Tag Archive | "Rwanda Nyanza"

Nyanza: Abagize AERG- INILAK basuye ibimenyetso bya Jenoside by’urwibutso rwa Murambi

Tags: , , , , , , , , ,

Nyanza: Abagize AERG- INILAK basuye ibimenyetso bya Jenoside by’urwibutso rwa Murambi

Posted on 01 July 2014 by peter

Nyanza: Abagize AERG- INILAK basuye ibimenyetso bya Jenoside by’urwibutso rwa Murambi

Urubyiruko rw’abasore n’inkumi rugize umuryango w’abanyeshuli barokotse Jenoside yakorewe abatutsi muri Mata 1994 (AERG) biga mu ishuli rikuru rya INILAK, ishami rya Nyanza basuye ibimenyetso bya jenoside bigaragarira ku rwibutso rwayo ruri mu karere ka Nyamagabe kuri iki cyumweru tariki 29/06/2014   .

Nyanza: Abagize AERG- INILAK basuye ibimenyetso bya Jenoside by’urwibutso rwa Murambi

Bamwe mu bagize AERG INILAK Nyanza basuye urwibutso rwa jenoside rwa Murambi

Kuri uru rwibutso rwa Jenoside rwa Murambi hari ibimenyetso byayo byihariye kuko bimwe bishingiye ku miterere yaho ibindi bikaba bijyanye no kuba ariho abatutsi bari bahahungishirijwe biciwe muri Mata 1994 mu Rwanda.

Mukwiye Gaspard umukozi w’uru rwibutso rwa Murambi ushinzwe gusobanura  amateka yaho avuga ko haguye abatutsi barenga ibihumbi 50 barimo abana, abagabo n’abagore ndetse n’abandi bari bageze mu myaka y’izabukuru.

Nyanza: Abagize AERG- INILAK basuye ibimenyetso bya Jenoside by’urwibutso rwa Murambi

Umuhuzabikorwa wa AERG INILAK Nyanza Bwana Munyaneza Jean Bosco yandika mu gitabo cy’abashyitsi basuye urwibutso rwa jenoside rwa Murambi

Uru rwibutso rwa jenoside rwa Murambi rukikijwe n’imisozi ndetse hari n’ikigo cy’imyuga abatutsi babeshwe ko bahahungishirijwe mu guhe bwari uburyo bwari bwateguwe n’abicanyi kugira ngo babone uburyo babicira hamwe babatangatanze.

Nk’uko uyu Mukwiye Gaspard akomeza abisobanura ngo mu minsi mike yari ishize bahahungishirijwe bahise babagabaho igitero tariki 19/04/2014 ariko birangira birwanyeho intego yabo ntiyahita igerwaho ngo bicirwe rimwe.

Muri iyo minsi nibwo babakupiye amazi bakoreshaga muri icyo kigo cy’amashuli y’imyuga cya Murambi maze bamwe batangira kwicwa n’inyota  n’inzara kugeza ubwo tariki 21/04/2014 bongeye kubagabaho igitero simusiga cyaje cyitwaje imbunda ndetse n’ibikoresho bya gakondo birimo imihoro, amacumu n’impiri byo kubicisha.

Kuri uru rwibutso rwa Jenoside rwa Murambi hanagaragarira ibimenyetso byerekana uruhare rw’ingabo z’abafaransa ndetse n’imibiri y’abatutsi ikibasha kugaragaza uburyo bishwemo nyuma y’imyaka 20 ishize jenoside yakorewe abatutsi mu Rwanda irangiye.

Nyuma yo kwihera amaso amateka ya jenoside yakorewe abatutsi i Murambi ndetse na bimwe mu bimenyetso biyigaragaza ku buryo budashidikanwaho abanyeshuli bibumbiye muri AERG INILAK ishami rya Nyanza bafashe icyemezo cyo kurwanya jenoside ndetse n’ingabitekerezo yayo.

Nyinawumuntu Janet ni umwe muri aba banyeshuli basuye urwibutso rwa jenoside rwa Murambi akimara kurusura yavuze ko atewe intimba n’agahinda no kubona urupfu abatutsi bari aho i Murambi bishwemo. Yagize ati: “Isomo mvanye aha ni uguharanira ko Jenoside n’ingengabitekerezo yayo tubirwanya”

Nyanza: Abagize AERG- INILAK basuye ibimenyetso bya Jenoside by’urwibutso rwa Murambi

Bimwe mu byumba byasuwe bibitsemo imibiri y’inzirakarengane zishwe muri jenoside yakorewe abatutsi

Umuhuzabikorwa wa AERG INILAK Nyanza, Munyaneza Jean Bosco yabwiye Kigali Today ko imwe mu mpamvu yatumye basura urwibutso rwa jenoside rwa Murambi ariko abenshi muri bo jenoside yabaye bakiri bato.

