Tag Archive | "Rwanda Genocide"

Tags: , , , , , , , , , ,

Ngoma: Barasabwa guhuza ubushobozi biyubakira inzibutso za Jenoside ziri kurwego bifuza

Posted on 17 April 2014 by peter

m_Barasabwa guhuza ubushobozi biyubakira inzibutso za Jenoside  ziri kurwego bifuza

Nyuma y’uko bigaragaye ko zimwe mu nzibutso ziri mu karere ka Ngoma  zikeneye kubakwa kuburyo bwiza kandi hakaba hataboneka inkunga ihagije mu kuyubaka ivuye muri leta, abatuye Ngoma basabwe guhuza ubushobozi ngo izi nzibutso zubakwe neza.

Ibi bisabwe nyuma y’aho abahagarariye ibuka n’abandi batuye Ngoma bakoreye urugendo shuri mu ntara y’amajyepfo kureba uburyo inzibutso zaho za Jenoside zubatse ngo babigireho.

Nyuma yo gukora urugendo shuri, mu ijambo rye uhagarariye “Ibuka”umuryango uharanira inyungu z’abacitse ku icumu rya Jenoside, Gihana Samson, mu muhango wo gusoza icyumweru cy’icyunamo cya Jenoside  mu murenge wa Rukira kuri uyu wa 13/04/2014 yatangaje ko akarere ka Ngoma kakiri hasi mu kugira inzibutso zikwiriye.

Yagize ati ” Mu ntara yacu y’uburasirazuba ubona ko tukiri inyuma icyo kintu buri gihe ndakivuga ,ntabwo inzibutso zacu zibereye abantu bacu baryamye hariya. Niba intara y’amajyepfo yarubatse inzibutso nziza twebwe turabura iki? Ntakibura rero tugomba gufatanya twese.”

Akomeza avuga ko kugirango bigerweho hagomba kutabiharira leta ahubwo buri wese akabigiramo uruhare atanga umusanzu nkuko aho basuye mu karere ka Huye ariko babigenje ngo batunganye inzibutso zabo

Mu ijambo rye Governor w’intara y’Iburasirazuba,Uwamariya Odette, nawe wari witabiriye umuhango wo gusoza icyumweru cy’icyunamo, avuga kuri iki kibazo cy’inzibutso za Jenoside zitubatse neza yavuze ko mu nzibutso 49 ziri mu ntara yose, inzibutso 4 muri zo zikaba ari izo ku rwego rw’igihugu zifashwa mu gusanwa bityo ngo izindi zigomba kuvugururwa n’abaturage.

Yagize ati ”icyo twasaba ni uko abantu bakwishyira hamwe muri  rwa rwego rwo kwigira, bagatanga inkunga inzibutso zikubakwa  kuburyo mwifuza, nkuko byavuzwe ibyiza ni uko iki kintu kitakorwa gusa n’ingengo y’imari  y’akarere leta ishyiramo.”

Nkuko byagarutsweho n’umuyobozi w’intara y’Iburasirazuba, ngo mu ntara yose hari inzibutso 49, harimo enye zifashwa ku rwego rw’igihugu mu kuzivugurura izindi zikaba zivugururwa n’uturere ndetse n’abaturage. uyu muhango wari witabiriwe n’abadepite mu nteko  ishinga amategeko, abayobozi batandukanye ndetse n’abatuye Murama na Rukira.

Mu gitambo cya Misa  cyo gusabira abazize Jenoside bahashyinguwe cyabimburiye uyu muhango hatuwemo amafaranga agera kubihumbi 90, nayo yatanzwe ngo azafashe ibikorwa byo kuvugurura urwibutso rwa Rukira rushyinguwemo abagera kuri 2462.

