Tag Archive | "Rwanda commemoration"

Tags: , , , , , , , , , ,

Kamonyi: Kwimurira imibiri y’abazize jenoside mu Rwibutso ngo bizafasha kubungabunga amateka

Posted on 28 May 2014 by peter

m_Kwimurira imibiri y’abazize jenoside mu Rwibutso ngo bizafasha kubungabunga amateka

Imibiri y’abazize jenoside yari ishyinguye mu mva zo mu mirenge ya Nyarubaka na Musambira, yakuwe muri izo mva kugira ngo izashyingurwe mu cyubahiro mu Rwibutso rw’akarere. Imiryango yabuze ababo yishimiye iki kigorwa kuko ari ho amateka azakomeza kubungwabungwa.

 m_Kwimurira imibiri y’abazize jenoside mu Rwibutso ngo bizafasha kubungabunga amateka1

Gasengayire Alivera, utuye mu mudugudu wa Gatagara, akagari ka Kigusa, mu murenge wa Nyarubaka, twamusanze ku mva yataburuwemo imibiri isaga 30  igomba gushyingurwa mu Rwibutso  rw’akarere . Aratangaza ko imibiri yari ishyinguye muri iyo mva yashyizwemo nyuma ya jenoside ikuwe aho abo bantu bari biciwe; igashyingurwa mu buryo butari bwiza.

 m_Kwimurira imibiri y’abazize jenoside mu Rwibutso ngo bizafasha kubungabunga amateka2

Ngo kuba igiye kwimurirwa mu rwibutso rusange, Gasengayire avuga nk’uwacitse ku icumu asanga bishimishije kuko ari ngombwa ko abantu bapfuye bazize akarengane kamwe,  bashyingurwa kimwe; bityo n’igikorwa cyo kwibuka kigakorerwa hamwe.

 m_Kwimurira imibiri y’abazize jenoside mu Rwibutso ngo bizafasha kubungabunga amateka3

Abacitse ku icumu bo mu murenge wa Musambira ahimuwe imibiri yari ishyinguye mu mva enye, na bo bakiriye neza igikorwa cyo kongera kwimura iyi mibiri ikajyanwa mu Kibuza kugira ngo bibafashe kujya bibukirwa hamwe.

Muri iyi mirenge ya Nyarubaka na Musambira, harateganywa kwimurwa imibiri isaga ibihumbi 12, Perezida wa Ibuka mu karere ka Kamonyi, Murenzi Pacifique akaba avuga ko abacitse ku icumu babanje gutegurwa kuri iki gikorwa, ku buryo bose bumvise neza inyungu yo gushyingurira hamwe abazize jenoside.

Avuga ko iterambere rizana impinduka zitandukanye, bityo hakaba hari abagurisha amasambu ya bo uyaguze ntiyubahirize imibiri ishyinguwemo. Atanga urugero rw’umuhanda uva I kigali werekeza mu majyepfo ugiye kwagurwa, imbago za wo zikaba zambukiranya imva yari ku kiraro cya Kayumbu.

Imibiri iri kwimurwa izashyingurwa mu cyubahiro tariki 8/6/2014. Haratunganywa n’imyambaro abazize jenoside bari bambaye ngo na yo izashyirwe mu rwibutso, ariko abacitse ku icumu basaba ko ahagiye hicirwa abantu hajya hashyirwa ikimenyetso kugira ngo amateka akomeze abungabungwe.

Comments (0)

Inzibutso za Jenoside zikwiye gutunganywa ku buryo bworohereza abafite ubumuga-NCPD.

Tags: , , , , , , , , , , , ,

Inzibutso za Jenoside zikwiye gutunganywa ku buryo bworohereza abafite ubumuga-NCPD.

Posted on 10 May 2014 by peter

Inzibutso za Jenoside zikwiye gutunganywa ku buryo bworohereza abafite ubumuga-NCPD.

Hari hamwe byakozwe, n’aho bitarakorwa bfiza ko byakorwa

Inama y’igihugu y’abafite ubumuga (NCPD) isanga inzibutso za jenoside zikwiriye gutunganywa ku buryo byorohera abantu bafite ubumuga bunyuranye kuhagenda, kugira ngo nabo babashe kuzisura kuko ari inshingano zabo nk’abanyarwanda.