Ati: “Ubu nibwo buryo bwiza twabonye bwo kugira ngo twiyungure ubumenyi ku birebana n’amateka ashingiye ku bimenyetso bya jenoside yakorewe abatutsi mu Rwanda.”

Yakomeje avuga ko kimwe n’abagenzi be bazanye gusura urwibutso rwa jenoside rwa Murambi bagiye gukomeza kuba umusemburo mu bandi bakarwanya uwakongera gusubiza u Rwanda mu icuraburindi  rya jenoside.

Urwibutso rwa jenoside rwa Murambi ruri mu karere ka Nyamagabe ruri mu nzibutso z’u Rwanda zisurwa n’abantu benshi biganjemo abanyarwanda ndetse n’abanyamahanga baba baturutse hirya no hino ku isi baje kureba ukuri gushingiye ku bimenyetso bya jenoside yakorewe abatutsi mu Rwanda.

Comments (0)

Nyanza: Mu muganda hakozwe imyiteguro yo kwimura imibiri y’abazize Jenoside

Tags: , , , , , , , , , ,

Nyanza: Mu muganda hakozwe imyiteguro yo kwimura imibiri y’abazize Jenoside

Posted on 29 April 2014 by peter

Mu gikorwa cy’umuganda rusange wakozwe kuri uyu wa gatandatu tariki 26/04/2014 ku rwego rw’akarere ka Nyanza ukaba wabereye mu kagali ka Rwesero mu murenge wa Busasamana wibanze ku gikorwa cy’imyiteguro yo gukora isuku ku rwibutso rushya rw’akarere ruzimurirwamo imibiri y’abazize jenoside yakorewe abatutsi muri Mata 1994 yari ishyinguye mu buryo butari ubw’icyubahiro.

Nyanza: Mu muganda hakozwe imyiteguro yo kwimura imibiri y’abazize Jenoside

Abaturage n’abayobozi mu gikorwa cy’umuganda wabaye kuri uyu wa gatandatu tariki 26/04/2014 mu karere ka Nyanza

Ibikorwa by’umuganda byakozwe kuri uru rwibutso byibanze ahanini kurusukura batunganya ubusitani bwarwo kugira ngo tariki 3/05/2014 imibiri y’abazize jenoside yakorewe abatutsi niyimurwa ruzabe rufite isuku mu bice bitandukanye byarwo birugize.

Nyanza: Mu muganda hakozwe imyiteguro yo kwimura imibiri y’abazize Jenoside

Uru rwibutso rushya rw’abazize jenoside yakorewe abatutsi mu karere ka Nyanza rwuzuye rutwaye hafi miliyoni 300 y’u RwandaNyanza: Mu muganda hakozwe imyiteguro yo kwimura imibiri y’abazize Jenoside

Mu gihe hasigaye iminsi mike ngo iyi mibiri yimurirwe muri uru rwibutso hari ibikorwa bigisigaye kurukorwaho nko gukoropa n’ibindi nk’uko abashinzwe imyubakire y’uru rwibutso rushya rw’abazize jenoside yakorewe abatutsi mu karere ka Nyanza babitangaje.

Murenzi Abdallah, umuyobozi w’akarere ka Nyanza nawe wabonetse muri iki gikorwa cy’umuganda yashimye uko iyi myiteguro y’isuku yakozwe kuri uru rwibutso yagenze.

Yamenyesheje abaturage ko imibiri izimurirwa muri uru rwibutso yagiye ivanwa hirya no hino mu karere ka Nyanza mu nzibutso yari ishyinguyemo mu buryo bw’agateganyo.

Iki gikorwa cy’uyu muganda wo gutunganya uru rwibutso rw’abazize jenoside rushya rwujujwe mu karere ka Nyanza cyashimwe n’abaturage bavuga ko cyari ngombwa mu gihe harimo kwitegurwa gushyingurwa mu cyubahiro imibiri y’abazize jenoside yakorewe abatutsi muri Mata 1994.