Comments (0)

Tags: , , , , , , , ,

Gatsibo: Barifuza ko urwibutso rwa Kiziguro ruvugururwa

Posted on 17 April 2014 by peter

m_Barifuza ko urwibutso rwa Kiziguro ruvugururwa

Iyo winjira mu rwibutso rwa Kiziguro usanganirwa n’iki kirango

Abarokotse Jenoside yakorewe abatutsi mu 1994 bo mu Karere ka Gatsibo, bavuga ko bifuza ko Urwibutso rwa Kiziguro ari narwo rwibutso rukuru rw’aka karere rwavugururwa rukubakwa neza ku buryo n’uzajya ahagera wese azajya abona amateka mabi yaranze icyahoze ari komini murambi.

Ntagorama Jacques ni umwe mu barokokeye muri kiziguro, we na bagenzi be 12 gusa, nibo babashije kurokorwa n’ingabo zahoze ari iza FPR Inkotanyi mu rwobo rurerure rwaroshywemo imbaga y’abatutsi bari bahungiye ku kiriziya ya kiziguro, bizeyeko ubwo ari mu nzu y’Imana baharokokera.

Ntagorama avuga ko uru rwobo ruri mu bice bigize urwibutso rwa kiziguro rufite n’umwihariko wo kuba rufite amate y’uko ari rwo rwarohwagamo abatutsi bagiye bageragezwaho Jenoside n’uwari burugumesitiri wa komini Murambi Gatete jean Baptiste, guhera mu myaka ya 1991.

Agira ati:”Aya mateka ya jenoside akwiye kubungwabungwa kugira ngo azafashe abanyarwanda ndetse n’isi yose gufata mu mutwe no mu mitima ko jenoside itagomba kongera kubaho”.

Tariki 16/4/2014 Umuyobozi w’akarere ka Gatsibo wungirije ushinzwe imibereho myiza Uwimpuwe Esperence, yavuze ko ibikorwa byo gutunganya uru rwibutso bigeze kure bitegurwa ngo kuko n’ingeno y’imali yamaze kugenwa.

Yagize ati:”Turifuza ko uru rwibutso rwubakirwa ku buryo bukomeye kugira ngo bibe ibintu birambye by’igihe kirekire, kugeza ubu inyigo yabyo ifite agaciro gasaga miliyoni 400, tukaba twizeye ko ku bufatanye n’abaturage ndetse n’incuti iki gikorwa tuzakigeraho”.

Uru rwibutso rushyinguyemo imiri isaga ibihumbi 12 y’abatutsi bakomokaga muri komini zitwaga, Muhura, gituza, ngarama ariko cyane cyane abo muri komini murambi, izi komini zose zikaba zari mu cyahoze ari perefegitura ya Byumba.

Comments (0)

Tags: , , , , , , , ,

Nyamasheke- Gusana inzibutso bigeze ku kigero cya 95 %

Posted on 27 March 2014 by peter

sitemgr_photo_62079

Mu gihe u Rwanda ndetse n’isi yose byitegura kwibuka jenoside yakorewe abatutsi ku nshuro ya 20, imyiteguro irakomeje mu karere ka Nyamasheke bakaba bageze ku kigero cya 95 % mu gusana inzibutso zose ziri mu karere.

Nk’uko umuyobozi w’akerere, Habyarimana Jean Baptiste abitangaza  mu nama y’umutekano yabaye tariki 25/3/2014, avuga ko kwibuka ku nshuro ya 20 akarere ka Nyamasheke kabigeze kure bakaba bizera ko igihe nyirizina  cyo kwibuka kizagera ibikenewe byose byabonetse ku buryo bizera ko nta kibazo kizazamo.

Umuyobozi w’akarere avuga ko  ibijyanye n’umutekano w’inzibutso nawo wamaze kwizezwa n’inzego z’umutekano bakaba bizeye ko gahunda bateguye izagenda neza.

Agira ati “turizera neza ko igihe tuzaba dutangiye igihe cyo kwibuka abatutsi bazize jenoside, imyiteguro yose izaba yararangiye inzibutso zitarasanwa neza zikazaba zarangiye. Twamaze gushyiraho gahunda yose tuzagendera ho mu gihe cy’icyunamo , turizera ko bizagenda neza uko twabiteguye.”

