Tag Archive | "rwa"

Tags: , , , , , , , , , , , , , , , , ,

Rwanda : Gusura urwibutso rwa Murambi ngo bizatuma barushaho kugira ubushishozi mu kazi kabo.

Posted on 26 June 2012 by peter

Rwanda |  Urwibutso rwa Murambi.

Urwibutso rwa Murambi.

Abakozi ba gereza ya Mpanga batangaje ko kuba basuye urwibutso rwa Jenoside rwa Murambi, bizatuma barushaho gukorana ubushishozi mu kazi nyuma yo kwibonera ibimenyetso bya Jenoside no gusobanurirwa amateka yayo.

Ubwo basuraga uru rwibutso ruherereye mu karere ka Nyamagabe, abakozi ba gereza ya Mpanga basobanuriwe  amateka ya mbere na nyuma Jenoside muri rusange ndetse n’amateka yaranze agace kahoze ari Perefegitura ya Gikongoro by’umwihariko.

Aba bakozi babashije kandi no kwibonera ibimenyetso bya Jenoside yakorewe Abatutsi by’umwihariko abari bahungiye mu mazu y’ikigo cy’ishuri cyari kikiri kubakwa ku musozi wa Murambi ari nawo wubatseho uru rwibutso.

Bisengimana Eugene,umuyobozi w’agateganyo  wa gereza ya Mpanga yatangaje ko kuba aba bakozi ba gereza basuye uru rwibutso bifite icyo bibasigiye kuko harimo n’abari bakiri bato igihe Jenoside yakorwaga.

Yagize ati “ aba basore n’inkumi wabonye bose muri icyo gihe cya Jenoside bari abana batoya,ugasanga rero basa nk’aho bigereye ku muzi w’inkuru kubera ko ibimenyetso byasigasiwe n’ubuyobozi bigaragaza ukuri aba bana batari bafite aho bari bari ku magereza.”

Imibare itangwa n’abakozi b’uru rwibutso igaragaza ko kuri uyu musozi wa Murambi hiciwe inzirakarengane z’Abatutsi zigera ku bihumbi 50 zimwe muri zo zikaba zishyinguye muri uru rwibutso.


 

Comments (0)

Rwanda | Urwibutso rwa Bisesero

Tags: , , , , , , , , , , , , , ,

Rwanda | Urwibutso rwa Bisesero rushyinguweho intwari itazwi

Posted on 25 June 2012 by peter

Rwanda | Urwibutso rwa BiseseroNyuma y’irimbi ry’intwari riri kuri stade Amahoro I Remera rishyunguyeho intwari itazwi, ubu ku rwibutso rwa Bisesero naho hamaze gushyinguwe intwari itazwi.

Uru rwibutso rwa Bisesero kurushyingura ho intwari itazwi, byatewe n’amateka y’Abasesero bagaragaje guhera mu mwaka 1959-1994 ubwo birwanagaho bishoboka bahangana n’ interahamwe zashakaga kubatsemba ariko bakazinaniza; nk’uko bitangazwa na Mugaborigira Stanley umukozi w’urwibutso rwa Bisesero.

Iyo ugeze kuri uru rwibutso rwa Bisesesero, uhasanga imva 4 zishyinguyemo imibiri y’abatutsi bazize jenoside yo  muri mata 1994, bwa mbere ubanza kubona imva imwe nini ikikije izindi 3, muri izi ishatu harimo iy’umusaza Birara Abinadabu wagize uruhare rukomeye cyane mu guhangana n’interahamwe zashakaga gutsemba Abasesero.

Aya mabuye afite ubusobanuro bukomeye ku Basesero; nk’uko bitangazwa na Mugabarigita Stanley

Iyi mva ya Birara ikikijwe n’izindi mva 2, imwe ikaba ari iy’umuhungu wa Birara nawe Abasesero bafata nk’intwari ikomeye cyane indi mva ikaba ishyinguyemo intwari itazwi, bishatse kuvuga ko ihagarariye abandi basesero bashobora kuba baraguye mu rugamba rwo kurwanaho igihe bari bahanganye n’interahamwe.

Naho ya mva nini ikikije izi zindi 3, yo ngo ihagarariye abandi Basesero bafatanyaga n’umusaza Birara guhangana n’interahamwe; nk’uko bisobanurwa na Mugabarigira.

Kugeza ubu bigaragara ko nta rundi rwibutso rushyinguye intwari itazwi mu Rwanda; nk’uko bitangazwa n’umunyamabanga nshingwabikorwa wa komisiyo y’igihugu ishinzwe kurwanya jenoside Mucyo Jean de Dieu.

