While Rwanda prepares for the 19^th genocide commemoration, workers at Nyanza district hospital on March 15^th 2013 visited Murambi memorial centre in Nyamagabe district in Southern Province.

The hospital staff that visited the memorial and contributed say their intention was to better understand how 1994 Tutsi genocide was done leaving the undoubted marks.

After explanations on the genocide, they took a moment to remember between 40 and 50 victims that lost their lives in Murambi sector.

Gertrude Mukakarisa who gave visitors the tour explaining on the history of genocide happened in Murambi  

Gertrude Mukakarisa explains that on the fateful night of March 21^st 1994, killers came with pangas and guns and killed people who had been surviving without food and drinks for two weeks.

Nyanza district hospital workers at Murambi memorial

Gertrude Mukakarisa blamed French soldiers for training the killers and providing them with weapons to kill Rwandans who had taken refuge in that place thinking it was safe.

After visiting 24 rooms of genocide victims, Dr Jean Sauveur Uwitonze, Director of Nyanza hospital wrote in the visitor’s book saying: “Lets always remember our dead and restore their respect they lost”.

Dr. Uwitonze, on behalf of the staff gave out Rwf200, 000 cheque to the management of Murambi memorial centre.

Asked on the lesson she learnt from this site, Placidie Mutesi, human resource manager at Nyanza district hospital told the reporter that every Rwandese should strive for genocide never to happen again.

Mu gihe mu Rwanda harimo kwitegurwa kwibuka ku nshuro ya 19 jenoside yakorewe abatutsi muri Mata 1994, tariki 15/03/2013 abakozi b’ibitaro by’akarere ka Nyanza basuye urwibutso rwa jenoside rwa Murambi ruri mu karere ka  Nyamagabe mu Ntara y’amajyepfo basiga banaruteye inkunga.

Dr Jean Sauveur Uwitonze atera inkunga urwibutso rwa Jenoside rwa Murambi

Aba bakozi b’ibitaro by’akarere ka Nyanza bari biganjemo abakora muri servisi z’ubuvuzi bw’abantu bavuga ko basuye urwo rwibutso bafite intego yo kurushaho gusobanukirwa neza uko jenoside yakorewe abatutsi mu Rwanda yagenze bashingiye ku bimenyetso byayo yasize bikaba biyigaragaza mu buryo budashindikanwaho.

Abakozi b’ibitaro by’akarere ka Nyanza bari banitwaje indabo zo kunamira inzirakarengane zazize jenoside

Nyuma yo guhabwa ikaze no gusobanurirwa uko jenoside yakorewe abatutsi muri Mata 1994 aho I Murambi yagenze bafashe umunota wo kwibuka inzirakarengane zahaguye zibarirwa hagati y’ibihumbi 40 na 50 ariko  bose ntibabashije kuboneka ngo bashyingurwe mu cyubahiro.

 Uyu niwe wabafashije kumva uko jenoside yakorewe abatutsi I Murambi yakozwe 

Mukakarisa Gertrude watanze ibisobanura by’amateka ya Jenoside aho i Murambi yavuze ko abahiciwe bagiye bagabwaho ibitero bitandukanye ariko ubumwe bari bafite bukabaranga rimwe na rimwe bakabizubizayo.

Ati: “ Mu ijoro ryo ku itariki ya 21/04/1994 nibwo interahamwe zaje ari simusiga kandi zitwaje intwaro za gakondo n’iz’amasasu maze zibagotera hagati batakibashije kwitabara kuko bari bamaze ibyumweru bibiri barimwe amazi n’ibyo kunywa”

Muri ibyo bisobanuro yatunze agatoki ingabo z’abafaransa avuga ko arizo zahaye imyitozo n’imbunda interahamwe zo muri ako gace kugira ngo zibashe gukorera jenoside abatutsi bari bahahungiye kandi bahizeye umutekano  nyamara bagambaniwe batabizi.

Nyuma yo gusura ibyumba 24 bibitsemo imibiri y’izo nzirakarengane zazize jenoside yakorewe abatutsi muri Mata 1994 aho i Murambi Dr Uwitonze Jean Sauveur umuyobozi w’ibitaro by’akarere ka Nyanza mu gahinda kenshi yanditse mu gitabo cy’abashyitsi bahasuye.