Umuyobozi w’akarere kandi arahamagarira abaturage bose kuzagira iki gikorwa icyabo bakibuka abavandimwe, inshuti n’abaturanyi bazize uko bavutse muri jenoside yakorewe abatutsi.

Akarere ka Nyamasheke ni kamwe mu turere twazahajwe na jenoside kuko kari mu turere twahagaritswemo jenoside nyuma kubera icyo bise zone turquoise yahamaze iminsi mu gihe mu turere itagezemo yari yaramaze guhagarikwa.

Comments (0)

Tags: , , , , , ,

Rukara: Abagore biyemeje gutanga umusanzu wo kugeza amazi mu busitani bw’urwibutso rw’abazize Jenoside

Posted on 11 March 2014 by peter

m_mpuzamahanga w’umugore wizihijwe haremerwa bamwe mubategarugori batishoboye4

Ubusitani bwatunganijwe

Abagore bo mu murenge wa Rukara mu karere ka Kayonza bihaye umuhigo wo kugeza amazi mu busitani bw’urwibutso rushya rw’abazize Jenoside yakorewe Abatutsi mu 1994 ruri kubakwa i Karubamba muri uwo murenge.

Urwo rwibutso ruzimurirwamo imibiri y’abazize Jenoside basaga ibihumbi umunani bashyinguye mu mva zari zaratangiye kwangirika. Hari gahunda y’uko kwibuka ku nshuro ya 20 byazatangira iyo mibiri yarimuriwe mu mva nshya, ubu imirimo yo kubaka urwo rwibutso ikaba ikomeje gukorwa.

Abagore b’i Rukara ngo barebye basanga hari umusanzu bashobora gutanga kuri urwo rwibutso kugira ngo ruse neza, biyemeza kurukorera ubusitani nk’uko Nyinawumuntu Agnes, umuhuzabikorwa w’inama y’igihugu y’abagore muri uwo murenge abivuga.

Bari bamaze iminsi batera pasiparumu muri ubwo busitani, ariko baza kugira ikibazo cy’izuba ryatumye izo pasiparumu zidafata biyemeza kujya bazivomerera. Aho bavomaga amazi yo kuhira ubwo busitani ngo ni kure kuko ari mu ntera ingana n’ikirometero uvuye kuri urwo rwibutso, bikaba bibavuna igihe bari kuhira.

Ibyo ngo ni byo byatumye biyemeza gutanga umusanzu kugira ngo bazageze amazi kuri urwo rwibutso bityo kurukorera isuku bo kuhira ubusitani bwa rwo igihe bibaye ngombwa byorohe. Nyinawumuntu avuga ko abagore biyemeje ko buri mugore yatanga umusanzu w’amafaranga 100, kugeza ubu bakaba bamaze kubona amafaranga asaga gatoya ibihumbi 95.

Inyigo yari yakozwe n’ikigo cya EWSA y’uburyo amazi yagera kuri urwo rwibutso ngo iri hagati y’ibihumbi 100 b’ibihumbi 125 nk’uko umukozi ushinzwe irangamimerere mu murenge wa Rukara Rugema Justin abivuga.

Nyinawumuntu avuga ko abagore bagikomeje gukusanya amafaranga kugira ngo intego ya bo bazayigereho, akavuga ko hari imidugudu yari itararangiza kuyatanga.

Abagore bo mu murenge wa Rukara bafite ibikorwa by’ubwitange bitandukanye bagenda biyemeza gukora, kuko uretse ubwo busitani bwo ku rwibutso banakoze ubusitani ku nzu ya mwarimu mu murenge wa Rukara no ku zindi nyubako za leta, ndetse bakaba bangira gahunda ya bo yihariye y’umuganda, aho bafasha abatishoboye bakanakora imihanda ihuza imidugudu.

Ibi byose ngo babikora nta gahato kuko babiganiraho mu mugoroba w’ababyeyi, ubundi bakumvikana ku gikorwa bakora ntawe baniganye ijambo kuko buri wese atanga igitekerezo nk’uko abagore batandukanye twaganiriye babivuga.