Abafite ababo bazimurirwa muri urwo rwibutso nabo bashimye ko akarere ka Nyanza kabonye urwibutso rwiza kandi runini ruzakusanyirizwamo imibiri igihe iri hirya no hino muri aka karere idashyinguwe mu buryo bw’icyubahiro.

Urwibutso rushya rw’akarere ka nyanza ruzashyingurwamo imibiri ibihumbi 60 yimuwe aho yari ishyinguye muburyo butari bwiza.

Comments (0)

Tags: , , , , , ,

Abanyanigeriya basanga igihugu cyabo cyakwigira ku Rwanda mu gusigasira amateka ashingiye ku muco

Posted on 08 November 2013 by peter

Abanyanigeriya 66 bakora mu rwego rw’ubutabera bari mu Rwanda kuva mu cyumweru gishize tariki 6/11/2013,basuye Ingoro y’Umwami Mutara wa III Rudahigwa iri ahitwa mu Rukali mu karere ka Nyanza nyuma batangaza ko  basanga igihugu cyabo cyafatira isomo ryiza ku Rwanda mu birebana no gusigasira amateka ashingiye ku muco.

Ibi byatangajwe na Hon. Ayotunde Phillips wari ubayoboye muri urwo ruzinduko ariko ubusanzwe akaba ari perezida w’Urukiko Rukuru i Lagos mu murwa mukuru w’igihugu cya Nigeriya.

Nyuma y’uko itsinda ryabo banyanigeriya ryari rimaze gusura ibice bitandukanye by’ingoro yo mu Rukari kandi ari nako banasobanurirwa amateka y’abami bategetsi u Rwanda rwo hambere batangajwe no kubona buri kimwe cyose kijyanye n’amateka ashingiye ku muco w’abanyarwanda bihaboneka ngo bitandukanye n’uko iwabo muri Nigeriya bimeze.

Mu bice byose bigize iyi ngoro yo mu Rukali babitambagijwemo berekwa aho inzoga n’amata byaterekwaga kimwe naho Umwami n’umugabekazi we babaga bishimira uburyo ayo mateka yose asigasiwemo. Perezida w’urukiko Rukuru rwa Nigeriya Hon. Ayotunde Phillips ubwo yagiraga icyo avuga kuri urwo rugendo bakoze bagasura ingoro yo mu Rukali.

Yabivuze muri ubu buryo agira ati: “ Nyuma yo gusura iyi Ngoro ndangamateka njye n’abagenzi banjye biradushimishije cyane ku buryo twasanze mu gihugu cyacu byanatubera isomo rishingiye ku byo twabonye n’ibyo twiyumviye”.

m_Abanyanigeriya basanga igihugu cyabo cyakwigira ku Rwanda mu gusigasira amateka ashingiye ku muco

Bamwe mu banyanigeriya basuye Ingoro yo mu Rukali

Agereranya inzu ndangamateka zo muri Nigeriya ndetse n’iyo Ngoro yo mu Rukali basuye yavuze ko zitari ku rwego rwumwe. Ati: “Mu ngoro Ndangamateka z’iwacu usanga zivuga amateka mu buryo butuzuye ariko hano haragaragazwa ishusho y’amateka y’abami bo hambere, hakerekanwa ahari uburiri bwabo aho banyweraga ndetse n’ibindi byagiye bibaranga mu bihe bitandukanye”

Nk’uko yakomeje abisobanura ngo u Rwanda rwabera umwarimu mwiza igihugu cya Nigeriya mu birebana n’uburyo bwo kwita ku ngoro ndangamurage ndetse no gusigasira muri rusange ibimenyetso biziranga.

m_Abanyanigeriya basanga igihugu cyabo cyakwigira ku Rwanda mu gusigasira amateka ashingiye ku muco1

Abanyanigeriya hamwe n’umukozi w’ingoro z’umurage w’u Rwanda wambaye ibishura bitukura

Umuliisa Alphonse umuyobozi mukuru w’Ingoro z’Umurage w’u Rwanda yishimiye ko abanyamahanga bazisura bishimira cyane amateka ashingiye ku muco w’abanyarwanda babwirwa ndetse n’ibimenyetso byawo by’umwimerere bashobora kwibonera n’amaso yabo.

Ngo kuba abaza bose gusura bagenda bashimagiza ibyo babonye n’ubusobanuro bahawe ni ikimenyesto cy’uko baba banyuzwe kandi bagize isomo bakura ku Rwanda mu birebana n’umuco ubaranga urimo kugira isuku, ikinyabufura n’izindi ngandagaciro nziza batozwa kugira.