Amagambo yanditse muri icyo gitabo agira ati: “ Tujye twibuka abacu bazize jenoside yakorewe abatutsi tubahe agaciro tubasubize icyubahiro bambuwe”

Mu mwanya wakurikiyeho yahise akura mu ikote rye yari yambaye sheki y’ibihumbi 200 by’amafaranga y’u Rwanda ayishyikiriza urwibutso rwa Murambi mu izina rya bagenzi be bakorana bari kumwe.

Mutesi Placidie ushinzwe abakozi n’umutungo w’ibitaro by’akarere ka Nyanza wari ifite  umubabaro yatewe n’ibyo yabonye ku rwibutso rwa jenoside rwa Murambi abajijwe icyo urwo ruzinduko rwamusigiye yihaganye abwira itangazamakuru rinyuranye ryari rihari ko  buri wese agomba guharanira ko jenoside itasubira kubaho ukundi kuri iyi si dutuye.

On Monday 10^th.Feb.2013, delegates from Rhenanie –Palatinat Province in Germany paid a visit the house of former king of Rwanda Mutara III Rudahigwa as a way of finding out the real life experiences of the former Rwandan king and the culture that existed then.

Reiner Meutsch signing visitors’ books 

Different parts of the former king’s house were visited including the king’s bedroom chambers and where he would eat. After visiting different parts of the former king’s palace locally known as Rukali, the of Rhenanie –Palatinat Province delegates to Rwanda were happy for the visit and got to know about Rwandan history since most of them were in Rwanda for the first time.

Rhenanie –Palatinat Province representatives learning the history about the former king

Reiner Meutsch who led the team of representatives signed in the visitors’ book expressing the excitement they got from the visit they made to the former King’s palace (Rukali) and learning great history from this place.

“We’re glad for this visit and the warm welcome accorded to us by Rwandans” he wrote.

The delegates of Rhenanie –Palatinat Province in Germany came to Rwanda on the 9^th.Feb.2013 while visiting different regions of Rwanda evaluating different programs and projects including schools that were built on the partnership of Germany and Rwanda.

 Intumwa  ziturutse mu Ntara ya Rhenanie –Palatinat mu gihugu cy’Ubudage zasuye ingoro y’umwami Mutara wa III Rudahingwa muri gahunda yo  kumenya uko abami b’u Rwanda rwo hambere babagaho ndetse n’imwe mu mico yagiye ibaranga.

Icyo gikorwa cyo gusura ingoro y’umwami Mutara wa III Rudahigwa cyakozwe tariki 11/02/2013 aho basuye ibice bitandukanye byayo birimo aho umwami yabaga ndetse naho bamuteguriraga inzoga.

Nyuma yo gutambagizwa ibice binyuranye by’ingoro yo mu Rukali bagaragaje ko bishimiye urwo ruzinduko bahagiriye rwabagaragarije byinshi ku mateka y’u Rwanda dore ko abenshi muri bo bwari ubwa mbere bageze mu Rwanda.

REINER Meutsch wari uyoboye bagenzi be muri urwo rugendo  yanditse mu gitabo cy’abashyitsi ko banejejwe n’uruzinduko bagiriye aho umwami Mutara wa III Rudahigwa yabaye ndetse akaba akihafite n’amateka akomeye.

Yanditse agira ati : «  Twishimiye uruzinduko twakoze ndetse n’uburyo twakiwemo n’abanyarwanda byerekana ko bakirana urugwiro ababagana »

Izi ntumwa ziturutse mu Ntara ya Rhenanie Palatinat zageze mu Rwanda tariki 09/02/2013 mu rwego rwo  gukorera urugendo hirya no hino mu gihugu  muri gahunda yo gusura ibikorwa bitandukanye birimo ibigo by’amashuli byagiye byubakwa binyuze mu mubano n’ubucuti igihugu cyabo gifitanye n’u Rwanda.

Intumwa z’abayobozi baturutse mu ntara ya Rhenanie Palatinat ziri mu ruzinduko mu Rwanda ziyobowe na Minisitiri ushinzwe ubutegetsi bw’igihugu, ibikorwa remezo na sport Roger LEWENTZ zasuye ingoro yo mu rukari iri mu karere ka Nyanza tariki 9/10/2012.