Comments (0)

Tags: , , , , , ,

Burera: “Urumuri Rutazima” rurakirirwa ku Rwibutso rwa Jenoside rwa Rugarama

Posted on 28 February 2014 by peter

m_rurakirirwa ku Rwibutso rwa Jenoside rwa Rugarama

uRwibutso rwa Jenoside rwa Rugarama

Ku Rwibutso rwa Jenoside yakorewe abatutsi mu Rwanda, mu mwaka wa 1994, ruri mu murenge wa Rugarama, mu karere ka Burera, niho hakirirwa “Urumuri Rutazima” rw’icyizere kuri uyu wa kane tariki ya 27/02/2014.

Uru “Rumuri Rutazima” rw’icyizere rurakirirwa mu karere ka Burera ruturutse mu karere ka Musanze.

Urwibutso rwa Jenoside rwa Rugarama ruzakirirwaho “Urumuri Rutazima” rushyinguwemo imbiri 13 y’abazize Jenoside yakorewe abatutsi.

Niyonsenga Fabien, uhagarariye abacitse ku icumu rya Jenoside bo mu karere ka Burera, avuga ko abo bose bashyinguye muri urwo Rwubitso bakomoka mu hahoze hitwa Bukamba. Bakuwe hirya no hino muri ako gace.

Niyonsenga kandi avuga ko Urwibutso rwa Jenoside rwa Rugarama rwerekana ko Jenoside yakorewe abatutsi mu Rwanda, mu mwaka wa 1994, yateguwe ugendeye ku mateka y’agace ruherereyemo.

Yongeraho ko mu mwaka wa 1994 nta mirwano yaranzwe mu karere ka Burera kubera ko ako gace kari gaherereye mu gice kitagombaga kurangwa mo ingabo z’impande zombi (Zone Tempo) nk’uko byari byaremejwe mu masezerano ya Arusha muri Tanzaniya.

Agira ati “Jenoside itangira, ingabo zari iza FPR zije kuyihagarika, zahise zigafata (agace gaherereye mo akarere ka Burera) bituma mu mwakwa 1994 Jenoside nyir’izina itaba muri aka karere (Burera) kuko kari gahise kigarurirwa n’ingabo zari iza FPR”.

Niyonsenga akomeza avuga ko mu karere ka Burera Jenoside yakorewe abatutsi yatangiye mu mwaka wa 1991 itangijwe n’umusirikare wari ufite ipeta rya Major witwa Muvunyi Tarcisse wayoboraga ingabo z’icyo gihe zakoreraga muri ako gace.

Ngo abaturage bo mu karere ka Burera bazi uwo musirikare ku izina rya “Gafuni”. Agira ati “ Abatutsi benshi bishwe we yabasabaga ko bicukurira, nyuma barangiza kwicukurira akabica akoresheje ifuni”.

Uwo musilikare ubwo yatangizaga Jenoside, n’abandi baturage batandukanye batangiye kwica abatutsi bari baturanye nabo.

Kuri ubu Muvunyi Tarcisse ufite ipeta rya “Colonel” afungiye Arusha muri Tanzaniya; nk’uko Niyonsenga abihamya.

Akarere ka Burera kabaye aka 17 kagiye kwakira “Urumuri Rutazima”. Ruzava mu karere ka Burera rujyanwa mu karere ka Gakenke.

Comments (0)

Tags: , , , , , ,

Nyamagabe: Abasura urwibutso rwa Murambi bemeza ko ari ishuri ry’amateka ya jenoside.

Posted on 09 June 2013 by peter

01Urwibutso rwa jenoside yakorewe abatutsi rwa Murambi ni rumwe mu nzibutso zigaragaza neza amateka ya jenoside, kuva ku buryo amacakubiri yatangiye kwinjizwa mu banyarwanda mu gihe cy’ubukoloni kugeza ku ishyirwa mu bikorwa ryayo muri mata 1994.

