUKA mu karere ka Rutsiro buratangaza ko agasozi kiswe Nyamagumba kagiye kubakwaho urwibutso rw’akarere kubera amateka gafite ubwo mu gihe cya jenoside yakorewe abatutsi muri Mata 1994 haguye abatutsi benshi nyuma yo kubanza kwirwanaho bikaba iby’ubusa.

Kubera amateka Agasozi ka Nyamagumba gafite ,  kagiye kubakwaho urwibutso

Aka gasozi gaherereye mu kagari ka Gitwa, mu murenge wa Gihango ho mu karere ka Rutsiro kiswe Nyamagumba mbere karitwaga Gitwa kubera ko hiciwe abatutsi bari bahahungiye nyuma yo kumara icyumweru n’igice birwanaho nyuma bakicwa.

nyuma ya Jenoside bahitirira Nyamagumba yo muri Musanze ahiciwe abanyapolitiki benshi bazira ko ari abatutsi, ibi ngo byatumye IBUKA Ifatanyije n’akarere bafata umwanzuro wo kuhubaka urwibutso rw’akarere.

Ntihinyuka Jancvier  Perezida wa IBUKA mu karere yagize ati ” IBUKA ifatanyije n’ubuyobozi bw’akarere ”twumvikanye ko kubera amateka ya jenoside Nyamagumba ifite twahubaka urwibutso rw’akarere kandi urwo rwibutso rukaba ruri ku rwego rw’igihugu aho abantu bazajya banahasura bagasobanurirwa ayo mateka”

Iki cyemezo cyakiriwe neza n’abazi amateka y’aho nk’uko Nsanzimana evode utuye mu kagari ka Gitwa wanaharokokeye abitangaza aho yagize ati” nibyo kabisa ukurikije amateka twagize aha duhigwa tukabanza kwirwanaho nyuma bakaza kwica bagenzi banjye Nyamagumba ikwiye kubakwaho urwibutso rugendanye n’igihe ”

Ntihinyuka avuga ko akarere kabyemeye ariko ngo bazabishyira mu ngengo y’imari y’umwaka wa 2015-2016 aho abaturiye hafi y’urwo rwibutso bazimurwa bagahabwa ingurane gusa ngo ntiharamenyekana amafaranga uru rwibutso ruzatwara.

Iyi nyamagumba izubakwaho urwibutso rw’akarere hasanzwe urwibutso ruciriritse aho rushyinguye mo imibiri isaga ibihumbi 13,nirumara rukazaba rwiyongereye ku zindi nzibutso 11 ziri hirya no hino mu karere ka Rutsiro.

 

Comments (0)

Ngoma: Youth vow to fight genocide ideology

Tags: , , , , , , ,

Ngoma: Youth vow to fight genocide ideology

Posted on 10 July 2015 by peter

Members of Never Again Club -Ngoma on Wednesday, vowed to fight Genocide and its ideology.

The youth made the resolve during their study tour at Nyarubuye Genocide Memorial Site in Kirehe district.

.Ngoma: Youth vow to fight genocide ideology

At the site, the students received lessons on the history of Rwanda, how the Genocide was planned and carried out and the role of youth preventing it.

“The youth of today will not give a chance to Genocide and its ideology to infiltrate us. We have the power to change that history and build a new country and future,” said Gaudence Mukansanga, a member of Never Again.

Ngoma: Youth vow to fight genocide ideology

Jean Cedric Ndikumana, also a member of Never Again said the members will sensitize others and participate in nation building by profitably using their energy.

In his address, Cyprien Turatsinze, the coordinator of Never Again Club –Ngoma district commended the youth for their resilience in national building

“The youth promised to lead the way, in challenging the Genocide ideology, divisive thinking and prejudice,” said Turatsinze.

“They see themselves as the pillar for a brighter Rwanda, free of hatred and divisionism” he said.

Never Again Rwanda (NAR) is a human rights and peacebuilding organisation that was founded by three university students in 2002. Guided by a vision of a nation where young people are agents of positive change and work together towards sustainable peace and development, the founding members established NAR to empower young people with opportunities to become active citizens.

