Tag Archive | "Rwanda memmorial"

Tags: , , , , , ,

KARONGI: Abacitse ku icumu rya Jenoside bo ku Mubuga bakeneye urwibutso kuri paruwasi ya Mubuga

Posted on 22 May 2013 by peter

KARONGI: Abacitse ku icumu rya Jenoside bo ku Mubuga bakeneye urwibutso kuri paruwasi ya Mubuga

Urugendo rwo kunamira abatutsi bishwe muri jenoside bo ku Mubuga
mu karere ka Karongi

Abacitse ku icumu rya jenoside yakorewe abatutsi mu Rwanda muri Mata 1994 bo mu murenge wa Mubuga, akarere ka Karongi, barasaba ko kuri paruwasi ya Mubuga hakubakwa urwibutso rukomeye kandi rwujuje ibyangombwa, kuko kuri iyo paruwasi ari ho haguye abatutsi benshi.

Icyifuzo cyo kubakrwa urwibutso rukomeye kuri paruwasi ya Mubuga mu karere ka Karongi, cyatanzwe ku cyumweru tariki (19-05-2013) mu murenge wa Mubuga, mu muhango wo kunamira abatutsi bazize Jenoside yabakorewe muri Mata 1994.

 Umuhango wabanjirijwe n’ijoro ryo kwibuka kuwa gatandatu tariki 18-05-2013, bukeye ku cyumweru bakora urugendo bagana ku rwibutso rwa Murangara aho abashyitsi n’abaturage ba Mubuga bashyize indabyo ku mva zibitse imibiri y’abatutsi biciwe kuri paruwasi ya Mubuga. Umuhango wahuriranye n’umunsi wa pentekote.

 Mu batutsi biciwe aho ku Mubuga banashyinguye ku rwibutso rwa Murangara, harimo ababyeyi n’abavandimwe b’umuyobozi w’akarere ka Karongi Kayumba Bernard nawe witabiriye umuhango.

 Umushyitsi mukuru yari Depite Samuel Musabyimana wari uherekejwe n’izindi ntumwa za rubanda mu Nteko Ishingamategeko y’u Rwanda ari bo Umuraza Landrada, Rwabuhihi Ezechias, na Polisi Denis.

 

Comments (0)

Tags: , , , , , , , ,

Urwibutso rwa Gisozi rwatangiye kumurikira abanyarwanda amateka ya Jenoside

Posted on 15 May 2013 by peter

Urwibutso rwa Gisozi rushyinguyemo abazize Jenoside mu mujyi wa Kigali kuva taliki ya 13 Gicurasi,2013 rwatangiye kumurikira abanyarwanda amateka yaranze u Rwanda mu gihe cya Jenoside.

Iki gikorwa cyiswe imurikabikorwa ry’inzira y’amahoro rizamara ibyumweru bitatu mu karere ka Rubavu urubyiruko ruganirizwa amateka yaranze u Rwanda runasura ibikorwa by’uru rwibutso.

Abakozi b’urwibutso rwa Gisozi bakaba batangaza ko bashaka kubaka amahoro bahereye kubibazo u Rwanda rwahuye nabyo, ubuyobozi bw’u rwibutso rwa Gisozi bukaba bwarazanye bimwe mu bikorwa busanzwe bwereka abasuye uru Rwibutso ruri kuGisozi, aho abatarabasha kuhagera bazashobora kwirebera aya amateka.

Mu kigo cya Jeunesse Nouvelle niho hashyizwe inyandiko n’amashusho manini agaragaza uburyo jenoside yateguwe kugeza ishyizwe mu bikorwa, uburyo yateguwe naho u Rwanda rugeze rwubaka icyizere mu banyarwanda nyuma y’imyaka 19 Jenoside ihagaritswe.