Urwibutso rwa Bisesero iyo urugezeho, ushobora kwibonera amateka y’Abasesero agaragaza ukuntu birwanyeho bishoboka bakorehsa amabuye n’amacumu gusa, ariko bagahangana n’abantu babaga bafite imbunda za rutura, kugeza n’ubwo bashoboye kwica abasirikare bo kwa Habyarimana bakanabaka imbunda.

Abasesero birwanyeho bishoboka kugeza mu mpera z’ukwezi kwa Mata 1994 mu gihe ahandi abatutsi bari babamaze. Iby’Abasesero byaje kuba bibi ubwo umusaza Birara yicwaga maze interahamwe zikabahukamo zikica Abasesero basaga ibihumbi 5.

 

 

Comments (0)

Tags: , , , , , , , , , , , , , , ,

Rwanda | Gusura urwibutso rw’abazize Jenoside bituma bahora bazirikana ububi bwayo

Posted on 14 May 2012 by peter

Abayobozi, abakozi na bamwe mu banyeshuri mu ishuri rikuru ryigisha ubuhinzi, uburezi na Tekiniki rya Kibungo ( INATEK) rikorera mu karere ka Ngoma mu ntara y’i Burasirazuba baravuga ko gusura urwibutso rwa Jenoside yakorewe abatutsi bituma bahora bazirikana ku bubi bwayo

Rwanda | Urwibutso rwa Ntarama basuye

Urwibutso rwa Ntarama basuye

Ibi bakaba barabitangaje kuwa 11/5/2012 ubwo basuraga zimwe mu nzibutso z’abazize Jenoside z’abakorewe abatutsi zo mu karere ka Bugesera.

Umuyobozi wa INATEK padiri Karekezi Dominique yavuze ko gusura inzibutso bituma abagize umuryango wa INATEK bahavanye amasomo ashingiye ku mateka maze bigatuma bubaka umubano mwiza hagati yabo.

Ati “Gusura izi nzibutso za Jenoside byatumye twigira ku mateka, kuko twasobanuriwe byinshi byaranze amateka ya Bugesera by’umwihariko, maze bizatuma turushaho kubaka umubano hagati yacu nk’abakozi kandi uwo mubano ugasakara no ku bo dushinzwe kurera”.

Padiri Karekezi avuga ko irindi somo bahakuye ari ni amateka ko amateka mabi agomba gusimburwa n’amateka meza.

Guhora bibuka Jenoside yakorewe abatutsi mu Rwanda ngo bizakomeza kuba uruhererekane no mu bakiri bato kugira ngo Jenoside ntizasubire ukundi nkuko bitangazwa na Uwubutatu Thérèse ni umwarimu mu ishuri rikuri INATEK.

Ati “ hatabayeho kwibuka mu myaka ya cyera hazongera hakaba Jenoside, kuko guhora yibukwa bituma itazongera kubaho ukundi”.

Abagize umuryango wa INATEK bateye inkunga y’amafaranga ibihumbi magana atanu y’u Rwanda buri rwibutso rwa Jenoside basuye.

 

Comments (0)

Tags: , , , , , , , , , , , , , ,

Rwanda : Urwibutso rwa Nyarubuye rwashyizwe ku rwego rw igihugu- Murayire

Posted on 28 April 2012 by peter

Umuyobozi w’akarere ka Kirehe Murayire Protais aratangaza ko urwibutso rwa Nyarubuye ruherereye mu murenge wa Nyarubuye ho mu karere ka Kirehe kuri ubu rwashyizwe ku rwego rw’igihugu kandi rukaba rwitabwaho na komisiyo y’igihugu ishinzwe kurwanya jenoside.

Nkuko umuyobozi w’akarere ka Kirehe Murayire Protais abitangaza ngo urwibutso rwa jenoside bitewe n’uburyo uru rwibutso rudatunganyije uko bikwiye kimwe n’izindi nzibutso za jenoside komisiyo y’igihugu yo kurwanya jenoside yatangiye imirimo yo kuhatunganya, aho bahereye ku gice kirimo ibimenyetso bya jenoside yakorewe I Nyarubuye,ikindi ngo ni uko inyigo yo gutungaya uru rwibutso izatwara amafaranga agera kuri miliyari eshatu aho uyu muyobozi avuga ko igikorwa cyo gutunganya uru rwibutso nta gihindutse giteganijwe gutangira umwaka utaha wa 2013.