 Inzibutso za Jenoside zikwiye gutunganywa ku buryo bworohereza abafite ubumuga-NCPD.

Ibi byatangajwe kuri uyu wa kane tariki ya 08/05/2014 ubwo abagize inama y’igihugu y’abafite ubumuga basuraga urwibutso rwa Jenoside yakorewe abatutsi rwa Murambi, hagamijwe kunamira abazize jenoside barushyinguyemo no kwigira ku mateka yarwo ngo bafate ingamba zo guharanira ko itazongera kuba.

Tuyizere Oswald, umuyobozi ushinzwe kubaka ubushobozi bw’abantu bafite ubumuga muri NCDP akaba anafite ubumuga bw’amaguru kuko yifashisha imbago ebyiri ngo abashe kugenda, avuga ko ubwo basuraga urwibutso rwa Murambi abafite ubumuga bahuye n’inzitizi z’ingazi nyinshi (escaliers), ku buryo nk’abantu bafite ubumuga bagendera mu magare batabasha kugera mu bice byinshi byarwo, iki kibazo urwibutso rwa Murambi ngo rukaba rugisangiye n’izindi hirya no hino mu gihugu.

Ati “Twavunitse cyane kuko hari escaliers (ingazi) nyinshi. Ni inshingano z’umunyarwanda wese kwibuka ariko hari inzitizi z’uko ahashyinguye imibiri y’abacu ntabwo hateye ku buryo umuntu wese ahagera. Nk’uko mubona izi escaliers, hari abantu batabasha kuhagera bitewe n’ubumuga bwabo. Nk’umuntu ugendera mu kagare ntabwo yabasha kuhagera”.

Tuyizere akomeza avuga ko inzibutso zikwiye gutunganywa ku buryo ababana n’ubumuga bunyuranye badahura n’imbogamizi mu gihe bahasura, dore ko biri no mu mabwiriza agenga inyubako rusange ko hagomba gushyirwaho inzira zagenewe ababana n’ubumuga.

Gatabazi Eric, umukozi w’ikigo cy’igihugu gishinzwe kurwanya jenoside (CNLG) ukorera ku rwibutso rwa Murambi avuga ko bigaragara ko abamugaye babangamirwa iyo basuye uru rwibutso, ngo bikaba biterwa no kuba inyubako rukoreramo zarubatswe kera hatarashyirwa ingufu muri gahunda zo korohereza abafite ubumuga ariko hamwe na hamwe bikaba byarakosowe, bakaba bagiye kubimenyesha ubuyobozi bwabo ngo harebwe icyakorwa babashe korohereza abafite ubumuga barusura.

NCPD yemereye akarere ka Nyamagabe amagare 20 y’abafite ubumuga baba barasigiwe na jenoside yakorewe abatutsi muri mata 1994 ndetse n’abandi baba bakeneye insimburangingo cyangwa inyunganirangingo bakaba bahabwa ubufasha.

Comments (0)

Nyanza: Mu muganda hakozwe imyiteguro yo kwimura imibiri y’abazize Jenoside

Tags: , , , , , , , , , ,

Nyanza: Mu muganda hakozwe imyiteguro yo kwimura imibiri y’abazize Jenoside

Posted on 29 April 2014 by peter

Mu gikorwa cy’umuganda rusange wakozwe kuri uyu wa gatandatu tariki 26/04/2014 ku rwego rw’akarere ka Nyanza ukaba wabereye mu kagali ka Rwesero mu murenge wa Busasamana wibanze ku gikorwa cy’imyiteguro yo gukora isuku ku rwibutso rushya rw’akarere ruzimurirwamo imibiri y’abazize jenoside yakorewe abatutsi muri Mata 1994 yari ishyinguye mu buryo butari ubw’icyubahiro.

