Bimwe mu bibazo urwibutso rwa Mukamira ari narwo rw’akarere ka Nyabihu rufite, harimo kuba rutararangira kubakwa ndetse n’ikibazo cy’ubukonje bugaragara imbere muri rwo butuma amarangi yomoka.

Kuri ibi bibazo twegereye uhagarariye IBUKA mu karere ka Nyabihu  Juru Anastase,adutangariza avuga ko ikibazo kijyanye n’ubukonje butuma amarangi yomoka imbere ku nkuta zo mu rwibutso, kizweho n’akarere kikaba kirimo gushakirwa igisubizo mu bihe bya vuba.

Yongeraho ko kugeza ubu amasoko yatanzwe kandi ko hari amafaranga akarere kashatse agera kuri miliyoni 2 n’igice azafasha mu gushyira amakaro ku nkuta z’uru rwibutso. Ba rwiyemezamirimo bakaba baranarusuye ngo bapiganwe,isoko rikaba ryaratanzwe, uzatsindira isoko akaba azahita akora urwo rwibutso,ikibazo cy’imbere muri rwo cy’ubukonje kigakemuka.

Uretse ikibazo cy’ubukonje,haracyari n’ikibazo cyo kurangiza igice cya kabiri cy’uru rwibutso”phase 2” nk’uko Juru abivuga.  Juru yongeraho ko abari bemeye gutera inkunga mu iyubakwa ry’uru rwibutso ngo rurangire kuri miliyoni 60 zari zisigaye,bitashobotse bitewe n’uko nta mikoro nk’uko babibatangarije.

Ni muri urwo rwego, asaba akarere,mu igenamigambi kajya kagira mu bizakorwa,ko bazibuka bakajya  bashyiramo n’uru rwibutso rwa Mukamira kugira ngo ruzarangire kubakwa nk’uko Juru abigarukaho.

Urwibutso rw’akarere ka Nyabihu rukaba rwubatse mu murenge wa Mukamira ari nawo akarere kubatsemo. Rukaba rugizwe n’igice cyo hasi”cave”,ari nacyo kigaragaramo ikibazo cy’ubukonje, igice cya kabiri cyarwo  kikaba ari icyo  hejuru kitari cyubakwa kugeza ubu ari nayo phase ya kabiri yarwo igomba kuzubakwa.

Kugeza ubu nyuma yo gushyingura mu cyubahiro imibiri 35 y’Abazize Jenoside yakorewe Abatutsi ,igikorwa cyakozwe kuri uyu wa 12 Mata ,uru rwibutso rukaba rushyinguyemo imibiri igera ku 2055.

Juru avuga ko bitewe n’ubukonje,urwibutso rushinguwemo abazize Jenoside yakorewe Abatutsi rwa Mukamira rurimo kwangirika

Urwibutso rushyinguyemo imibiri y’abazize Jenoside yakorewe Abatutsi mu mwaka w’1994 rwa Mukamira, rufite ikibazo cy’ubukonje burwangiza nk’uko Juru Anastase uhagarariye IBUKA mu karere ka Nyabihu abivuga.

Hamwe na hamwe mu bice bw’imbere mu rwibutso,amarangi yagiye yomoka anafata irindi bara bitewe n’ubukonje

Gusa ngo mu mpamvu zitera ubu bukonje, harimo ko uru rwibutso rutubastwe ngo rurangire nk’uko byagombaga  kugenda nk’uko Juru abigarukaho. Igice cya mbere cya kave cyasabaga miliyoni 60 kikaba cyarubastwe, igice cya kabiri kikaba kitarubakwa. Uru rwibutso rukaba rwaragombaga kuzura rutwaye miliyoni 120.