Gahongayire Appollon umuyobozi wa gahunda y’uburezi ku rwibutso rwa Gisozi agaragaza ko urubyiruko ruzashobora kuhigira amateka ndetse bikabafasha kugira imibanire myiza. “Amashuri azajya azana abanyeshuri kwigira kumateka yabaye mu Rwanda, bashobore kubyirebera, ndetse nyuma yo kugaragarizwa amateka babahe n’ibiganiro mu matsinda kugirango bumve uruhare rwabo mu kubaka amahoro”.

Naho umunyamabanga nshingwabikorwa wa Komisiyo y’igihugu ishinzwe ubumwe n’ubwiyunge Dr Habyarimana agaragaza ko hari intambwe imaze guterwa mu mibanire y’abanyarwanda nyuma ya Jenoside. “ hari intambwe imaze guterwa n’abanyarwanda mu mahoro n’ubumwe n’ubwiyunge, kandi ibyo bigaragarira buri wese ushingiye ku mibanire, ubumwe bwabo mu gufashanya no komora ibikomere no kugaragarizanya urukundo.”

Akarere ka Rubavu niko gatangiriyemo ibi bikorwa abaturage bagahamagarirwa kubyitabira kugira ngo bishobore kubafasha kumenya amateka yaranze u Rwanda, bakagira n’imigambi bafata mu kwiyubakira ubumwe n’urukundo biyubakira igihugu.

 

 

Comments (0)

Ruhango: Gusukura inzibutso biri mu bifasha imitima ya bamwe

Tags: , , , , , , ,

Ruhango: Gusukura inzibutso biri mu bifasha imitima ya bamwe

Posted on 12 May 2013 by peter

Ruhango: Gusukura inzibutso biri mu bifasha imitima ya bamweBuri gihe iyo kwibuka abatutsi bazize jenoside mu Rwanda mu mwaka  w’ 1994 byegereje, usanga ahantu hari inzibutso zishyunguwemo imibiri y’abishwe muri jenoside zitabwaho zigasukurwa zikongera gushyirwaho indabo, n’ibindi.

Uku gusukurwa kw’izi nzibutso, abarakotse jenoside yakorewe abatutsi, ngo babifata nk’ibikorwa bikomeye byo gusubiza agaciro abishwe muri jenoside, ibi bigatuma imitima yabo idakomeza guheranwa n’agahinda.

Ibrahim Ndori n’umwe mu barokotse jenoside yakorewe abatutsi mu mwaka 1994 mu karere ka Ruhango, avuga ko buri gihe iyo kwibuka bigeze bakabona abantu batandukanye bashishikajwe no guha agaciro ababo batunganya ahashyinguye imibiri yabo, bumva bagaruye icyizere ndetse guheranwa n’agahinda bigahagarara.

Bamwe mu bakunze kugaragara mu bikorwa byo gusukuru inzibutso, ubonamo umuryango mpuzamahanga utabara imbabare croix rouge, abanyeshuri, abayobozi, n’abandi.

Umyobozi w’akarere ka Ruhango wungirije ushinzwe imibereho myiza y’abaturage Mugeni Jolie Germaine, avuga ko nk’ubuyobozi nabwo buba bushishikajwe no guharanira icyatuma ababuze ababo badakomeza guheranwa n’agahinda, bakagerageza kubaba hafi bishoboka.

 

 

 

 

Comments (0)

Abafatanyabikorwa bo mu murenge wa Muhoza mu karere ka Musanze basuye urwibutso rwa Nyarubuye

Tags: , , , , , , , ,

Abafatanyabikorwa bo mu murenge wa Muhoza mu karere ka Musanze basuye urwibutso rwa Nyarubuye

Posted on 16 April 2013 by peter

Kuri uyu wa 10/04/2013 abafatanyabikorwa 69  mu iterambere (JADF) bo mu murenge wa Muhoza ho mu karere ka Musanze mu ntara y’amajyaruguru basuye urwibutso rwa Jenoside yakorewe abatutsi rwa Nyarubuye ruherereye mu murenge wa Nyarubuye ho mu karere ka Kirehe mu ntara y’iburasirazuba.