Nyanza: Mu muganda hakozwe imyiteguro yo kwimura imibiri y’abazize Jenoside

Abaturage n’abayobozi mu gikorwa cy’umuganda wabaye kuri uyu wa gatandatu tariki 26/04/2014 mu karere ka Nyanza

Ibikorwa by’umuganda byakozwe kuri uru rwibutso byibanze ahanini kurusukura batunganya ubusitani bwarwo kugira ngo tariki 3/05/2014 imibiri y’abazize jenoside yakorewe abatutsi niyimurwa ruzabe rufite isuku mu bice bitandukanye byarwo birugize.

Nyanza: Mu muganda hakozwe imyiteguro yo kwimura imibiri y’abazize Jenoside

Uru rwibutso rushya rw’abazize jenoside yakorewe abatutsi mu karere ka Nyanza rwuzuye rutwaye hafi miliyoni 300 y’u RwandaNyanza: Mu muganda hakozwe imyiteguro yo kwimura imibiri y’abazize Jenoside

Mu gihe hasigaye iminsi mike ngo iyi mibiri yimurirwe muri uru rwibutso hari ibikorwa bigisigaye kurukorwaho nko gukoropa n’ibindi nk’uko abashinzwe imyubakire y’uru rwibutso rushya rw’abazize jenoside yakorewe abatutsi mu karere ka Nyanza babitangaje.

Murenzi Abdallah, umuyobozi w’akarere ka Nyanza nawe wabonetse muri iki gikorwa cy’umuganda yashimye uko iyi myiteguro y’isuku yakozwe kuri uru rwibutso yagenze.

Yamenyesheje abaturage ko imibiri izimurirwa muri uru rwibutso yagiye ivanwa hirya no hino mu karere ka Nyanza mu nzibutso yari ishyinguyemo mu buryo bw’agateganyo.

Iki gikorwa cy’uyu muganda wo gutunganya uru rwibutso rw’abazize jenoside rushya rwujujwe mu karere ka Nyanza cyashimwe n’abaturage bavuga ko cyari ngombwa mu gihe harimo kwitegurwa gushyingurwa mu cyubahiro imibiri y’abazize jenoside yakorewe abatutsi muri Mata 1994.

Abafite ababo bazimurirwa muri urwo rwibutso nabo bashimye ko akarere ka Nyanza kabonye urwibutso rwiza kandi runini ruzakusanyirizwamo imibiri igihe iri hirya no hino muri aka karere idashyinguwe mu buryo bw’icyubahiro.

Urwibutso rushya rw’akarere ka nyanza ruzashyingurwamo imibiri ibihumbi 60 yimuwe aho yari ishyinguye muburyo butari bwiza.

Comments (0)

Gisagara: Save abarokotse barasaba ko urwibutso rwakongerwa

Tags: , , , , , , , , ,

Gisagara: Save abarokotse barasaba ko urwibutso rwakongerwa

Posted on 29 April 2014 by peter

 Abarokotse Genocide yakorewe abatutsi muri mata 1994 batuye mu murenge wa Save ho mu karere ka Gisagara, barasaba ko urwibutso rwa Save rwakwagurwa kuko batakibona aho bashyingura kandi hakaba hakiri imibiri igishyinguye mu matongo, abandi bakaba bajya gushyingurwa mu yindi mirenge kubera ubuto bw’urwibutso.

Igitambo cya misa no gushyira indabo ku rwibutso rushyinguyemo inzirakarengane za Genocide zisaga 3000, niyo mihango yabanjirije kwibuka ku nshoro ya 20 abazize Genocide yakorewe abatutsi muri mata 1994 bo mu cyahoze ari komine shyanda ubu hakaba ari umurenge wa Save uherereye mu karere ka Gisagara.igikorwa cyabaye tariki 27/4/2014

Gisagara: Save abarokotse barasaba ko urwibutso rwakongerwa

Mu ijambo ry’uhagarariye IBUKA mu murenge wa Save, Daphrose Mukarutamu, yagarutse cyane ku rwibutso rwabaye ruto, ngo hakaba hari imibiri ya bamwe ikiri mu matongo itarashyingurwa mu cyubahiro ndetse hakaba n’abajyanwa gushyingurwa mu yindi mirenge. Yasabye ko bafashwa urwibutso rwa Save rugatunganywa rukanagurwa kugirango babashe guha ababo icyubahiro bakwiye.

