Mu rwego rwo kwitegura umunsi mpuzamahanga w’ingoro z’umurage wizihizwa tariki 18 Gicurasi ikigo cy’igihugu cy’umurage w’u Rwanda cyagirane ikiganiro n’abanyamakuru tariki 16 Gicurasi 2012.  

Umulisa Alphonse umuyobozi mukuru w’ingoro z’umurage w’u Rwanda

Mu Rwanda uwo munsi uzizihirizwa mu karere ka Nyanza ahubatse inzu ndangamateka y’ubugeni ari naho habereye  ikiganiro n’abanyamakuru ku bijyanye n’imyiteguro y’uwo munsi.

Nk’uko mu kiganiro n’abanyamakuru byagaragajwe kuri uwo munsi hazakorwa ibikorwa bitandukanye birimo kumurika ibikorwa by’ubugeni bushingiye ku mafoto hanamurikwe n’ibindi bikorwa ingoro z’igihugu z’umurage w’u Rwanda zimaze kugeraho muri rusange.

Kuri uwo munsi kandi ingoro y’umurage w’u Rwanda izaba ifite abashyitsi banyuranye bazaba baturutse mu bihugu bitandukanye byo ku isi birimo u Buholandi, Afurika y’epfo na Uganda bazagaragaza ibyo bamaze kugeraho mu rwego rwo gufata neza ingoro z’umurage.

Kuri iyi nshuro ikizibandwaho mu Rwanda ni ukugaragaza uko ifoto yavuga igaragaza amateka y’ibyabaye yaba byiza cyangwabibi kugihugu.

Icyo ibyo bigamije ni ugukangurira abanyarwanda kwihesha agaciro bifashishije amafoto agaragaza amateka yabo yo hambere mu ruhando mpuzamahanga nk’uko Umuliisa Alphonse umuyobozi mukuru w’ingoro z’umurage w’u Rwanda abitangaza.

Ku rwego rw’isi umunsi muzamahanga w’ingoro z’umurage watangiye kwizihizwa kuva mu mwaka w’1977.

Umushinga GVTC (Greater Virunga Transboundary Collaboration) ufatanije n’ibigo by’ibihugu bifite mu nshingano zabyo ubukerarugendo n’amaparike, RDB mu Rwanda, UWA muri Uganda ndetse na ICCN ku ruhande rwa Congo Kinshasa wahisemo kwegereza abaturage baturiye amaparike ibikorwa by’iterambere kugirango batazongera guhirahira kwangiza aya maparike.

Abayobozi b’aya maparike ni ukuvuga parike y’ibirunga ku mpande zose z’ibihugu batangaza ko ba rushimusi bashimutaga inyamanswa zo muri aya maparike usanga ari abaturage babaga bashaka icyababeshaho kubw’ubukene babayemo ariko magingo aya ngo hari aho bitangiye kugaragara ko ubushimusi mu maparike bumaze kugira ubucuruzi bukomeye.

Aha akaba ngo ariyo mpamvu ibihugu byose byashyize hamwe kugirango barwanye buri wese wangiza parike.
Umuyobozi wa parike y’Ibirunnga ku ruhande rw’u Rwanda, Prosper Uwingeri avuga ko batangiye gufasha abaturiye amaparike kwivana mu bukene binyujijwe mu mutungo winjizwa n’iyi parike.

Avuga ko abari abashimusi muri iyi parike babumbiwe mu mashyirahamwe atandukanye akora ibikorwa birimo ubuvumvu bwa kijyambere kuburyo babasha no kwitunganyiriza ubu buki bukajyanwa ku isoko. Abandi bakaba bari mu mashyirahamwe y’ubukorikori.

Ibi ngo byatumye abajyaga gufakura muri parike babihagarika, ndetse n’abajyaga guca imigano iribwa n’ingagi nabo bahagarara kuko ngo magingo aya babashije kwitere imigano yabo. Iyi migano bateye ikaba ibafasha kwirinda isuri yari yarabajigirije ndetse bakanakuramo iyo bakeneye gukoresha batangije parike.

Ku ruhande rw’ibindi bihugu nk’Uganda, Mark Mwine avuga ko bamaze kubona ingaruka nziza nyuma yo gufasha abaturiye parike zo muri iki gihugu kuko ngo kugeza ubu abaturage aribo bagira uruhare rukomeye mu kurinda izi parike.