Gahunda aba bafatanyabikorwa bo murenge wa Muhoza ho mu karere ka Musanze (JADF) bihaye yo kuza gusura urwibutso rwa Nyarubuye ngo ni uko bumvaga ko uru rwibutso rufite amateka yihariye kandi nkuko babibwiwe bakaba babyiboneye,aba bafatanyabikorwa b’umurenge wa Muhoza bavuga ko ibyo biboneye bibarenze aho bavuga ko batari barigeze babona aho ibimenyetso babonye biri ku zindi nzibutso.

Ruhanamirindi Samir, umuyobozi waje ayoboye abasuye uwributso rwa Nyarubuye avuga ko ibyo Abafatanyabikorwa bo mu murenge wa Muhoza mu karere ka Musanze basuye urwibutso rwa Nyarubuyebabonye birenze ubwenge bwabo,akaba avuga ko baje gusura uru rwibutso nk’abafatanyabikoerwa nk’ imwe mu ngamba bihaye zo gukumira Jenoside bakaba bahigira amateka azabafasha kwigisha abandi babana mu murenge iwabo, avuga ko bahakuye ubuhamya bukomeye cyane kandi ngo ko ibyo babonye ari agahomeramunwa,  avuga ko bamaze kugenda basura inzibutso zitandukanye mu rwego rwo kuhigira amateka, ubutumwa bakurayo babugeza ku batuye umurenge wa Muhoza.

Rwakayigamba Ferdinad ni umwe mu barokokeye mu murenge wa Nyarubuye, yatanze ubuhamya bw’uko Jenoside yakorewe abatutsi yabaye muri uyu murenge,akaba avuga ko ubwicanyi muri uyu murenge by’umwihariko kuri uru rwibutso abantu bahahungiye kubera hari mu bapadiri bagira ngo interahamwe ziratinya kuhabicira nyamara birarenga abahahungiye bose baricwa.

Ku rwibutso rwa Nyarubuye hashyinguye imibiri yabazize Jenoside ibihumbi bigera kuri 51, abenshi bakaba bariciwe kuri iyi paruwasi ya Nyarubuye mu gihe bari bahahungiye, uyu murenge wa Musanze ukaba washyize kuri uru rwibutso amafaranga ibihumbi 100 yo kuba yafasha mu bikorwa bitandukanye kuri uru rwibutso.

 

 

Comments (0)

Ibice by’imbere mu rwibutso bizatunganywa bishyirwemo amakaro hirindwa ikibazo cy’ubukonje

Tags: , , , , , , ,

Nyabihu: Umuyobozi wa IBUKA arasaba akarere ko mu igenamigambi kazakora kajya kibuka n’urwibutso kugira ngo Phase ya 2 yarwo izubakwe

Posted on 16 April 2013 by peter

 Bimwe mu bibazo urwibutso rwa Mukamira ari narwo rw’akarere ka Nyabihu rufite, harimo kuba rutararangira kubakwa ndetse n’ikibazo cy’ubukonje bugaragara imbere muri rwo butuma amarangi yomoka.

Nyabihu: Umuyobozi wa IBUKA arasaba akarere ko mu igenamigambi kazakora Kuri ibi bibazo twegereye uhagarariye IBUKA mu karere ka Nyabihu  Juru Anastase,adutangariza avuga ko ikibazo kijyanye n’ubukonje butuma amarangi yomoka imbere ku nkuta zo mu rwibutso, kizweho n’akarere kikaba kirimo gushakirwa igisubizo mu bihe bya vuba.