Ingoro yo mu Rukali yaherukaga gusurwa n’abantu benshi b’abanyamahanga tariki 23/10/2013 ubwo  abagize umuryango w’ibihugu bya Commonwealth bikoresha ururimi rw’icyongereza nabo bayigendereraga bashaka kumenya amwe mu mateka y’ingenzi ashingiye ku muco w’abanyarwanda.

Comments (0)

Nyanza: Nyanza hospital workers visit Murambi memorial centre

Tags: , , ,

Nyanza: Nyanza hospital workers visit Murambi memorial centre

Posted on 22 March 2013 by peter

Nyanza: Nyanza hospital workers visit Murambi memorial centre

While Rwanda prepares for the 19th genocide commemoration, workers at Nyanza district hospital on March 15th 2013 visited Murambi memorial centre in Nyamagabe district in Southern Province.

The hospital staff that visited the memorial and contributed say their intention was to better understand how 1994 Tutsi genocide was done leaving the undoubted marks.

After explanations on the genocide, they took a moment to remember between 40 and 50 victims that lost their lives in Murambi sector.

Gertrude Mukakarisa who gave visitors the tour explaining on the history of genocide happened in Murambi  

Gertrude Mukakarisa explains that on the fateful night of March 21st 1994, killers came with pangas and guns and killed people who had been surviving without food and drinks for two weeks.

Nyanza district hospital workers at Murambi memorial

Gertrude Mukakarisa blamed French soldiers for training the killers and providing them with weapons to kill Rwandans who had taken refuge in that place thinking it was safe.

After visiting 24 rooms of genocide victims, Dr Jean Sauveur Uwitonze, Director of Nyanza hospital wrote in the visitor’s book saying: “Lets always remember our dead and restore their respect they lost”.

Dr. Uwitonze, on behalf of the staff gave out Rwf200, 000 cheque to the management of Murambi memorial centre.

Asked on the lesson she learnt from this site, Placidie Mutesi, human resource manager at Nyanza district hospital told the reporter that every Rwandese should strive for genocide never to happen again.

Comments (0)

Tags: , , , , , , , ,

Abakozi b’ibitaro by’akarere ka Nyanza basuye urwibutso rwa jenoside rwa Murambi banarutera inkunga

Posted on 17 March 2013 by peter

 

 

 

Mu gihe mu Rwanda harimo kwitegurwa kwibuka ku nshuro ya 19 jenoside yakorewe abatutsi muri Mata 1994, tariki 15/03/2013 abakozi b’ibitaro by’akarere ka Nyanza basuye urwibutso rwa jenoside rwa Murambi ruri mu karere ka  Nyamagabe mu Ntara y’amajyepfo basiga banaruteye inkunga.

Abakozi b’ibitaro by’akarere ka Nyanza basuye urwibutso rwa jenoside rwa Murambi banarutera inkunga

Dr Jean Sauveur Uwitonze atera inkunga urwibutso rwa Jenoside rwa Murambi

Aba bakozi b’ibitaro by’akarere ka Nyanza bari biganjemo abakora muri servisi z’ubuvuzi bw’abantu bavuga ko basuye urwo rwibutso bafite intego yo kurushaho gusobanukirwa neza uko jenoside yakorewe abatutsi mu Rwanda yagenze bashingiye ku bimenyetso byayo yasize bikaba biyigaragaza mu buryo budashindikanwaho.

Abakozi b’ibitaro by’akarere ka Nyanza basuye urwibutso rwa jenoside rwa Murambi banarutera inkunga

Abakozi b’ibitaro by’akarere ka Nyanza bari banitwaje indabo zo kunamira inzirakarengane zazize jenoside

Nyuma yo guhabwa ikaze no gusobanurirwa uko jenoside yakorewe abatutsi muri Mata 1994 aho I Murambi yagenze bafashe umunota wo kwibuka inzirakarengane zahaguye zibarirwa hagati y’ibihumbi 40 na 50 ariko  bose ntibabashije kuboneka ngo bashyingurwe mu cyubahiro.

 Uyu niwe wabafashije kumva uko jenoside yakorewe abatutsi I Murambi yakozwe 

Mukakarisa Gertrude watanze ibisobanura by’amateka ya Jenoside aho i Murambi yavuze ko abahiciwe bagiye bagabwaho ibitero bitandukanye ariko ubumwe bari bafite bukabaranga rimwe na rimwe bakabizubizayo.