Urwibutso rwa jenoside yakorewe abatutsi mu mwaka w’ 1994, rwa Nyarubuye rushyinguyemo imibiri  igere ku bihumbi 51 muri iyo mibiri ibihumbi bigera kuri 35 yashyinguwe mu mashitingi komisiyo y’igihugu yo kurwanya jenoside ikaba iteganya kuyishyingura mu buryo bumeze neza banavugurura urwibutso rwa Nyarubuye.


 

 

Comments (0)

Urwibutso rwa Jenoside

Tags: , , , , , , , , , , , , , ,

Rwanda | Burera: K Urwibutso rwa Jenoside rwa Rugarama hagiye kubakwa isomero

Posted on 15 April 2012 by peter

Urwibutso rwa Jenoside

Umuyobozi w’akarere ka Burera aratangaza ko hagiye kubakwa isomero k’Urwibutso rwa Jenoside yakorewe abatutsi rwo mu murenge wa Rugarama kugira ngo abazajya barusura bazamenye neza amateka ya Jenoside yakorewe abatutsi mu Rwanda mu mwaka wa 1994.

Urwibutso rwa Jenoside rwa Rugarama ruhamya neza ko Jenoside yakorewe abatutsi mu Rwanda yateguwe. Kuko imibiri ishyinguye mo ari iy’abatutsi bishwe mbere ya 1994 nk’uko Niyonsenga Fabien uhagarariye abacitse ku icumu rya Jenoside bo muri Burera abyemeza.

Mu muhango wo gusoza icyumweru cy’icyunamo mu karere ka Burera, tariki ya 13/04/2012, Niyonsenga yasabye ubuyobozi bw’akarere ka Burera kubaka isomero kuri urwo rwibutso kugirango hazabe ububiko bw’amateka nyayo ya Jenoside yakorewe abatutsi mu Rwanda.

Sembagare Samuel umuyobozi w’akarere ka Burera akaba yavuze ko uwo mushinga bawutekereza. Agira ati “ turumva tuzubaka isomero n’umuntu ushaka kwibuka abe yabona aho yicara kuko nabyo birubaka”.

Kugira ngo amateka adasibangana ni uko yandikwa nk’uko akomeza abisobanura.

Niyonsenga avuga ko iryo somero ryagirira akamaro abaza gusura urwo rwibutso rwa Jenoside kuko bamenya byimbitse amateka ya Jenoside yakorewe abatutsi mu Rwanda. Kuko hari abayipfobya bavuga ko yatewe no guhanuka kw’indege yari iy’uwa Perezida wa Repubulika Habyarimana Juvenal kandi mu karere ka Burera yarabaye mbere y’icyo gihe.


 

Comments (0)

Bamwe mu banyamakuru bicaye k’umuryango w’urwibutso rwa Kiziguro

Tags: , , , , , , , , , , , , , , ,

Rwanda : Abanyamakuru b imikino basuye urwibutso rwa Kiziguro

Posted on 15 April 2012 by peter


Abanyamakuru n’abahanzi n’abayobozi ba FERWAFA imbere y’imva

Abanyamakuru n’abahanzi n’abayobozi ba FERWAFA imbere y’imva

Abanyamakuru bakora amakuru yimikino mu Rwanda bahuriye mu ishyirahamwe RISPIN (Ishyirahamwe ry’Abanyamakuru ba Siporo bakorera ibitangazamakuru byigenga) ryabo bafatanyije n’ubuyobozi bwa FERWAFA hamwe na Urban Boys taliki ya 12 Mata basura urwibutso rwa Kiziguro mu karere ka Gatsibo bagamije kwibuka bamwe mubakinnyi bakina umupira w’amaguru bahaguye ariko bagamije no gukomeza urubyiruko rukiri ruto rukunda gukina uwo mukino.

 

Nkuko uyobora ishyirahamwe RISPIN ry’abanyamakuru bakora amakuru y’imikino Bonny Mugabe umunyakuru ukora amakuru y’imikino muri Newtimes yabitangaje ngo baje ku rwibutso rwa Kiziguro kugira ngo bibuke inzirakarengane zazize jenoside yakorewe abatutsi zaguye kiziguro, ariko bafite gahunda yo gukomeza abana bato bakunda umupira bahagaragara.

“hano hagaragara abana bato bakunda umupira w’amaguru kandi bigaragara ko bafite ejo hazaza, twaje kwifatanya nabo kwibuka bamwe munzirakarengane zahaguye kuko harimo imiryango yabo. Twaje guhumuriza aba bana kugira ngo bibuke ababo baguye hano, ariko bazirikare no kwiyubaka no guharanira kubaho maze bashobore kubaka amateka yabo.”