Comments (0)

Ngoma: Club “never again”gusura urwibutso rwa Jenoside bibaha imbaraga zo kurwanya abayifobya

Tags: , , , , , ,

Ngoma: Club “never again”gusura urwibutso rwa Jenoside bibaha imbaraga zo kurwanya abayifobya

Posted on 08 July 2015 by peter

Ngoma: Club “never again”gusura urwibutso rwa Jenoside bibaha imbaraga zo kurwanya abayifobya

Urubyiruko rugize club “never again Ngoma” nyuma yo gusura urwibutso rwa Jenoside rwa Nyarubuye ho mu karere ka Kirehe, ruvuga ko amateka akarishye bahabonye yatumye barushaho gukaza umurego mu kurwanya abahakana n’abayifobya ko Jenoside yabaye mu Rwanda.

Iyi club igizwe n’urubyiruko 40 rwiganjemo abavutse nyuma ya Jenoside yakorewe abatutsi mu 1994, ariko bitewe n’amakuru bayumviseho ndetse n’ingaruka zayo biboneye byatumye bashinga club  “Never again” ngo baharanire  ko itazasubira ukundi.

Mukansanga Gaudence, umwe muri uru rubyiruko nyuma yo gusura uru rwibutso  rushyinguwemo imibili ibihumbi 51 bishwe muri Jenoside, yavuze ko bo nk’urubyiruko kubona amateka akarishye nk’aya Jenoside bitumye bafata ingamba mu kongera ubukangurambaga mu kurwanya abafobya n’abahakana ko Jenoside yakorewe abatutsi mu Rwanda.

Yagize ati ”Twebwe nka Club never again Ngoma ibyo tubonye turabyamaganye,kandi tugiye kubinyuza mu bihangano by’indirimbo n’ibindi, dushyiremo imbaraga kurushaho turwanye abahaka n’abafobya bavuga ko Jenoside itabaye.”

Kurundi ruhande Ndikumana Jean Cedric, we asanga gusura urwibutso, nk’urubyiruko bibafasha kwigira ku mateka mabi yaranze u Rwanda maze nk’urubyiruko,bakiyumvamo inshingano zo kurwanya ikintu cyose cyatuma  Jenoside yonegra kubaho,birinda amacakubili.

Umuyobozi wa club “never again Ngoma”Turatsinze Cyprien,avuga ko kumenya no gusobanukirwa amateka yaranze Jenoside yakorewe abatutsi babifite mu ntego nka club igizwe n’urubyiruko rwiganjemo abatarabonye Jenoside,hagamijwe ko bagira imbaraga mu rugamba bihaye rwo kurwanya icyaricyo cyose cyasubiza abanyarwanda mu icuraburindi rya Jenoside.

Ngoma: Club “never again”gusura urwibutso rwa Jenoside bibaha imbaraga zo kurwanya abayifobya

Yagize ati”Uru rugendo twaruteguye kugirango urubyiruko turi muri iyi Club,dusobanukirwe n’amateka ya Jenoside bityo bitwongerere kumenya amateka yaranze Jenoside.Twabonye intwaro Gakondo byakoreshejwe,n’amateka badusobanuriye uko yateguwe n’ibindi.”

Uwari uhagarariye ubuyobozi bw’akarere muri iki gikorwa ,Ruhashya Robert,yashimye cyane uru rubyiruko kuba rufite inyota yo gusobanukirwa amateka mabi yaranze Jenoside,yongeraho ko iyo babonye ibimenyetso n’imibili yabazize Jenoside bituma bafata ingamba zo kubaka u Rwanda ruzira Jenoside.

Urwibutso rwa jenoside rwa Nyarubuye rubitse amateka akomeye kubera ibimenyetso bigaragaza ubwicanyi ndengakamere bwakorewe abatutsi bahiciwe muri Jenoside nk’imivure abicanyi bashyiragamo amaraso yabicwaga,ifuru abicanyi bokerezagaho imitima yabatusti bakayirya n’ibindi.