Ati «Twarashyinguye ariko hari n’abakiri mu matongo, hari n’abajyanwa ahandi, turacyafite imihana igera nko kuri 20 ikirimo abantu batarashyingurwa mu cyubahiro twifuza ko baza bakegera abandi tukajya tubibukira hamwe bose »

Senateur Mukakalisa Jeanne d’Arc wari witabiriye uyu muhango, yasabye abari aho ko bagomba kwirinda icyakongera kubagaruramo amacakubiri ndetse bakirinda n’abakomeje gupfobya Genocide yakorewe abatutsi.

Ati « Hanze aha haracyari abantu bapfobya Genocide yabaye mu Rwanda, bakayihakana ndetse bakabyoshya n’abandi, none rero dufatanye kubarwanya, twubakiye ku bumwe tuzabatsinda nk’uko dusanzwe tubatsinda kandi ubumwe bukatubera nk’ingabo idukingira »

Senateur Mukakalisa Jeanne d’Arc, kandi nawe yongeye kugaruka kuri iki kibazo cy’urwibutso ruto, asaba akarere ka Gisagara gushaka uburyo rwavugururwa ndetse rukanongerwa.

Uretse ikibazo cy’urwibutso rudatunganyije, uhagarariye IBUKA mu murenge wa Save yavuze, yagarutse no ku kibazo cy’abakecuru b’incike barokotse Genocide, avuga ko bakeneye kwitabwaho bakabona ababa hafi kuko imbaraga zabo ari nke kandi ko zirushaho kuba nke uko imyaka yiyongera kuko barushaho gusaza.

Comments (0)

Tags: , , , , , , , , , ,

Ngoma: Barasabwa guhuza ubushobozi biyubakira inzibutso za Jenoside ziri kurwego bifuza

Posted on 17 April 2014 by peter

m_Barasabwa guhuza ubushobozi biyubakira inzibutso za Jenoside  ziri kurwego bifuza

Nyuma y’uko bigaragaye ko zimwe mu nzibutso ziri mu karere ka Ngoma  zikeneye kubakwa kuburyo bwiza kandi hakaba hataboneka inkunga ihagije mu kuyubaka ivuye muri leta, abatuye Ngoma basabwe guhuza ubushobozi ngo izi nzibutso zubakwe neza.

Ibi bisabwe nyuma y’aho abahagarariye ibuka n’abandi batuye Ngoma bakoreye urugendo shuri mu ntara y’amajyepfo kureba uburyo inzibutso zaho za Jenoside zubatse ngo babigireho.

Nyuma yo gukora urugendo shuri, mu ijambo rye uhagarariye “Ibuka”umuryango uharanira inyungu z’abacitse ku icumu rya Jenoside, Gihana Samson, mu muhango wo gusoza icyumweru cy’icyunamo cya Jenoside  mu murenge wa Rukira kuri uyu wa 13/04/2014 yatangaje ko akarere ka Ngoma kakiri hasi mu kugira inzibutso zikwiriye.

Yagize ati ” Mu ntara yacu y’uburasirazuba ubona ko tukiri inyuma icyo kintu buri gihe ndakivuga ,ntabwo inzibutso zacu zibereye abantu bacu baryamye hariya. Niba intara y’amajyepfo yarubatse inzibutso nziza twebwe turabura iki? Ntakibura rero tugomba gufatanya twese.”

Akomeza avuga ko kugirango bigerweho hagomba kutabiharira leta ahubwo buri wese akabigiramo uruhare atanga umusanzu nkuko aho basuye mu karere ka Huye ariko babigenje ngo batunganye inzibutso zabo

Mu ijambo rye Governor w’intara y’Iburasirazuba,Uwamariya Odette, nawe wari witabiriye umuhango wo gusoza icyumweru cy’icyunamo, avuga kuri iki kibazo cy’inzibutso za Jenoside zitubatse neza yavuze ko mu nzibutso 49 ziri mu ntara yose, inzibutso 4 muri zo zikaba ari izo ku rwego rw’igihugu zifashwa mu gusanwa bityo ngo izindi zigomba kuvugururwa n’abaturage.