Yongeraho ko kugeza ubu amasoko yatanzwe kandi ko hari amafaranga akarere kashatse agera kuri miliyoni 2 n’igice azafasha mu gushyira amakaro ku nkuta z’uru rwibutso. Ba rwiyemezamirimo bakaba baranarusuye ngo bapiganwe,isoko rikaba ryaratanzwe, uzatsindira isoko akaba azahita akora urwo rwibutso,ikibazo cy’imbere muri rwo cy’ubukonje kigakemuka.

Ibice by’imbere mu rwibutso bizatunganywa bishyirwemo amakaro hirindwa ikibazo cy’ubukonjeUretse ikibazo cy’ubukonje,haracyari n’ikibazo cyo kurangiza igice cya kabiri cy’uru rwibutso”phase 2” nk’uko Juru abivuga.  Juru yongeraho ko abari bemeye gutera inkunga mu iyubakwa ry’uru rwibutso ngo rurangire kuri miliyoni 60 zari zisigaye,bitashobotse bitewe n’uko nta mikoro nk’uko babibatangarije.

Ni muri urwo rwego, asaba akarere,mu igenamigambi kajya kagira mu bizakorwa,ko bazibuka bakajya  bashyiramo n’uru rwibutso rwa Mukamira kugira ngo ruzarangire kubakwa nk’uko Juru abigarukaho.

Urwibutso rw’akarere ka Nyabihu rukaba rwubatse mu murenge wa Mukamira ari nawo akarere kubatsemo. Rukaba rugizwe n’igice cyo hasi”cave”,ari nacyo kigaragaramo ikibazo cy’ubukonje, igice cya kabiri cyarwo  kikaba ari icyo  hejuru kitari cyubakwa kugeza ubu ari nayo phase ya kabiri yarwo igomba kuzubakwa.

Kugeza ubu nyuma yo gushyingura mu cyubahiro imibiri 35 y’Abazize Jenoside yakorewe Abatutsi ,igikorwa cyakozwe kuri uyu wa 12 Mata ,uru rwibutso rukaba rushyinguyemo imibiri igera ku 2055.

 

 

Comments (0)

KARONGI: Kirindi genocide survivors ask for memorial site near R.Nyabarongo

Tags: , , , , , , ,

KARONGI: Kirindi genocide survivors ask for memorial site near R.Nyabarongo

Posted on 16 April 2013 by peter

KARONGI: Kirindi genocide survivors ask for memorial site near R.Nyabarongo

Kirindi memorial site with about 10 bodies of people killed in the genocide

While concluding the commemoration period of the 1994 genocide against the Tutsi at Kirindi memorial site, genocide survivors in Kirindi, Shyembe cell, Murambi sector Karongi district requested for a memorial site for their people thrown in R.Nyabarongo during the genocide.

This place faced many killings but because people were thrown into the river, the memorial site has about 10 bodies only.

KARONGI: Kirindi genocide survivors ask for memorial site near R.NyabarongoAbout 99% of the people were killed from near this place and therefore this is why the survivors requested the government to put a memorial site at least near the river that took their people.

Many of the people were thrown in the river after being killed but there are some who were thrown there still alive, and were killed with stone.

This ceremony was graced by many different people who included MP Samuel Musabyimana who was the guest of honor, MP Ezechias Rwabuhihi from Karongi,the vice mayor in charge of economic development Sebastein Hakizimana,different official from the army among others.

However because of the spoilt bridge at Nyabarongo people were not able to take flowers to the River to commemorate the genocide victims.

The wreaths were laid on the memorial site at the hospital were people were called upon to support genocide survivors especially during the commemoration period.

 

 

Comments (0)

KARONGI: Abacitse ku icumu rya jenoside b’i Kirinda bakeneye urwibutso rw’ababo bajugunywe muri Nyabarongo

Tags: , , , , , , ,

KARONGI: Abacitse ku icumu rya jenoside b’i Kirinda bakeneye urwibutso rw’ababo bajugunywe muri Nyabarongo

Posted on 16 April 2013 by peter

KARONGI: Abacitse ku icumu rya jenoside b’i Kirinda bakeneye urwibutso rw’ababo bajugunywe muri NyabarongoAbacitse ku icumu rya jenoside yakorewe abatutsi muri Mata 1994 b’i Kirinda, ho mu kagari ka Shyembe, umurenge wa Murambi mu karere ka Karongi,  baraga ko bifuza urwibutso mu izina ry’ababo bakajugunywe mu mugezi wa Nyabarongo.