Uru rwibutso ruri mu nyubako ubusanzwe zari zikiri kubakwa mu mwaka wa 1994 zigenewe kuzaba ishuri ry’imyuga, ubu abahasura bakaba bemeza ko ari ishuri ry’amateka cyane cyane arebana na jenoside yakorewe abatutsi.

Ubwo itsinda ry’abakozi b’ibitaro bya Kirinda n’abafatanyabikorwa babyo bagera kuri 80 basuraga urwibutso rwa jenoside rwa Murambi kuri uyu wa kane tariki ya 6/6/2013, Muganga mukuru w’ibitaro bya Kirinda biherereye mu karere ka Karongi mu ntara y’iburengerazuba, Dr Iyakaremye Thomas yashimangiye ko ari ishuri koko.

Ati: «Ku bigaragara aha ahantu koko ni ishuri. Imibiri ureba ukabona uko abantu bapfuye basaba imbabazi, ibikoresho byakoreshejwe kubera inkovu ubona ku mibiri, imyenda bari bambaye, uruhare mpuzamahanga, uruhare rw’abanyagihugu n’ubugome bwa muntu, ibyo byose ni amasomo. Ariko kandi ntitwakwibagirwa ko harimo agace gatoya k’ubumuntu, aho hari bake bagerageje guhisha abahigwaga muri jenoside».

Mukwiye Gaspard, umukozi wa komisiyo y’igihugu yo kurwanya jenoside ushinzwe kuyobora abasura urwibutso rwa Murambi, avuga ko kuba amateka asurwa aha i Murambi ari ayahabereye ndetse hakiyongeraho amafoto agaragaza amateka n’uburyo jenoside yateguwe ikanashyirwa mu bikorwa bikurura abantu benshi bifuza kumenya amateka nyayo kuri jenoside.

Ati : « Runo rwibutso ni rumwe mu nzibutso zisurwa cyane kubera impamvu zitandukanye. Hari ukuba amateka ahari yarahabereye ubwaho, ikindi cya kabiri kikaba ari uko hari amofoto agaragaza amateka n’uburyo jenoside yateguwe, bigakurura umuntu wese ukeneye kumenya amateka n’amakuru kuri jenoside ».

Muganga mukuru w’ibitaro bya Kirinda mu karere ka Karongi avuga ko we n’itsinda bazanye bagiye kurushaho guharanira ko jenoside itazongera kubaho ukundi haba mu Rwanda cyangwa se hanze yarwo, anavuga ko bazarushaho gutanga servisi bashinzwe nk’abakozi bo kwa muganga ndetse no gufasha igihugu muri gahunda z’iterambere hagamijwe kwigira.

Comments (0)

Tags: , , , , ,

Abakomoka muri Nyaruguru barasaba ko ahazimurwa inzibutso hasigara ibimenyetso bifatika

Posted on 05 June 2013 by peter

01Abarokotse jenoside yakorewe abatutsi bo mu karere ka Nyaruguru ariko batuye mu mujyi wa Kigali barasaba ko ahazava inzibutso hazashyirwa ibimenyetso bigaragaza amateka yakorewe aho hantu.

abarokotse bari mu mujyi wa Kigali babitangaje mu gihe leta y’u Rwanda ikomeje igikorwa cyo kugabanya inzibutso z’abazize jenoside mu mwaka w’1994 mu rwego rwo gukora inzibutso nke ariko zizabungwabungwa ku buryo bufatika kuko wasangaga zimwe zagiye zidafatwa uko bikwiye kubera ubushobozi buke.

Aba barokotse jenoside bavuga ko kuba muri aka karere hari ahantu hagiye haba ubwicanyi budasanzwe mu gihe cya jenoside bigatuma hamwe hiciwe abatutsi benshi banahashyingurwa ariko kuri ubu imibiri yabo ikaba iiye kuhimurwa ngo izi nzibutso niziramuka zihimuwe bishobora gutuma amwe mu mateka yahabereye ashobora kwibagirana.