Aba baturage ngo bakaba baranigishijwe akamaro ko kurinda ibidukikije kuburyo ngo ibyo bakora babikora babishaka kandi banabikunze.

Abaturiye agace ka Rwabisemanyi ahari ibyuzi byororerwamo amafi baratangaza ko babona hadakwiye kuba hororerwa gusa kubera uburanga hafite, bo bakaba basanga hakwiye no kuba ahatembererwa ndetse byaba na byiza hashyizwe ibindi bikorwa byakurura abantu.

Rwabisemanyi ni agace karimo ibyuzi by’amafi gaherereye mu murenge wa Kigembe mu karere ka Gisagara. Ni agace gakunze kuvamo izuba riringaniye ubunai kagahora karimo umuyaga kubera ibiti n’udushyamba duto tuhakikije. Hakkikijwe kandi n’udusozi abantu baho bavuga ko tubanezeza kutwitegereza.

Ibyo rero bikaba  ari byo bituma abahatuye bavuga ko hakwiye kumenyekana birenzeho, hakajya hatembererwa abantu bakareba ibyiza bitatse u Rwanda ko ntaho bitari. Bavugaa kandi ko hagize nk’igikorwa kihakorerwa cyatuma hazajya hagendwa cyane byatuma hamenyekana maze bikanateza imbere uyu murenge muri rusange.

MUKIZA Alphonse utuye muri uyu murenge avuga ko haramutse hashyizwe nk’isoko ryazajya rigurishirizwamo amatungo ahororerwa byakurura abantu maze hakanubakwa n’akabari keza maze abantu bakajya bahatemberera ndetse bakaniyakirira muri ako kabari.

Yagize ati “Kuhatemberera byonyine biryoheye amaso ariko mbaye mpicaye hari n’icyo ndi gufata byarushaho kuba byiza”

DUSABEMUNGU Gregoire ushinzwe station y’ubworozi muri Rwabisemanyi aratangaza ko nabo igitekerezo cyo kugira icyo bahakorera bagifite, gusa ubu ngo nta matungo ageze igihe cyo kugurishwa ahari, inkoko ziracyari nto n’amafi n’uko ariko barateganya kuhubaka akabari maze bakajya bahakirira abantu ndetse n’amafi amaze gukura bakajya bokereza abantu.

Ku bijyanye n’isoko byo ngo ntagitekerezo barabigiraho kuko ubwaho hitaruyeho umugi gato, bakaba rero babona byaba imbogamizi ku bucuruzi bibzye ko abantu bava iyo mu mujyi wa Huye bakaza kuhashaka amafi cyangwa andi matungo kuko nyuma y’inkoko bazahazana n’inkwavu. Kuba atari hafi cyane y’umujyi ariko ngo ntacyo byabangamira cyane ku kabazi kuko ahubwo byakurura abantu bakajya bahatemberera.

Ibyuzi bya Rwabisemanyi byacukuwe ahantu hasa no mu kibaya ariyo mpamvu hahora hari amafu, bicukurwa hagati mu myaka ya 1952-1958.

While Rwanda and friends of Rwanda await the 18 commemoration of the 1994 genocide against the Tutsi, members of the rotary club international this weekend planted more than 500 trees at the Kigali memorial site, located at Gisozi.

The president of Rotary International Mount Jari Julien Kavaruganda said the tree planting is to conserve environment and ensure a friendly place and home for the thousands of bodies of Tutsis, massacred during the genocide.

“It is our commitment as members of the rotary international to plant trees , protect environment, help the vulnerable with intentions to develop the nation,” said kavaruganda.

Patricia Murekatete the executive secretary of Gisozi sector expressed gratitude to the rotary international Rwanda for their continued support to the country’s development saying that planting trees is an important aspect to Rwanda’s development.

Murekatete assured continued cooperation between gisozi sector and rotary international.

Rotary international mount Jali that operates in Rwanda among its contributions to the Rwandan society is also set to distribute free English- French dictionaries and school desks to different schools country wide according to the rotary vice president Albert Mugunga.

Isumo rya Mugogwe riri ku mugezi wa Mugogwe uri mu Murenge wa Rusatira ho mu Karere ka Huye. Rimanuka ku rutare rurerure cyane rupima metero zigera kuri 200 z’uburebure na 30 z’ubugari.

Iyo uri kuri urwo rutare rumanukaho isumo rya Mugogwe, ubona ubwiza bw’imisozi ihakikije cyane cyane ubw’agasozi ka Remera. Amazi amanukira hagati mu rutare. Hafi yaho hari ikibumbiro bivugwa ko inka za Ruganzu zashorwagaho.