Ibyishimo byari byose muri urwo ruzinduko bagiriye mu Ngoro yo mu Rukali

Muri uru ruzinduko izo ntumwa ziturutse mu gihugu cy’ubudage zasuye ibice bitandukanye by’ingoro yo mu Rukali zisobanurirwa amateka y’u Rwanda rwo hambere n’uko babagaho muri icyo gihe bitandukanye n’uko abanyarwanda bo muri iki gihe babayeho.

Impamvu y’urwo rugendo ni ukwitegura umunsi mukuru wo kwizihiza isabukuru y’imyaka 30 ishize hari umubano wihariye witwa jumeraje hagati y’intara ya Rhenanie Palatinat n’u Rwanda uzizihizwa tariki 12/10/2012 mu murwa mukuru w’u Rwanda.

Urwo rugendo rwamaze umwanya muto Roger LEWENTZ, Minisitiri ushinzwe ubutegetsi bw’igihugu, ibikorwa remezo na sport wari uyoboye izo ntumwa bari kumwe bose uko bavanye mu gihugu cy’ubudage yishimiye  ibice bitandukanye yasuye byo mu Ngoro yo mu Rukali.

Mu magambo yanditse mu gitabo cy’abashyitsi akoresheje ururimi rw’ikidage ariko akaza gusobanurwa mu rurimi rw’icyongereza n’umwe mubo bari kumwe agira: “ Here, i have received a wonderful insight into the history of the partnership between Rwanda and Germany. Thank you very much indeed”

Roger LEWENTZ yandika mu gitabo cy’abashyitsi basura ingoro yo mu Rukali

Nk’uko byanditse muri icyo gitabo  ayo magambo uyagenekereje mu Kinyarwanda agira ati: “ Hano, Nakiriye amakuru yimbitse ashimangira amateka y’ umubano w’u Rwanda n’Ubudage.  Murakoze cyane cyane! ”

Umubano hagati y’u Rwanda n’intara ya Rhenanie Palaratit yo mu Budage ni umubano uba hagati y’abaturage b’impande zombi ushingiye ku bikorwa bitandukanye by’iterambere n’umuco.

tariki 16/05/2012, Ikigo cy’igihugu cy’ingoro z’umurage w’u Rwanda n’ikigo cy’igihugu gishinzwe guteza imbere ubuhinzi ( RAB) basinyanye amasezerano y’ubufatanye mu muhango wabereye mu Ngoro y’umwami Mutara wa III Rudahugwa iri mu Rukali mu karere ka Nyanza mu Ntara y’Ammajyepfo.

( Ibumoso) Alphonse Umuliisa, umuyobozi w’Ingoro Ndangamurage zo mu Rwanda na Dr Jean Jacques Mbonigaba Muhinda, umuyobozi mukuru wa RAB

Ayo masezerano impande zombi zashyizeho umukono ashingiye ku gufata neza inka z’inyambo 30 zororewe mu Ngoro yo mu Rukali zikaba zaratanzwe n’ikigo cya RAB kugira ngo zifashe ikigo cy’igihugu cy’ingoro z’umurage w’URwandagukurura Bamukerarugendo.

Nk’uko bikubiye muri ayo masezerano mu gihe izo nka zafashwe n’indwara runaka ikigo cya RAB nicyo kizajya kizivuza kuko aricyo kimenyereye ubuvuzi bw’amatungo n’ibindi byangombwa birimo nko kuzishakira ibizitunga byujuje intungamubiri.

Ayo masezerano kandi avuga ko ikigo cya RAB kizajya gitanga inama ku bwoko bw’ibyatsi byagaburirwa izo nka kugira ngo ubuzima bwazo burusheho kuba bwiza.

Inyandiko ikubiyemo ayo masezerano yasinwe hagati ya Alphonse Umuliisa, umuyobozi w’Ingoro Ndangamurage zo mu Rwandana DrJean Jacques Mbonigaba Muhinda, umuyobozi mukuru wa RAB nibo bashyize umukono kuri ayo masezerano azamara imyaka 3 ishobora kongerwa.

Umuyobozi w’ikigo cy’ingoro z’umurage w’uRwandaavuga ko inka z’inyambo zongereye amafanga ingoro yo mu Rukali yinjizaga mu gihe cy’ukwezi.

Ayo mafaranga asobanura ko yavuye ku bihumbi 500 by’amafaranga byinjiraga buri kwezi akagera kuri miliyoni 5 z’amafaranga y’u Rwanda.