Yagize ati ”icyo twasaba ni uko abantu bakwishyira hamwe muri  rwa rwego rwo kwigira, bagatanga inkunga inzibutso zikubakwa  kuburyo mwifuza, nkuko byavuzwe ibyiza ni uko iki kintu kitakorwa gusa n’ingengo y’imari  y’akarere leta ishyiramo.”

Nkuko byagarutsweho n’umuyobozi w’intara y’Iburasirazuba, ngo mu ntara yose hari inzibutso 49, harimo enye zifashwa ku rwego rw’igihugu mu kuzivugurura izindi zikaba zivugururwa n’uturere ndetse n’abaturage. uyu muhango wari witabiriwe n’abadepite mu nteko  ishinga amategeko, abayobozi batandukanye ndetse n’abatuye Murama na Rukira.

Mu gitambo cya Misa  cyo gusabira abazize Jenoside bahashyinguwe cyabimburiye uyu muhango hatuwemo amafaranga agera kubihumbi 90, nayo yatanzwe ngo azafashe ibikorwa byo kuvugurura urwibutso rwa Rukira rushyinguwemo abagera kuri 2462.

Comments (0)

Tags: , , , , , , , ,

Nyamasheke- Gusana inzibutso bigeze ku kigero cya 95 %

Posted on 27 March 2014 by peter

sitemgr_photo_62079

Mu gihe u Rwanda ndetse n’isi yose byitegura kwibuka jenoside yakorewe abatutsi ku nshuro ya 20, imyiteguro irakomeje mu karere ka Nyamasheke bakaba bageze ku kigero cya 95 % mu gusana inzibutso zose ziri mu karere.

Nk’uko umuyobozi w’akerere, Habyarimana Jean Baptiste abitangaza  mu nama y’umutekano yabaye tariki 25/3/2014, avuga ko kwibuka ku nshuro ya 20 akarere ka Nyamasheke kabigeze kure bakaba bizera ko igihe nyirizina  cyo kwibuka kizagera ibikenewe byose byabonetse ku buryo bizera ko nta kibazo kizazamo.

Umuyobozi w’akarere avuga ko  ibijyanye n’umutekano w’inzibutso nawo wamaze kwizezwa n’inzego z’umutekano bakaba bizeye ko gahunda bateguye izagenda neza.

Agira ati “turizera neza ko igihe tuzaba dutangiye igihe cyo kwibuka abatutsi bazize jenoside, imyiteguro yose izaba yararangiye inzibutso zitarasanwa neza zikazaba zarangiye. Twamaze gushyiraho gahunda yose tuzagendera ho mu gihe cy’icyunamo , turizera ko bizagenda neza uko twabiteguye.”

Umuyobozi w’akarere kandi arahamagarira abaturage bose kuzagira iki gikorwa icyabo bakibuka abavandimwe, inshuti n’abaturanyi bazize uko bavutse muri jenoside yakorewe abatutsi.

Akarere ka Nyamasheke ni kamwe mu turere twazahajwe na jenoside kuko kari mu turere twahagaritswemo jenoside nyuma kubera icyo bise zone turquoise yahamaze iminsi mu gihe mu turere itagezemo yari yaramaze guhagarikwa.

Comments (0)

Tags: , , , , , ,

Burera: “Urumuri Rutazima” rurakirirwa ku Rwibutso rwa Jenoside rwa Rugarama

Posted on 28 February 2014 by peter

m_rurakirirwa ku Rwibutso rwa Jenoside rwa Rugarama

uRwibutso rwa Jenoside rwa Rugarama

Ku Rwibutso rwa Jenoside yakorewe abatutsi mu Rwanda, mu mwaka wa 1994, ruri mu murenge wa Rugarama, mu karere ka Burera, niho hakirirwa “Urumuri Rutazima” rw’icyizere kuri uyu wa kane tariki ya 27/02/2014.