Theodore Simburudari nk’umwe mu bakomoka muri aka karere avuga ko ahantu haguye abantu benshi muri aka karere henshi bagahita banahashyingurwa ngo ni byiza ko haguma inzibutso zigaragara nubwo nta mibiri y’abazize jenoside yaba irimo.

Ati: “ahantu nko muri Nshiri hafite amateka mabi, bahiciye abatusi bari bageze ku mupaka bambuka bahita babatangira babica bose, ahantu nk’aho hagomba kujya urwibutso rugaragara”.

abarokotse basanga kandi hakwiye kubaho uburyo bwo kwandika amateka yabereye muri aka karere by’umwihariko amateka y’interahamwe zishe abantu benshi zizwi cyane.

Bakaba bavuga ko bishoboka ko bakoresha n’ubundi buryo bwo gukora inzira z’inzibutso zigaragaza inzira abahigwaga baciyemo bahunga ndetse n’aho bagiye bicirwa ariko bakoresheje ikarita igaragaza aho hantu. Ubu buryo ngo bukaba ari kimwe mu byafasha gukora inzibutso kandi zidahenze kuburyo zasaba ko leta yatanga amafaranga menshi.

Aba barokotse bakomoka mu karere ka Nyaruguru ariko batuye mu mujyi wa Kigali bakaba baragize n’umwanya wo kwibuka ababo bazize jenoside mu gitambo cya misa bakoreye muri paruwasi ya Sainte Famillle mu mujyi wa Kigali.

Comments (0)

Tags: , , , , , ,

Karongi: Residents request for special Memorial Site

Posted on 24 May 2013 by peter

The 1994 genocide against Tutsis survivors in Mabuga sector in Karongi District need a genocide Memorial Site to be constructed at Mabuga Parish where most Tutsis in the area were massacred.

01

During a walk to remember victims of the 1994 genocide in Mabuga

This idea of constructing a strong and well maintained memorial site was brought out on Sunday the 19th.May.2013 in Mabuga sector during the special commemoration ceremony of Tutsis who were massacred at the Mabuga Parish.

The commemoration ceremony started with a night vigil on Saturday the 18th of May and on Sunday morning a walk to remember was made towards Murangara Memorial Site where wreaths of flowers were laid. Murangara Memorial Site holds most of the genocide victims. The commemoration ceremony coincided with Pentecostal day.

 Among the many Tutsis that were massacred in Mabuga now laid to rest in Murangara Memorial Site include the parents and relatives of Bernard Kayumba the mayor of Karongi district who was also in attendance of this memorial service.

 The guest of honour in this memorial service was Hon. Samuel Musabyimana who was accompanied by other Members of Parliament like Hon. Landrada Umuraza, Hon. Ezechias Rwabuhihi and Hon. Polisi Denis.

Comments (0)

Tags: , , , , , ,

KARONGI: Abacitse ku icumu rya Jenoside bo ku Mubuga bakeneye urwibutso kuri paruwasi ya Mubuga

Posted on 22 May 2013 by peter

KARONGI: Abacitse ku icumu rya Jenoside bo ku Mubuga bakeneye urwibutso kuri paruwasi ya Mubuga

Urugendo rwo kunamira abatutsi bishwe muri jenoside bo ku Mubuga
mu karere ka Karongi

Abacitse ku icumu rya jenoside yakorewe abatutsi mu Rwanda muri Mata 1994 bo mu murenge wa Mubuga, akarere ka Karongi, barasaba ko kuri paruwasi ya Mubuga hakubakwa urwibutso rukomeye kandi rwujuje ibyangombwa, kuko kuri iyo paruwasi ari ho haguye abatutsi benshi.

Icyifuzo cyo kubakrwa urwibutso rukomeye kuri paruwasi ya Mubuga mu karere ka Karongi, cyatanzwe ku cyumweru tariki (19-05-2013) mu murenge wa Mubuga, mu muhango wo kunamira abatutsi bazize Jenoside yabakorewe muri Mata 1994.