Ati: “ Mu ijoro ryo ku itariki ya 21/04/1994 nibwo interahamwe zaje ari simusiga kandi zitwaje intwaro za gakondo n’iz’amasasu maze zibagotera hagati batakibashije kwitabara kuko bari bamaze ibyumweru bibiri barimwe amazi n’ibyo kunywa”

Muri ibyo bisobanuro yatunze agatoki ingabo z’abafaransa avuga ko arizo zahaye imyitozo n’imbunda interahamwe zo muri ako gace kugira ngo zibashe gukorera jenoside abatutsi bari bahahungiye kandi bahizeye umutekano  nyamara bagambaniwe batabizi.

Nyuma yo gusura ibyumba 24 bibitsemo imibiri y’izo nzirakarengane zazize jenoside yakorewe abatutsi muri Mata 1994 aho i Murambi Dr Uwitonze Jean Sauveur umuyobozi w’ibitaro by’akarere ka Nyanza mu gahinda kenshi yanditse mu gitabo cy’abashyitsi bahasuye.

Amagambo yanditse muri icyo gitabo agira ati: “ Tujye twibuka abacu bazize jenoside yakorewe abatutsi tubahe agaciro tubasubize icyubahiro bambuwe”

Mu mwanya wakurikiyeho yahise akura mu ikote rye yari yambaye sheki y’ibihumbi 200 by’amafaranga y’u Rwanda ayishyikiriza urwibutso rwa Murambi mu izina rya bagenzi be bakorana bari kumwe.

Mutesi Placidie ushinzwe abakozi n’umutungo w’ibitaro by’akarere ka Nyanza wari ifite  umubabaro yatewe n’ibyo yabonye ku rwibutso rwa jenoside rwa Murambi abajijwe icyo urwo ruzinduko rwamusigiye yihaganye abwira itangazamakuru rinyuranye ryari rihari ko  buri wese agomba guharanira ko jenoside itasubira kubaho ukundi kuri iyi si dutuye.

 

Comments (0)

Rhenanie –Palatinat Province representatives learning the history about the former king

Tags: , , , , , ,

Delegates from Germany pay visit to Rwanda

Posted on 14 February 2013 by peter

On Monday 10th.Feb.2013, delegates from Rhenanie –Palatinat Province in Germany paid a visit the house of former king of Rwanda Mutara III Rudahigwa as a way of finding out the real life experiences of the former Rwandan king and the culture that existed then.

Reiner Meutsch signing visitors’ books

Reiner Meutsch signing visitors’ books 

Different parts of the former king’s house were visited including the king’s bedroom chambers and where he would eat. After visiting different parts of the former king’s palace locally known as Rukali, the of Rhenanie –Palatinat Province delegates to Rwanda were happy for the visit and got to know about Rwandan history since most of them were in Rwanda for the first time.

Rhenanie –Palatinat Province representatives learning the history about the  former king

Rhenanie –Palatinat Province representatives learning the history about the former king

Reiner Meutsch who led the team of representatives signed in the visitors’ book expressing the excitement they got from the visit they made to the former King’s palace (Rukali) and learning great history from this place.

“We’re glad for this visit and the warm welcome accorded to us by Rwandans” he wrote.

The delegates of Rhenanie –Palatinat Province in Germany came to Rwanda on the 9th.Feb.2013 while visiting different regions of Rwanda evaluating different programs and projects including schools that were built on the partnership of Germany and Rwanda.

 

 

Comments (0)

Intumwa zo muri Rhenanie Palatinat zasuye ingoro yo mu Rukali

Tags: , , , , ,

Intumwa zo muri Rhenanie Palatinat zasuye ingoro yo mu Rukali

Posted on 13 February 2013 by peter

 Intumwa  ziturutse mu Ntara ya Rhenanie –Palatinat mu gihugu cy’Ubudage zasuye ingoro y’umwami Mutara wa III Rudahingwa muri gahunda yo  kumenya uko abami b’u Rwanda rwo hambere babagaho ndetse n’imwe mu mico yagiye ibaranga.

 

Intumwa zo muri Rhenanie Palatinat zasuye ingoro yo mu Rukali

Icyo gikorwa cyo gusura ingoro y’umwami Mutara wa III Rudahigwa cyakozwe tariki 11/02/2013 aho basuye ibice bitandukanye byayo birimo aho umwami yabaga ndetse naho bamuteguriraga inzoga.