Club never again Ngoma imaze imyaka igera kuri itandatu ivutse,aho ikora ibikorwa byo kurwanya Jenoside binyuze mu bihangano by’indirimbo,imivugo n’ibindi  batanga ubutumwa bwo kubana mu mahoro abanyarwanda bakirinda amacakubili.

Comments (0)

Biyemeje kuzatera umuvumu ahakuwe imibiri y’abarokotse jenoside hose

Tags: , , , , , , , , ,

Huye: Biyemeje kuzatera umuvumu ahakuwe imibiri y’abarokotse jenoside hose

Posted on 13 May 2015 by peter

Mountain Sport Club Ibisumizi yagize igitekerezo cyo kuzatera umuvumu ahakuwe imibiri y’abarokotse jenoside hose. Umuvumu wa mbere watewe ku rwibutso rwa jenoside rwa Rukira ho mu Murenge wa Huye, Akarere ka Huye, ku itariki ya 9/5/2015. Hari mu gikorwa cyo kwibuka jenoside yakorewe abatutsi muri uyu Murenge.

Biyemeje kuzatera umuvumu ahakuwe imibiri y’abarokotse jenoside hose

Nk’uko bisobanurwa na Jérôme Kajuga, umuyobozi w’umuco muri komisiyo y’igihugu ikorana na UNESCO, akaba umwe mu bagize Club Ibisumizi, akaba kandi n’umwe mu baburiye abe i Rukira, ngo iki gitekerezo bakigize mu rwego rwo kubungabunga amateka ya jenoside.

Agira ati « Kugira urwibutso ni byiza. Dufite n’umushinga ko ahantu hose habitse umubiri w’umututsi wazize jenoside hagirwa urwibutso. Ariko ntituzahubaka hose ngo dushyireho amasima. Ni yo mpamvu Mountain Sport Club Ibisumizi twagize igitekerezo cyo kuhatera umuvumu. »

Aho batekereza gutera umuvumu rero « ni ahantu hose hari umwobo, hari umuntu bashyize mu ruhavu bakamurenzaho ibiguja, hari ibisimu rusange, ndetse na za bariyeri (barrière) zaguyeho abantu. » Kuri bariyeri ngo bajya bateraho umuvumu ibumoso n’iburyo bikaba nk’ibikingi by’amarembo by’izo bariyeri.

Iyo mivumu ngo yazahabwa nimero, ndetse hakaba n’inyandiko ziyiherekeza . Kajuga ati « ni yo izajya ibika amateka y’abaguye aho bose: tuzamenya ngo aha hari umuvumu haguye kanaka na kanaka, bishwe na kanaka kuri iyi tariki, bibikwe mu mudugudu. »

Na none ati « Ni uko tuzabika ibimenyetso, ni uko tuzarwanya abapfobya jenoside ».

Kubera iki umuvumu?

Kajuga asobanura ko batekereje kuzajya batera umuvumu ahashyizwe umubiri w’umututsi hose mu gihe cya jenoside, kuko umuvumu ari igiti cy’amateka mu Rwanda.  Ngo ni ikimenyetso cy’ubudapfa. Ati « Ni na yo mpamvu ari yo yahagarariraga umwami. Ni yo yavagamo ibigabiro, ibimana, amatongo y’abakurambere. »

Umuvumu kandi ngo ni n’igiti kidasanzwe kuko ni cyo cyatangaga imyambaro, kigatunga amatungo, kikavamo ibikoresho Abanyarwanda bakoreshaga. Ati « Ni igiti cy’amateka cy’Abanyarwanda ».

Igikorwa cya mbere cy’uyu mushinga cyakorewe i Rukira, ariko Club Ibisumizi yifuza ko babifashijwemo na Komisiyo y’igihugu yo kurwanya jenoside (CNLG) ndetse na Ibuka, byazagera no mu Rwanda hose.

Mountain Sport Club Ibisumizi ngo ngyavutse kugira ngo ibungabunge umurange ndangamuco na ndangamateka y’Abanyarwanda,  ni kugira ngo ibungabunge n’ibidukikije.

Comments (0)

Advertise Here