 

 

Abanyamakuru n’urubyiruko bitegereza urwobo Gatete yajugunyemo abatutsi

Abanyamakuru n’urubyiruko bitegereza urwobo Gatete yajugunyemo abatutsi

Abanyamakuru barenga 30 bari baherekejwe n’urubyiruko rwinshi bashyize indabo ku mva zishyinguwemo imibiri irenga 12 768 ishyinguye mu rwibutso rwa Kiziguro bashobora no kubwirwa amateka y’abatutsi baguye Kiziguro bishwe taliki ya 10 na 11 Mata 1994 bishwe n’interahamwe zatojwe n’uwari umuyobozi wa Komini Murambi Gatete Jean Baptiste.

Nyuma yo kugezwaho amateka abanyamakuru hamwe n’ubuyobozi bwa FERWAFA bagiye kukibuga kiciweho abatutsi mbere y’uko bajugunywa mu rwobo rwa metero 50 bahahurira n’urubyiruko rw’abana rukina umupira w’amaguru aho bashoboye kubaha ubutumwa bubahumuriza ndetse babagenera n’impano babazaniye.

Bamwe mu banyamakuru bicaye k’umuryango w’urwibutso rwa Kiziguro

Bamwe mu banyamakuru bicaye k’umuryango w’urwibutso rwa Kiziguro

Ibikorwa byo kwibuka no gushyira indabo ku rwibutso rwa Kiziguro byari biteganyijwe 9h00 ariko ibikorwa byo gusura urwibutso byatangiye saa sita kuko ubuyobozi buvuga ko gahunda yabo butari buyizi ahubwo ngo amakuru yabagezeho ababwira ko bazaza taliki ya 13 Mata.

 

 

Comments (0)

Urwibutso rwa Jenoside

Tags: , , , , , , , , , , , , ,

Rwanda | Burera: Urwibutso rwa Jenoside rwa Rugarama ruhamya ko Jenoside yateguwe

Posted on 15 April 2012 by peter

Urwibutso rwa Jenoside

Uhagarariye abacitse ku icumu rya Jenoside yakorewe abatutsi mu mwaka wa 1994 mu Rwanda bo mu karere ka Burera, atangaza ko urwibutso rwa Jenoside rwo mu murenge wa Rugarama muri ako karere rwerekana ko Jenoside yakorewe abatutsi yateguwe ugendeye ku mateka y’agace ruherereye mo.

tariki 12/04/2012 ubwo urubyiruko rwo mu karere ka Burere ndetse n’abaganga bo muri ako karere basuraga urwibutso rwa Jenoside rwa Rugarama nyuma yo gukora urugendo rwo kwibuka abazize Jenoside yakorewe abatutsi, Niyonsenga Fabien yagize ati

“ Hari abahakana bapfobya Jenoside bavuga ko Jenoside yatewe no guhanuka kw’indege yari iy’uwa Perezida wa Repubulika Habyarimana Juvenal. Ariko uko amateka ya Jenoside y’aka karere kacu (Burera) ateye abantu benshi bishwe mbere y’uko indege ya Habyarimana ihanuka”.

Imibiri myinshi ishyinguye m’Urwibutso rwa Jenoside yakorewe abatutsi rwo mu Rugarama ni iy’abishwe mbere ya 1994 nk’uko Niyonsenga abisobanura.

Niyonsenga avuga ko mu mwaka wa 1994 nta mirwano yaranzwe mu karere ka Burera kubera ko ako gace kari gaherereye mu gice kitagombaga kurangwa mo ingabo z’impande zombi (Zone Tempo) nk’uko byari byaremejwe mu masezerano ya Arusha muri Tanzaniya.

Agira ati “ Jenoside itangira ingabo za FPR zije kuyihagarika zahise zigafata (agace gaherereye mo akarere ka Burera) bituma mu mwakwa 1994 Jenoside nyir’izina itaba muri aka karere (Burera) kuko kari gahise kigarurirwa n’ingabo za FPR’.

Mu karere ka Burera Jenoside yakorewe abatutsi yatangiye mu mwaka wa 1991 itangijwe n’umusirikare wari Major witwa Muvunyi Tarcisse wayoboraga ingabo z’icyo gihe zakoreraga muri ako gace.

Abaturage bo mu karere ka Burera bamuzi ku izina rya “Gafuni” nk’uko Niyonsenga abisobanura. Agira ati “ Abatutsi benshi bishwe we yabasabaga ko bicukurira, nyuma barangiza kwicukurira akabica akoresheje ifuni”.

Uwo musilikare ubwo yatangizaga Jenoside, n’abandi baturage batandukanye batangiye kwica abatutsi bari baturanye nabo.