Nyuma yo gutambagizwa ibice binyuranye by’ingoro yo mu Rukali bagaragaje ko bishimiye urwo ruzinduko bahagiriye rwabagaragarije byinshi ku mateka y’u Rwanda dore ko abenshi muri bo bwari ubwa mbere bageze mu Rwanda.

 

 

REINER Meutsch wari uyoboye bagenzi be muri urwo rugendo  yanditse mu gitabo cy’abashyitsi ko banejejwe n’uruzinduko bagiriye aho umwami Mutara wa III Rudahigwa yabaye ndetse akaba akihafite n’amateka akomeye.

Yanditse agira ati : «  Twishimiye uruzinduko twakoze ndetse n’uburyo twakiwemo n’abanyarwanda byerekana ko bakirana urugwiro ababagana »

Izi ntumwa ziturutse mu Ntara ya Rhenanie Palatinat zageze mu Rwanda tariki 09/02/2013 mu rwego rwo  gukorera urugendo hirya no hino mu gihugu  muri gahunda yo gusura ibikorwa bitandukanye birimo ibigo by’amashuli byagiye byubakwa binyuze mu mubano n’ubucuti igihugu cyabo gifitanye n’u Rwanda.

Comments (0)

Tags: , , , , ,

Rwanda | Nyanza: Intumwa z’abayobozi baturutse mu Ntara ya Rhenanie Palatinat zasuye ingoro yo mu Rukali

Posted on 10 October 2012 by peter

Intumwa z’abayobozi baturutse mu ntara ya Rhenanie Palatinat ziri mu ruzinduko mu Rwanda ziyobowe na Minisitiri ushinzwe ubutegetsi bw’igihugu, ibikorwa remezo na sport Roger LEWENTZ zasuye ingoro yo mu rukari iri mu karere ka Nyanza tariki 9/10/2012.

Rwanda | Ibyishimo byari byose muri urwo ruzinduko bagiriye mu Ngoro yo mu Rukali

Ibyishimo byari byose muri urwo ruzinduko bagiriye mu Ngoro yo mu Rukali

Muri uru ruzinduko izo ntumwa ziturutse mu gihugu cy’ubudage zasuye ibice bitandukanye by’ingoro yo mu Rukali zisobanurirwa amateka y’u Rwanda rwo hambere n’uko babagaho muri icyo gihe bitandukanye n’uko abanyarwanda bo muri iki gihe babayeho.

Impamvu y’urwo rugendo ni ukwitegura umunsi mukuru wo kwizihiza isabukuru y’imyaka 30 ishize hari umubano wihariye witwa jumeraje hagati y’intara ya Rhenanie Palatinat n’u Rwanda uzizihizwa tariki 12/10/2012 mu murwa mukuru w’u Rwanda.

Urwo rugendo rwamaze umwanya muto Roger LEWENTZ, Minisitiri ushinzwe ubutegetsi bw’igihugu, ibikorwa remezo na sport wari uyoboye izo ntumwa bari kumwe bose uko bavanye mu gihugu cy’ubudage yishimiye  ibice bitandukanye yasuye byo mu Ngoro yo mu Rukali.

Mu magambo yanditse mu gitabo cy’abashyitsi akoresheje ururimi rw’ikidage ariko akaza gusobanurwa mu rurimi rw’icyongereza n’umwe mubo bari kumwe agira: “ Here, i have received a wonderful insight into the history of the partnership between Rwanda and Germany. Thank you very much indeed”

Nyanza Intumwa

Roger LEWENTZ yandika mu gitabo cy’abashyitsi basura ingoro yo mu Rukali

Nk’uko byanditse muri icyo gitabo  ayo magambo uyagenekereje mu Kinyarwanda agira ati: “ Hano, Nakiriye amakuru yimbitse ashimangira amateka y’ umubano w’u Rwanda n’Ubudage.  Murakoze cyane cyane! ”

Umubano hagati y’u Rwanda n’intara ya Rhenanie Palaratit yo mu Budage ni umubano uba hagati y’abaturage b’impande zombi ushingiye ku bikorwa bitandukanye by’iterambere n’umuco.

 

 

Comments (0)

Rwanda Alphonse Umuliisa, umuyobozi w’Ingoro Ndangamurage zo mu Rwanda na Dr Jean Jacques Mbonigaba Muhinda, umuyobozi mukuru wa RAB

Tags: , , , , , , , , , , , , , , ,

Rwanda : Ikigo cy’igihugu cy’Ingoro z’umurage w’u Rwanda na RAB basinyanye amasezerano y’ubufatanye

Posted on 17 May 2012 by peter


tariki 16/05/2012, Ikigo cy’igihugu cy’ingoro z’umurage w’u Rwanda n’ikigo cy’igihugu gishinzwe guteza imbere ubuhinzi ( RAB) basinyanye amasezerano y’ubufatanye mu muhango wabereye mu Ngoro y’umwami Mutara wa III Rudahugwa iri mu Rukali mu karere ka Nyanza mu Ntara y’Ammajyepfo.