Binyuze muri ubwo bufatanye ikigo cya RAB kizanafasha ingoro z’umurage w’uRwandagutera ibiti bya Gakondo mu karere ka Karongi mu rwego rwo gufata neza ibidukikije.

Mu muhango wo kwibuka no gushyingura mu cyubahiro imibiri 5016 y’inzirakarengane zazize jenoside yakorewe abatutsi muri Mata 1994 wabaye kuri iki cyumweru tariki 29/04/2012 mu murenge wa Rwabicuma mu karere ka Nyanza, Minisitiri w’umuco na Siporo Mitari Protais yavuze ko kubibuka bigomba guhabwa agaciro na buri wese.

Minisitiri Mitali Protais ageza ijambo ku bitabiriye umuhango wo kwibuka

Yakomeje avuga ko kwibuka abwabyo bihesha agaciro abazize jenoside kuko bagiye umuryango nyarwanda ukibakeneye. Yagize ati: “Kwibuka byo ni igikorwa tuzakomeza gukora ubuziraherezo kuko twarabyiyemeje kandi ntituzabitezukaho”.

Ati: Kwibuka abazize jenoside ni uburyo bwo guha icyubahiro abacu bakivukijwe no kubasubiza agaciro bambuwe”.

Abaturage bari benshi bitabiriye umuhango wo kwibuka no gushyingura abazize jenoside

 Minisitiri Mitali asanga kwibuka bigomba guhoraho ariko gushyingura byo bikagira igihe birangirira. Ngo imyaka 18 ishize hakiri imibiri y’abazize jenoside badashyinguwe mu cyubahiro bikaba aribyo bigaragaza ko hari abantu bakibitse nkana amakuru y’aho imibiri y’abazize jenoside iherereye.

Muri iki gihe cy’icyunamo twibukaho ku nshuro ya 18 jenoside yakorewe abatutsi mu Rwanda, Minisitiri Mitali yavuze ko ku nsanganyaatsiko yatoranyijwe hiyongeraho no guhwitura abantu bakagaragaza ahari  imibiri y’abatutsi bazize jenoside itarashyingurwa mu cyubahiro.

Yabivuze muri aya amagambo agira ati: “Ntibigoye ni ugutanga amakuru gusa ubundi bikarangira”. Yasabye abakinangiye imitima kuva ku izima bagatanga ayo makuru kugira ngo ikikorwa cyo gushyingura mu cyubahiro kizagire ubwo kirangira.

Yagarutse ku ruhare rw’amadini mu bikorwa byo kwibuka abazize jenoside yakorewe abatutsi mu Rwanda avuga ko abanyamadini bakiri inyuma muri iyo gahunda.

Mu magambo ye bwite yagize ati:  “Nta butumire ndabona bw’abanyamadini buntumira mu kujya kwifatanya nabo mu bikorwa byo kwibuka”

Yageze aho agira ati: “ abanyamadini muba he? Ibyo yabikurije ku cyigisho yari imaze gutangwa na Pasiteri Mpyisi Ezira wari ukomoje  ku ruhare amadini yagize muri jenoside yakorewe abatutsi mu Rwanda.

Mu buhamya bwatanzwe na Dr Hirwa Dieudonné bagiye bakunda kwita “Kagabo” yagaragaje uko jenoside yakozwe muri ako gace. Yavuze ko yari ifite ubukana bukaze ngo kuko abayikoze bifuzaga ko nta mututsi n’umwe wabaca mu rihumye akayirokoka.

Yasobanuye ko muri jenoside yambitswe ikanzu kandi ari umuhungu kugira ngo abone uko arokoka nyuma y’uko mu batutsi bari muri ako gace hari hasigaye ingerere.

Gusubiramo inzira y’umusaraba yanyuzemo hari aho yageraga bikamera n’ibimutonze  akagira ati: “ Ni umwitozo ukomeye kubutanga kuko bwahungabanya benshi nanjye ntiretse” Yabwiye abari aho  ko azandika igitabo gikubiyemo ubwo buhamya kugira ngo abakiriho n’abazabakomokaho bazarusheho gusobanukirwa na jenoside yakorewe abatutsi mu Rwanda ariko by’umwihariko muri ako gace.

Nyuma y’amagambo anyuranye yahavugiwe hakozwe urugendo rujya kungana n’ibirometero bigera kuri 3 n’amaguru bajya ku rwibutso rwa Jenoside rwa Nyamiyaga mu murenge wa Rwabicuma ahashyinguwe imibiri 5016 y’abatutsi bazize jenoside.