Uru “Rumuri Rutazima” rw’icyizere rurakirirwa mu karere ka Burera ruturutse mu karere ka Musanze.

Urwibutso rwa Jenoside rwa Rugarama ruzakirirwaho “Urumuri Rutazima” rushyinguwemo imbiri 13 y’abazize Jenoside yakorewe abatutsi.

Niyonsenga Fabien, uhagarariye abacitse ku icumu rya Jenoside bo mu karere ka Burera, avuga ko abo bose bashyinguye muri urwo Rwubitso bakomoka mu hahoze hitwa Bukamba. Bakuwe hirya no hino muri ako gace.

Niyonsenga kandi avuga ko Urwibutso rwa Jenoside rwa Rugarama rwerekana ko Jenoside yakorewe abatutsi mu Rwanda, mu mwaka wa 1994, yateguwe ugendeye ku mateka y’agace ruherereyemo.

Yongeraho ko mu mwaka wa 1994 nta mirwano yaranzwe mu karere ka Burera kubera ko ako gace kari gaherereye mu gice kitagombaga kurangwa mo ingabo z’impande zombi (Zone Tempo) nk’uko byari byaremejwe mu masezerano ya Arusha muri Tanzaniya.

Agira ati “Jenoside itangira, ingabo zari iza FPR zije kuyihagarika, zahise zigafata (agace gaherereye mo akarere ka Burera) bituma mu mwakwa 1994 Jenoside nyir’izina itaba muri aka karere (Burera) kuko kari gahise kigarurirwa n’ingabo zari iza FPR”.

Niyonsenga akomeza avuga ko mu karere ka Burera Jenoside yakorewe abatutsi yatangiye mu mwaka wa 1991 itangijwe n’umusirikare wari ufite ipeta rya Major witwa Muvunyi Tarcisse wayoboraga ingabo z’icyo gihe zakoreraga muri ako gace.

Ngo abaturage bo mu karere ka Burera bazi uwo musirikare ku izina rya “Gafuni”. Agira ati “ Abatutsi benshi bishwe we yabasabaga ko bicukurira, nyuma barangiza kwicukurira akabica akoresheje ifuni”.

Uwo musilikare ubwo yatangizaga Jenoside, n’abandi baturage batandukanye batangiye kwica abatutsi bari baturanye nabo.

Kuri ubu Muvunyi Tarcisse ufite ipeta rya “Colonel” afungiye Arusha muri Tanzaniya; nk’uko Niyonsenga abihamya.

Akarere ka Burera kabaye aka 17 kagiye kwakira “Urumuri Rutazima”. Ruzava mu karere ka Burera rujyanwa mu karere ka Gakenke.

Comments (0)

Tags: , , , , , ,

Karongi: Residents request for special Memorial Site

Posted on 24 May 2013 by peter

The 1994 genocide against Tutsis survivors in Mabuga sector in Karongi District need a genocide Memorial Site to be constructed at Mabuga Parish where most Tutsis in the area were massacred.

01

During a walk to remember victims of the 1994 genocide in Mabuga

This idea of constructing a strong and well maintained memorial site was brought out on Sunday the 19th.May.2013 in Mabuga sector during the special commemoration ceremony of Tutsis who were massacred at the Mabuga Parish.

The commemoration ceremony started with a night vigil on Saturday the 18th of May and on Sunday morning a walk to remember was made towards Murangara Memorial Site where wreaths of flowers were laid. Murangara Memorial Site holds most of the genocide victims. The commemoration ceremony coincided with Pentecostal day.

 Among the many Tutsis that were massacred in Mabuga now laid to rest in Murangara Memorial Site include the parents and relatives of Bernard Kayumba the mayor of Karongi district who was also in attendance of this memorial service.

 The guest of honour in this memorial service was Hon. Samuel Musabyimana who was accompanied by other Members of Parliament like Hon. Landrada Umuraza, Hon. Ezechias Rwabuhihi and Hon. Polisi Denis.