Urwibutso rwa Jenoside rwa Rugarama rushyinguye mo imibiri y’abazize Jenoside yakorewe abatutsi igera kuri kuri 46.


 

Comments (0)

Ibyo babonye ku rwibutso

Tags: , , , , , , , , , , , , ,

Rwanda : Ibyo babonye ku rwibutso rwa Ntarama bigiye kubaha ingufu zo kwamagana ikibi cyose

Posted on 14 April 2012 by peter

Ibyo babonye ku rwibutso

Umuyobozi wa united Driving school cooperative ashyira indabyo kumva ziri mu rwibutso

Abagize koperative yigisha gutwara imodoka United Driving School Cooperative baratangaza ko, ibyo babonye ku rwibutso rw’abazize Jenoside yakorewe abatutsi rwa Ntarama bibahaye ingufu zo kwamagana ikibi cyose aho kiva kikagera.

Bamwe muri twe n’urubyiruko ntibabonye uko Jenoside yateguwe ndetse inashyirwa mu bikorwa, ariko amateka dukuye hano aduhaye ingufu zo kwmagana ibyasubiza mu banyarwanda muri Jenoside ndetse no kwamagana icyatuma amacakubiri ashingiye ku moko agaruka, nkuko byemezwa n’umuyobozi w’iyi koperative Rumanshana Alphonse.

Rumanshana avuga ko baje ku rwibutso rwa Ntarama kwiga amateka no kugirango babashe kuyigisha abazabakomokaho ndetse n’ababakomokaho cyane cyane abashaka guhakana ko nta Jenoside yakorewe abatutsi yabaye.

Ati“ abahakana Jenoside yakorewe abatusi tuzabamaganira kure  baba abanyarwanda cyangwa se abanyamahanga, ngiyo intego yacu dukuye hano”.

Twagiramungu Vicent ni umwe mu mubagize iyo koperative, avuga ko Jenoside yakorewe abatutsi yabaye afite imyaka 13, ko ibyo aboneye ku rwibutso rwa Ntarama ari indengakamere bityo akaba atakwihanganira ikintu cyose cyasubiza abanyarwanda muri Jenoside ko azacyamaganira kure we n’abamukomokaho”.

Abagize United Driving School Cooperative bakaba batanze inkunga ingana n’amafaranga ibihumbi ijana yo gufasha ibikorerwa kuri urwo rwibutso.

 


Comments (0)

Tags: , , , , , , , , , , , , , ,

Rwanda | Ibyo babonye ku rwibutso rwa Ntarama bigiye kubaha ingufu zo kwamagana ikibi cyose

Posted on 13 April 2012 by peter

Rwanda |  Umuyobozi wa united Driving school cooperative ashyira indabyo kumva ziri mu rwibutso

Umuyobozi wa united Driving school cooperative ashyira indabyo kumva ziri mu rwibutso

Abagize koperative yigisha gutwara imodoka United Driving School Cooperative baratangaza ko, ibyo babonye ku rwibutso rw’abazize Jenoside yakorewe abatutsi rwa Ntarama bibahaye ingufu zo kwamagana ikibi cyose aho kiva kikagera.

Bamwe muri twe n’urubyiruko ntibabonye uko Jenoside yateguwe ndetse inashyirwa mu bikorwa, ariko amateka dukuye hano aduhaye ingufu zo kwmagana ibyasubiza mu banyarwanda muri Jenoside ndetse no kwamagana icyatuma amacakubiri ashingiye ku moko agaruka, nkuko byemezwa n’umuyobozi w’iyi koperative Rumanshana Alphonse.

Rumanshana avuga ko baje ku rwibutso rwa Ntarama kwiga amateka no kugirango babashe kuyigisha abazabakomokaho ndetse n’ababakomokaho cyane cyane abashaka guhakana ko nta Jenoside yakorewe abatutsi yabaye.

Ati“ abahakana Jenoside yakorewe abatusi tuzabamaganira kure  baba abanyarwanda cyangwa se abanyamahanga, ngiyo intego yacu dukuye hano”.

Twagiramungu Vicent ni umwe mu mubagize iyo koperative, avuga ko Jenoside yakorewe abatutsi yabaye afite imyaka 13, ko ibyo aboneye ku rwibutso rwa Ntarama ari indengakamere bityo akaba atakwihanganira ikintu cyose cyasubiza abanyarwanda muri Jenoside ko azacyamaganira kure we n’abamukomokaho”.

Abagize United Driving School Cooperative bakaba batanze inkunga ingana n’amafaranga ibihumbi ijana yo gufasha ibikorerwa kuri urwo rwibutso.


Comments (0)

Advertise Here