Nk’uko byatangajwe n’umuyobozi w’akarere kaNyanza MurenziAbdallah iyo mibiri yashyinguwe mu cyubahiro igizwe n’iyari isanzwe ishyinguye mu buryo budahesha icyubahiro abazize jenoside ndetse n’imibiri mishya yabonetse bivuye ku makuru yagiye atangwa.

Muri uwo muhango kandi abahanzi batandukanye bari baje kwifatanya n’abaturage b’inyanza ndetse n’abacitse ku icumu by’umwihariko babafasha mu ndirimbo zikubiyemo ubutumwa bunyuranye bwose bwamagana genocide bunakangurira abari aho kwita ku barokotse ayo mahano.

Tariki 27/04/2012 abagize ihuriro ry’abafatanyabikorwa (JADF) mu karere ka Nyanza basuye urwibutso rwa jenoside rwa Murambi mu karere ka Nyamagabe mu Ntara y’amajyepfo mu rwego rwo kwibuka ku nshuro ya 18 jenoside yakorewe abatutsi muri Mata 1994 mu Rwanda.

Imwe mu mibiri y’inzirakarengane zazize jenoside iri i Murambi

Abagize abagize iri huriro bageze kuri urwo rwibutso basobanuriwe ko jenoside y’i Murambi yakozwe tariki 21 Mata 1994 ahagana saa cyenda z’ijoro hakicwa abagabo, abagore n’abana bari mu byumba by’amashuli yaho.

Abishwe bose muri iryo joro bari hagati y’ibihumbi 50 na 60 by’abatutsi bari bahahungiye baturutse mu cyahoze ari umujyi wa Gikongoro n’inkengero zawo nk’uko byemejwe na bamwe mubaharokokeye.

Nyuma yo gushyira indabo ku rwibutso rwa jenoside rwa Murambi basuye imibiri y’izo nzirakarengane zazize jenoside banarushaho gusobanurirwa ko kohereza abatutsi i Murambi bitakozwe kubera impuhwe bari babafitiye ahubwo byari uburyo bwo kugira ngo babice bose ntihagire n’umwe urokoka.

Mukakabanda Juliette umwe mu bantu 13 barokotse jenoside mu bihumbi bisaga 50 byari aho i Murambi atanga ubuhamya bw’ibyahabereye avuga ko bamaze ibyumweru 2 nta biryo n’amazi nyuma bakaza kubamishaho urufaya rw’amasasu na gerenade bikozwe n’interahamwe.

JADF y’akarere ka Nyanza yasezeranyije uwo mubyeyi watanze ubuhamya kuzamuba hafi.  Bavuye kuri urwo rwibutso barekeje ahirwa ku rwesero mu murenge wa Busasamana mu karere ka Nyanza bagabira inka umupfakazi wa jenoside yakorewe abatutsi muri Mata 1994 witwa Mukandutiye Esther.

Uhagarariye abapfakazi ba Jenoside muri uwo mudugudu yashimiye JADF y’akarere ka Nyanza avuga ko ariyo nkunga ya mbere bahawe

Misago Thierry, Perezida w’ihuriro ry’abafatanyabikorwa mu karere ka Nyanza yavuze ko bazakomeza gufatana urunana no gusenyera umugozi umwe bubaka igihugu kandi baharanira ko jenoside itazasubira kubaho ukundi ku isi.

Umuyobozi wa Envirocleaners International, Niyonzima Claude avugana n’itangazamakuru

Abakozi ba ENVIROCLEANERS bari kumwe n’abayobozi babo basuye urwibutso rwa jenoside rwa Muyira mu karere ka Nyanza tariki 14/04/2012.

Niyonzima Claude, Umuyobozi mukuru wa Envirocleaners International ari cyo kigo gishizwe isuku ku rwego mpuzamahanga yabwiye itangazamakuru ko impamvu yatumye baza gusura urwo rwibutso ari uko bamwe mu bakozi b’icyo kigo baharokokeye jenoside ndetse na bamwe mu bavandimwe babo bakaba bahashyinguye mu cyubahiro.

Yagize ati: “ Muri iki gihe twibukamo ku nshuro ya 18 jenoside yakorewe abatutsi muri Mata 1994 twasanze ari ngombwa kuza kwifatanya na bamwe mu bakozi bacu babuze ababo muri icyo gihe”.