Icyi kifuzo, abacitse ku icumu b’i Kirinda bagitanze mu muhango wo gusoza icyunamo ku rwego rw’akarere ka Karongi, umuhango wabereye ku rwibutso rwa jenoside ruri ku bitaro bya Kirinda.

I Kirinda ni hamwe mu hantu hakorewe ubwicanyi burenze ubwenge bwa muntu dore ko ari abakozi b’ibitaro, abarwayi, abana n’ababyeyi nta n’umwe wagiriwe impuhwe. Haguye abantu barenga ijana ariko ku rwibutso rwa Kirinda ruri imbere y’ibitaro hashyinguye abantu batarenze icumi, nubwo hubatse imva rusange z’ikimenyetso.

Hafi 99% by’abishwe bose bajugunywe muri Nyabarongo nk’uko byasobanuwe mu buhamya bw’umwe mu nkirirahato z’aho i Kirinda. Bavuze ko byibuze bakumva baruhutseho gato leta ibafashije bakubakirwa urwibutso hafi y’uruzi rwa Nyabarongo, rwatwaye ababo batagira ingano.

Hari abajugunywemo bamaze kwicwa, hari abemeye kwiroha mu ruzi banga kwicwa nabi, abandi batawemo ari bazima bagerageza koga ngo bakize amagara, abicanyi bari i musozi bakabatera amabuye kugeza igihe bacitse intege uruzi rukabatwara.

Umuhango wo kunamira izo nzirakarengane witabiriwe n’abayobozi banyuranye barimo Depite Musabyimana Samuel wari umushyitsi mukuru, Depite Rwabuhihi Ezechias ukomoka muri Karongi, umuyobozi w’akarere wungirije ushinzwe ubukungu n’iterambere mu karere ka Karongi Hakizimana Sebastien, abahagarariye ingabo na police muri Karongi na gifitu w’umurenge wa Murambi Niyihaba Thomas.

KARONGI: Abacitse ku icumu rya jenoside b’i Kirinda bakeneye urwibutso rw’ababo bajugunywe muri Nyabarongo Byari biteganyijwe ko abayobozi bajya gushyira indabo muri Nyabarongo mu rwego rwo kunamira abaroshywemo, ariko ntibyashobotse kubera ko ikiraro bari kunyuraho cyangijwe n’imvura imaze iminsi igwa henshi mu gihugu.

Indabo zashyizwe ku rwibutso rwo ku bitaro by’i Kirinda, ahavugiwe amajambo yo kwamagana jenoside, no guhamagarira abanyarwanda gushyigikira abacitse ku icumu kugira ngo intego u Rwanda rwiyemeje igerweho, ari yo kwibuka duharanira kwigira.

Umuwe mu bacitse ku icumu ba Kirinda yatanze urugero rw’ukuntu iyo ntego we yamaze kuyigeraho kera, kuko amaze gutera imbere mu butunzi bw’inka kandi yanoroje abantu 30 batishoboye barimo n’abataracitse ku icumu.

 

 

Comments (0)

Muhanga Abatuye umusozi wari uzwiho gutwikira Abatutsi kuva 1959 bawubatesho urwibutso

Tags: , , , , , , , , , , , , , ,

Rwanda | Muhanga: Abatuye umusozi wari uzwiho gutwikira Abatutsi kuva 1959 bawubatesho urwibutso

Posted on 27 June 2012 by peter

Muhanga  Abatuye umusozi wari uzwiho gutwikira Abatutsi kuva 1959 bawubatesho urwibutso

Abaturage bo mu murenge wa Nyarusange mu karere ka Muhanga mu ntara y’Amajyepfo bamaze kwiyuzuriza urwibutso rw’abazize jenoside yakorewe Abatutsi kuva mu mwaka w’1959 kugeza mu mwaka 1994.