 

Rwanda Alphonse Umuliisa, umuyobozi w’Ingoro Ndangamurage zo mu Rwanda na Dr Jean Jacques Mbonigaba Muhinda, umuyobozi mukuru wa RAB

( Ibumoso) Alphonse Umuliisa, umuyobozi w’Ingoro Ndangamurage zo mu Rwanda na Dr Jean Jacques Mbonigaba Muhinda, umuyobozi mukuru wa RAB

 

Ayo masezerano impande zombi zashyizeho umukono ashingiye ku gufata neza inka z’inyambo 30 zororewe mu Ngoro yo mu Rukali zikaba zaratanzwe n’ikigo cya RAB kugira ngo zifashe ikigo cy’igihugu cy’ingoro z’umurage w’URwandagukurura Bamukerarugendo.

 

Nk’uko bikubiye muri ayo masezerano mu gihe izo nka zafashwe n’indwara runaka ikigo cya RAB nicyo kizajya kizivuza kuko aricyo kimenyereye ubuvuzi bw’amatungo n’ibindi byangombwa birimo nko kuzishakira ibizitunga byujuje intungamubiri.

 

Ayo masezerano kandi avuga ko ikigo cya RAB kizajya gitanga inama ku bwoko bw’ibyatsi byagaburirwa izo nka kugira ngo ubuzima bwazo burusheho kuba bwiza.

 

Inyandiko ikubiyemo ayo masezerano yasinwe hagati ya Alphonse Umuliisa, umuyobozi w’Ingoro Ndangamurage zo mu Rwandana DrJean Jacques Mbonigaba Muhinda, umuyobozi mukuru wa RAB nibo bashyize umukono kuri ayo masezerano azamara imyaka 3 ishobora kongerwa.

 

Umuyobozi w’ikigo cy’ingoro z’umurage w’uRwandaavuga ko inka z’inyambo zongereye amafanga ingoro yo mu Rukali yinjizaga mu gihe cy’ukwezi.

 

Ayo mafaranga asobanura ko yavuye ku bihumbi 500 by’amafaranga byinjiraga buri kwezi akagera kuri miliyoni 5 z’amafaranga y’u Rwanda.

 

Binyuze muri ubwo bufatanye ikigo cya RAB kizanafasha ingoro z’umurage w’uRwandagutera ibiti bya Gakondo mu karere ka Karongi mu rwego rwo gufata neza ibidukikije.

 

 

 

 


Comments (0)

Rwanda Kwibuka jenoside yakorewe abatutsi bigomba 5

Tags: , , ,

Rwanda : “Kwibuka jenoside yakorewe abatutsi bigomba guhabwa icyubahiro na buri wese”- Minisitiri Mitali

Posted on 01 May 2012 by peter


Mu muhango wo kwibuka no gushyingura mu cyubahiro imibiri 5016 y’inzirakarengane zazize jenoside yakorewe abatutsi muri Mata 1994 wabaye kuri iki cyumweru tariki 29/04/2012 mu murenge wa Rwabicuma mu karere ka Nyanza, Minisitiri w’umuco na Siporo Mitari Protais yavuze ko kubibuka bigomba guhabwa agaciro na buri wese.

  Rwanda Minisitiri Mitali Protais ageza ijambo ku bitabiriye umuhango wo kwibuka

Minisitiri Mitali Protais ageza ijambo ku bitabiriye umuhango wo kwibuka

Yakomeje avuga ko kwibuka abwabyo bihesha agaciro abazize jenoside kuko bagiye umuryango nyarwanda ukibakeneye. Yagize ati: “Kwibuka byo ni igikorwa tuzakomeza gukora ubuziraherezo kuko twarabyiyemeje kandi ntituzabitezukaho”.

Ati: Kwibuka abazize jenoside ni uburyo bwo guha icyubahiro abacu bakivukijwe no kubasubiza agaciro bambuwe”.