Niyonzima yakomeje asobanura ko icyo gikorwa  bakoze cyari kigamije no kubafata mu mugongo kuko ari ibihe bibukamo abari inshuti zabo n’ababyeyi bambuwe ubuzima mu buryo bw’amaherere.

Kayiranga Emmanuel ni umwe mu bakozi b’ikigo cya Envirocleaners International warokoyeje jenoside mu murenge wa Muyira mu karere ka Nyanza ndetse n’ababyeyi be bakaba bashyinguye mu rwibutso rwaho.

Mu magambo make ye bakiri ku rwibutso yabwiye bagenzi be bari bamuherekeje uko jenoside yagenze muri ako gace. Yagize ati: “ jenoside yabaye mu gace k’amayaga n’umurenge wa Muyira urimo yabaye agahomamunwa”. Ati; “ Njye ubwanjye nahatakarije ababyeyi banjye bose kimwe n’abari inshuti z’umuryango wacu bari mu bwoko bw’abatutsi bwahigwaga”.

Yakomeje abisobanura agira ati: “ Abatutsi biciwe mu murenge wa Muyira mu gihe cya jenoside baturukaga imihanda yose bakaza bahahungira bizeye gukira ariko siko  byabagendekeye kuko  interahamwe zahabiciye hagasigara ingerere.

Bakiri kuri urwo rwibutso rwa Jenoside rw’umurenge wa Muyira Kayiranga Emmanuel yashimiye ingabo zahoze ari iza FPF Inkotanyi kuko arizo zabarokoye jenoside yakorerwaga abatutsi muri ako gace k’amayaga n’uwo murenge wa Muyira urimo.

Yashimiye umukuru w’igihugu Paul Kagame ko we n’ingabo zahoze ari iza FPR Inkotanyi bakoze igikorwa cy’indashyikirwa bakarokora abatutsi ubuyobozi bubi bwashakaga kumaraho mu gihe cya jenoside.

Ati: “Iyo ingabo zahoze ari iza FPR Inkotanyi zitahaba nta n’umwe wari kurokoka muri twe hano mu murenge wa Muyira”.

Ubwo abakozi b’ikigo cya Envirocleaners basuraga urwibutso rwa jenoside rwa Muyira bari kumwe kandi n’uwitwa Muyoboke Juvens wari intumwa y’umuryango ushinzwe kurengera inyungu z’abacitse ku icumu rya Jenoside IBUKA ku rwego rw’igihugu.

Urwibutso rw’abazize jenoside yakorewe abatutsi mu murenge wa Busasamana mu karere ka Nyanza

Akarere ka Nyanza mu kwibuka ku nshuro ya 18 jenoside yakorewe abatutsi muri Mata 1994 bazashyingura imibiri igera ku 2185 y’inzirakarengane nk’uko imibare ifitwe n’ubuyobozi bw’ako karere ibyerekana.

KayigyiAnge Claudeumukozi ushinzwe ibikorwa byo kwibuka mu nshingano ze ku rwego rw’akarere ka Nyanza avuga ko  iyo mibiri y’inzirakarengane zazize jenoside izashyingurwa mu byiciro 2 bitandukanye.

Iyo mibiri y’abazize jenoside izashyingurwa tariki 20 na tariki 29/04/2012 nk’uko KayigyiAnge Claudeumukozi w’akarere ka Nyanza ufite ibikorwa byo kwibuka mu nshingano ze yakomeje abisobanura.

Gutangiza icyumweru cy’icyunamo ku rwego rw’akarere ka Nyanza tariki 7/04/2012 bizabera ku musozi wa Karama mu murenge wa Ntyazo hanyuma umuhango wo kugisoza ubere kuri stade ya Nyanza tariki 13/04/2012.

Umubare w’agateganyo w’imibiri izashyingurwa ku rwego rw’Intara y’Amajyepfo mu turere 8 tuyigize ingana na 10648 nk’uko Guverineri w’iyi Ntara Munyentwari Alphonse yabitangaje tariki 3/04/2012 mu kiganiro yagiranye n’abanyamakuru cyabereye i Nyanza ku cyicaro cy’Intara.

Ariko Guverineri Munyentwari Alphonse asanga iyi mibare yavuzwe haruguru iziyongera kuko hari indi mibiri y’abazize jenoside itaratabururwa.