Comments (0)

Tags: , , , , , ,

KARONGI: Abacitse ku icumu rya Jenoside bo ku Mubuga bakeneye urwibutso kuri paruwasi ya Mubuga

Posted on 22 May 2013 by peter

KARONGI: Abacitse ku icumu rya Jenoside bo ku Mubuga bakeneye urwibutso kuri paruwasi ya Mubuga

Urugendo rwo kunamira abatutsi bishwe muri jenoside bo ku Mubuga
mu karere ka Karongi

Abacitse ku icumu rya jenoside yakorewe abatutsi mu Rwanda muri Mata 1994 bo mu murenge wa Mubuga, akarere ka Karongi, barasaba ko kuri paruwasi ya Mubuga hakubakwa urwibutso rukomeye kandi rwujuje ibyangombwa, kuko kuri iyo paruwasi ari ho haguye abatutsi benshi.

Icyifuzo cyo kubakrwa urwibutso rukomeye kuri paruwasi ya Mubuga mu karere ka Karongi, cyatanzwe ku cyumweru tariki (19-05-2013) mu murenge wa Mubuga, mu muhango wo kunamira abatutsi bazize Jenoside yabakorewe muri Mata 1994.

 Umuhango wabanjirijwe n’ijoro ryo kwibuka kuwa gatandatu tariki 18-05-2013, bukeye ku cyumweru bakora urugendo bagana ku rwibutso rwa Murangara aho abashyitsi n’abaturage ba Mubuga bashyize indabyo ku mva zibitse imibiri y’abatutsi biciwe kuri paruwasi ya Mubuga. Umuhango wahuriranye n’umunsi wa pentekote.

 Mu batutsi biciwe aho ku Mubuga banashyinguye ku rwibutso rwa Murangara, harimo ababyeyi n’abavandimwe b’umuyobozi w’akarere ka Karongi Kayumba Bernard nawe witabiriye umuhango.

 Umushyitsi mukuru yari Depite Samuel Musabyimana wari uherekejwe n’izindi ntumwa za rubanda mu Nteko Ishingamategeko y’u Rwanda ari bo Umuraza Landrada, Rwabuhihi Ezechias, na Polisi Denis.

 

Comments (0)

Ruhango: Gusukura inzibutso biri mu bifasha imitima ya bamwe

Tags: , , , , , , ,

Ruhango: Gusukura inzibutso biri mu bifasha imitima ya bamwe

Posted on 12 May 2013 by peter

Ruhango: Gusukura inzibutso biri mu bifasha imitima ya bamweBuri gihe iyo kwibuka abatutsi bazize jenoside mu Rwanda mu mwaka  w’ 1994 byegereje, usanga ahantu hari inzibutso zishyunguwemo imibiri y’abishwe muri jenoside zitabwaho zigasukurwa zikongera gushyirwaho indabo, n’ibindi.

Uku gusukurwa kw’izi nzibutso, abarakotse jenoside yakorewe abatutsi, ngo babifata nk’ibikorwa bikomeye byo gusubiza agaciro abishwe muri jenoside, ibi bigatuma imitima yabo idakomeza guheranwa n’agahinda.

Ibrahim Ndori n’umwe mu barokotse jenoside yakorewe abatutsi mu mwaka 1994 mu karere ka Ruhango, avuga ko buri gihe iyo kwibuka bigeze bakabona abantu batandukanye bashishikajwe no guha agaciro ababo batunganya ahashyinguye imibiri yabo, bumva bagaruye icyizere ndetse guheranwa n’agahinda bigahagarara.

Bamwe mu bakunze kugaragara mu bikorwa byo gusukuru inzibutso, ubonamo umuryango mpuzamahanga utabara imbabare croix rouge, abanyeshuri, abayobozi, n’abandi.

Umyobozi w’akarere ka Ruhango wungirije ushinzwe imibereho myiza y’abaturage Mugeni Jolie Germaine, avuga ko nk’ubuyobozi nabwo buba bushishikajwe no guharanira icyatuma ababuze ababo badakomeza guheranwa n’agahinda, bakagerageza kubaba hafi bishoboka.

 

 

 

 

Comments (0)

Advertise Here