 Umuhango wabanjirijwe n’ijoro ryo kwibuka kuwa gatandatu tariki 18-05-2013, bukeye ku cyumweru bakora urugendo bagana ku rwibutso rwa Murangara aho abashyitsi n’abaturage ba Mubuga bashyize indabyo ku mva zibitse imibiri y’abatutsi biciwe kuri paruwasi ya Mubuga. Umuhango wahuriranye n’umunsi wa pentekote.

 Mu batutsi biciwe aho ku Mubuga banashyinguye ku rwibutso rwa Murangara, harimo ababyeyi n’abavandimwe b’umuyobozi w’akarere ka Karongi Kayumba Bernard nawe witabiriye umuhango.

 Umushyitsi mukuru yari Depite Samuel Musabyimana wari uherekejwe n’izindi ntumwa za rubanda mu Nteko Ishingamategeko y’u Rwanda ari bo Umuraza Landrada, Rwabuhihi Ezechias, na Polisi Denis.

 

Comments (0)

Tags: , , , , , , , ,

Urwibutso rwa Gisozi rwatangiye kumurikira abanyarwanda amateka ya Jenoside

Posted on 15 May 2013 by peter

Urwibutso rwa Gisozi rushyinguyemo abazize Jenoside mu mujyi wa Kigali kuva taliki ya 13 Gicurasi,2013 rwatangiye kumurikira abanyarwanda amateka yaranze u Rwanda mu gihe cya Jenoside.

Iki gikorwa cyiswe imurikabikorwa ry’inzira y’amahoro rizamara ibyumweru bitatu mu karere ka Rubavu urubyiruko ruganirizwa amateka yaranze u Rwanda runasura ibikorwa by’uru rwibutso.

Abakozi b’urwibutso rwa Gisozi bakaba batangaza ko bashaka kubaka amahoro bahereye kubibazo u Rwanda rwahuye nabyo, ubuyobozi bw’u rwibutso rwa Gisozi bukaba bwarazanye bimwe mu bikorwa busanzwe bwereka abasuye uru Rwibutso ruri kuGisozi, aho abatarabasha kuhagera bazashobora kwirebera aya amateka.

Mu kigo cya Jeunesse Nouvelle niho hashyizwe inyandiko n’amashusho manini agaragaza uburyo jenoside yateguwe kugeza ishyizwe mu bikorwa, uburyo yateguwe naho u Rwanda rugeze rwubaka icyizere mu banyarwanda nyuma y’imyaka 19 Jenoside ihagaritswe.

Gahongayire Appollon umuyobozi wa gahunda y’uburezi ku rwibutso rwa Gisozi agaragaza ko urubyiruko ruzashobora kuhigira amateka ndetse bikabafasha kugira imibanire myiza. “Amashuri azajya azana abanyeshuri kwigira kumateka yabaye mu Rwanda, bashobore kubyirebera, ndetse nyuma yo kugaragarizwa amateka babahe n’ibiganiro mu matsinda kugirango bumve uruhare rwabo mu kubaka amahoro”.

Naho umunyamabanga nshingwabikorwa wa Komisiyo y’igihugu ishinzwe ubumwe n’ubwiyunge Dr Habyarimana agaragaza ko hari intambwe imaze guterwa mu mibanire y’abanyarwanda nyuma ya Jenoside. “ hari intambwe imaze guterwa n’abanyarwanda mu mahoro n’ubumwe n’ubwiyunge, kandi ibyo bigaragarira buri wese ushingiye ku mibanire, ubumwe bwabo mu gufashanya no komora ibikomere no kugaragarizanya urukundo.”

Akarere ka Rubavu niko gatangiriyemo ibi bikorwa abaturage bagahamagarirwa kubyitabira kugira ngo bishobore kubafasha kumenya amateka yaranze u Rwanda, bakagira n’imigambi bafata mu kwiyubakira ubumwe n’urukundo biyubakira igihugu.

 

 

Comments (0)

Advertise Here