Rwanda Abaturage bari benshi bitabiriye umuhango wo kwibuka no gushyingura abazize jenoside

Abaturage bari benshi bitabiriye umuhango wo kwibuka no gushyingura abazize jenoside

 Minisitiri Mitali asanga kwibuka bigomba guhoraho ariko gushyingura byo bikagira igihe birangirira. Ngo imyaka 18 ishize hakiri imibiri y’abazize jenoside badashyinguwe mu cyubahiro bikaba aribyo bigaragaza ko hari abantu bakibitse nkana amakuru y’aho imibiri y’abazize jenoside iherereye.

Rwanda Kwibuka jenoside yakorewe abatutsi bigomba

Muri iki gihe cy’icyunamo twibukaho ku nshuro ya 18 jenoside yakorewe abatutsi mu Rwanda, Minisitiri Mitali yavuze ko ku nsanganyaatsiko yatoranyijwe hiyongeraho no guhwitura abantu bakagaragaza ahari  imibiri y’abatutsi bazize jenoside itarashyingurwa mu cyubahiro.

Yabivuze muri aya amagambo agira ati: “Ntibigoye ni ugutanga amakuru gusa ubundi bikarangira”. Yasabye abakinangiye imitima kuva ku izima bagatanga ayo makuru kugira ngo ikikorwa cyo gushyingura mu cyubahiro kizagire ubwo kirangira.

Rwanda Kwibuka jenoside yakorewe abatutsi bigomba 1

Yagarutse ku ruhare rw’amadini mu bikorwa byo kwibuka abazize jenoside yakorewe abatutsi mu Rwanda avuga ko abanyamadini bakiri inyuma muri iyo gahunda.

Mu magambo ye bwite yagize ati:  “Nta butumire ndabona bw’abanyamadini buntumira mu kujya kwifatanya nabo mu bikorwa byo kwibuka”

Yageze aho agira ati: “ abanyamadini muba he? Ibyo yabikurije ku cyigisho yari imaze gutangwa na Pasiteri Mpyisi Ezira wari ukomoje  ku ruhare amadini yagize muri jenoside yakorewe abatutsi mu Rwanda.

Rwanda Kwibuka jenoside yakorewe abatutsi bigomba 2

Mu buhamya bwatanzwe na Dr Hirwa Dieudonné bagiye bakunda kwita “Kagabo” yagaragaje uko jenoside yakozwe muri ako gace. Yavuze ko yari ifite ubukana bukaze ngo kuko abayikoze bifuzaga ko nta mututsi n’umwe wabaca mu rihumye akayirokoka.

Yasobanuye ko muri jenoside yambitswe ikanzu kandi ari umuhungu kugira ngo abone uko arokoka nyuma y’uko mu batutsi bari muri ako gace hari hasigaye ingerere.

Gusubiramo inzira y’umusaraba yanyuzemo hari aho yageraga bikamera n’ibimutonze  akagira ati: “ Ni umwitozo ukomeye kubutanga kuko bwahungabanya benshi nanjye ntiretse” Yabwiye abari aho  ko azandika igitabo gikubiyemo ubwo buhamya kugira ngo abakiriho n’abazabakomokaho bazarusheho gusobanukirwa na jenoside yakorewe abatutsi mu Rwanda ariko by’umwihariko muri ako gace.

Rwanda Kwibuka jenoside yakorewe abatutsi bigomba 3

Nyuma y’amagambo anyuranye yahavugiwe hakozwe urugendo rujya kungana n’ibirometero bigera kuri 3 n’amaguru bajya ku rwibutso rwa Jenoside rwa Nyamiyaga mu murenge wa Rwabicuma ahashyinguwe imibiri 5016 y’abatutsi bazize jenoside.

Rwanda Kwibuka jenoside yakorewe abatutsi bigomba 4

Nk’uko byatangajwe n’umuyobozi w’akarere kaNyanza MurenziAbdallah iyo mibiri yashyinguwe mu cyubahiro igizwe n’iyari isanzwe ishyinguye mu buryo budahesha icyubahiro abazize jenoside ndetse n’imibiri mishya yabonetse bivuye ku makuru yagiye atangwa.

Rwanda Kwibuka jenoside yakorewe abatutsi bigomba 5

Muri uwo muhango kandi abahanzi batandukanye bari baje kwifatanya n’abaturage b’inyanza ndetse n’abacitse ku icumu by’umwihariko babafasha mu ndirimbo zikubiyemo ubutumwa bunyuranye bwose bwamagana genocide bunakangurira abari aho kwita ku barokotse ayo mahano.

 

 


Comments (0)

Advertise Here