Naho hirya gato, hari ubuvumo butoya bavuga ko Ruganzu yaba yaratuyemo. Icyakora ubwo buvumo ngo ntibukiri bunini nka kera kuko amazi y’umugezi wa Mugogwe yagiye abutamo amabuye.

Abantu banavuga ko kera hari abazaga kwiyuhagirira muri iryo sumo kugira ngo bakire rubagimpande. Nemeye ubu ufite imyaka 52 na we abyemeza agira ati « Muri za 60, abantu bazaga kuhiyuhagirira ari benshi kugira ngo bakire kandi koko ngo barakiraga. »

Aha hantu rero kimwe n’ahandi nka ho hakeneye kwitabwaho no kubungwabungwa kuko haba habitse amateka y’u Rwanda kandi hanitaweho hagatunganywa hakurura ba mukerarugendo bityo ibyiza mb’iwacu bisakwira hose.

Bimaze kugaragara ko ubukerarugendo ari bwo bwinjiza amafaranga menshi mu gihugu, hatekerejwe uburyo bwatezwa imbere kurushaho. Ibi byatumye Minisiteri ifite ubukerarugendo mu nshingano zayo (MINICOM) itekereza gushyiraho politiki y’ubukerarugendo. Ibikubiye muri iyi politiki turabigezwaho na Christine Nyiranshimiyimana, ushinzwe amategeko muri iyi Minisiteri.

Nyiranshimiyimana avuga ko kuba u Rwanda rufite ingagi na za parike ndetse n’ingoro z’umurage bidahagije mu gukurura abakerarugendo mu Rwanda.

Kugira ngo abanyamahanga bagane u Rwanda kurushaho, ni uko hongerwa ibibakurura. Yagize ati « Mu gihugu cy’Ubushinwa, abantu bahasibanira bajya kureba urukuta rwubatswe n’abantu.

Twe dufite ahantu ndangamateka na nyaburanga hahatse amateka menshi. Kuki twe tutakora ku buryo hamenyekana maze abantu bakaza kuhareba ari benshi ?»

Uretse n’ahantu ndangamateka, hari hakwiye gutekerezwa no ku myidagaduro ndetse n’imikino y’amahirwe kuko na byo biri mu bikurura abanyamahanga bikanatuma basiga amafaranga menshi mu Rwanda.

Serivisi nziza na yo iri mu bituma abantu bishimira kujya gusura ahantu. Yagize ati « ibihugu duturanye bigenda bidusiga mu gukurura ba mukerarugendo. Icyo baturusha ni ukwita ku bakiriya ».

Aha yatanze urugero rwa Kenya na Afurika y’epfo aho umuntu yinjira muri banki nyuma y’iminota itatu yonyine akaba arasohotse, amaze gukemurirwa ibibazo byamugenzaga.

Muri ibi bihugu kandi, nta wujyanwa muri banki no kubikuza amafaranga, ahubwo akenshi baba bajyanywe no kwaka inguzanyo.

Ibi rero ngo byatumye politiki y’ubukerarugendo yari yashyizweho mu w’2006 yari igamije gushishikariza ba mukerarugendo gusura za parike zo mu Rwanda isimbuzwa iyo mu w’2009 ari na yo iri kugenderwaho ubungubu, ivuga ko mu Rwanda hakwiye gushyirwaho ubukerarugendo burambye budashingiye ku byo dusanganywe gusa, ahubwo ko hagomba gushakwa ibindi bikurura ba mukerarugendo, byaba ibifatika n’ibidafatika.

Kugira ngo ibyo bigerweho rero, kugira Minisiteri ishinzwe ubukerarugendo ntibihagije. Ahubwo abo bireba bose, baba abikorera n’inzego z’ubuyobozi, bagomba gufatanya. Bityo haba hari uwifuza gushyira hoteli ahantu bitewe n’ubwiza bwaho, ubuyobozi bukabimufashamo.

Nyiranshimiyimana Christine kandi akomeza avuga ko kubera ko itegeko rigenga ubukerarugendo rigenderwaho uyu munsi ari iryashyizweho mu 1959, hari gutegurwa iridi rijyanye n’ibihe tugezemo rizaba rikubiyemo uburyo bwo korohereza abantu kwinjira no gusohoka mu gihugu.