Abasaza n’abacekuru batuye ku musozi witwa Mwotsi bavuga ko wahawe iri zina kubera amateka uzwiho mu Rwanda yo gutwikira, kumenesha ndetse no kwica abatutsi bari bawutuyeho kuva mu mwaka w’1959 kugeza mu mwaka w’1994. Mbere y’uko urangwa n’aya mateka witwaga Mwaka.

Abazi amateka y’uyu musozi ndetse bavuga ko bayahagazeho bemeza ko uyu musozi wanakoreweho ibikorwa by’iyica rubozo abatutsi kuko abari bawutuyeho batangiye kujugunywa mu mugezi wa Nyabarongo kuva kera.

Salongo Kabayiza umusaza watuye kuri uyu musozi kuva mbere y’umwaka w’1959 avuga ko byari bibabaje ko nta rwibutso rwabaga aha kuko ari ahantu haranze amateka mabi cyane.

Salongo ati: “ibyabereye kuri uyu musozi; byaba ari ukudutwikira cyangwa kutwuhira nyabarongo si amateka numvise njye nabihagazeho kuko byambayeho mu myaka ya kera ndetse no mu 1994, byari bibabaje rero kubona tutagira urwibutso ngo twibuke abacu ndetse n’ibyo twabayemo”.

Mu gihe ahandi hatari hake mu Rwanda, usanga leta ariyo yubaka inzibutso za jenoside, muri uyu murenge wa Byarusange siko biri kuko abaturage ubwabo aribo bagize uruhare runini mu kurwubaka.

Aha Umunyamabanga Nshingwabikorwa w’umurenge wa Nyarusange Uwamariya Beatrice avuga ko miliyoni zigera kuri 14 z’amafaranga y’u Rwanda zaturutse mu mikoro y’abaturage kuko buri wese mu murenge yigomwe amafaranga 1000 kugirango agere kuri izi miliyoni.

Nyuma yabwo nabwo bakaba barakomeje n’ibikorwa by’umuganda mu rwego rwo kurwiyubakira badategereje inkunga izava hanze. Ibi bikorwa by’amaboko y’abaturage nabyo bikaba byarabariwe miliyoni 12 mu gihe inkunga babonye ingana na miliyoni umunani bahawe n’akarere ka Muhanga.

Nyamara n’ubwo uru rwibutso bigaragara ko rwuzuye, abaturage bo cyane cyane abarokotse jenoside yakorewe Abatutsi ndetse n’ubuyobozi bwa Nyarusange basanga bidahagije kuko hagikenewe kubaka ahazajya hamurikirwa amateka cyane ko uyu musozi ufite amateka mabi kuva ku gihe cy’abakoloni.

Depite Rwigema Gonzague nawe uvuka muri uyu murenge avuga ko bikwiye ko hajyaho uburyo bwo gushakisha ahantu hose haba harajugumywe imibiri y’abatutsi bishwe kuva mu mwa w’1959, mu myaka yakurikiye uyu ndetse no mu mwaka w’1994. Ibi akaba abivugira ko ngo kuva muri iyo myaka yose aba batutsi bajugunywaga mu byobo.

Imirimo yo kubaka uru rwibutso yatangiye ku ya 13 Mata 2011. Uru rwibutso rushinguyemo imibiri 825 yavuye mu mirenge ya Nyarusange ari naho rwubatse, Mushishiro, Muhanga, Nyamabuye na Mwendo wo mu karere ka Ruhango. Rufite ubushobozi bwo kwakira   imibiri 1200.

   

 

 

Comments (0)

Advertise Here