Ikibazo cyabayeho ngo ni uko bari baremerewe amafaranga miliyoni 60 zisigaye na Minisiteri y’umuco ariko kugeza ubu akaba ataratanzwe ngo rwuzuzwe. Avuga ko bandikiye Minisiteri y’umuco,nayo ikabasubiza ibabwira ko dosiye yagiye muri Komisiyo y’igihugu ishinzwe kurwanya Jenoside CNLG,aho n’iyi komisiyo yabasubije ko nta mafaranga ahari.

Nubwo amafaranga bari biteze ataraboneka,Juru avuga ko bitewe n’uko uru rwibutso rurimo kwangirika hari icyakorwa ku bufatanye bw’akarere n’abaturage. Avuga ko muri kongere ya IBUKA bakoze I Kigali, hari uturere twamurikaga ko twiyujurije inzibutso zigera kuri 3.

Kubera izo mpamvu,Juru akaba asanga hakozwe ubufatanye bw’akarere n’abaturage ndetse n’akarere kagashyira inzibutso muri budget yako,hari ibyo babasha kwikemurira bijyanye n’ ikibazo nk’iki.

Nyuma y’aho uru rwibutso rwa Mukamira rushinguriwemo mu cyubahiro indi  mibiri 39 y’abazize Jenoside yakorewe Abatutsi, kuwa 09 Werurwe 2012,kugeza ubu  hashyinguwemo imibiri ibihumbi bibiri na makumyabiri. Ushinzwe IBUKA mu karere ka Nyabihu Juru Anastase ,akaba asaba ko hakorwa ibishoboka byose ngo urwibutso rwa Mukamira rwe kwangirika bityo n’imibiri irushinguwemo ntizangirike.

Nyuma y’uko urwibutso rwa jenoside yakorewe abatutsi muri mata 1994 ruherereye mu mudugudu wa Gikuyu, akagari ka Ninzi mu murenge wa Kagano mu karere ka Nyamasheke rusenywe n’ibiza, ubu noneho imirimo yo kurusana yaratangiye.

Nk’uko bitangazwa n’umukozi ushinzwe urubyiruko, umuco na siporo mu karere ka Nyamasheke, Nyirahabimana Marie Noella, ngo uru rwibutso ruri gusanwa n’akarere ka Nyamasheke binyuze mu murenge wa Kagano ruherereyemo, uyu murenge ukaba warahawe amafaranga n’akarere nyuma yo gukora inyigo y’amafaranga akenewe.

Gusana uru rwibutso bizatwara amafaranga asaga miliyoni imwe n’igice y’amafaranga y’u Rwanda.

Uru rwibutso rwasenyutse mu ijoro ryo ku itariki ya 18 rishyira kuya 19/09/2012, ubwo igiti cy’ingazi cyari kiri hafi yarwo cyaruguyeho maze rusenyuka ku gisenge igice kimwe, ibi bikaba byabaye mu mvura yaguye mu masaha y’ijoro.

Abacitse ku icumu rya genocide yakorewe abatusi mu 1994 bo mu murenge wa Kibungo ndetse n’ abandi bahatuye baratangaza ko batewe impungenge nuburyo uru rwibutso rwa genocide rumeze.

Bamwe mu bo twavuganye barimo n’umuhuzabikorwa wa komisiyo yo kurwanya genocide mu karere ka Ngoma ,Gasengayire Jeanne Claudine yatangaje ko uru rwibutso ruteye impungenge kuko ubu rushaje cyane kuburyo na beto zitwikiriye imva z’abahashyinguwe zimwe zangiritse kuburyo mu gihe cy’imvura amazi azajya ajya mu mva imbere.

Yagize ati” Njyewe n’ejo navuyeyo ariko rwose hakeneye ubutabazi bwihuse kuko niba ntagikozwe umunsi imvura yaguye izajya igera imbere ahashyinguwe imibili.”

Gasengayire akomeza avuga ko kugeza ubu hakozwe ubuvugizi maze ubuyobozi bw’ umurenge wa Kibungo buherereyemo uru rwibutso bumubwira ko hagiye gukorwa ibishoka kugirango habe hagira igikorwa kuri ruriya rwibutso.

Kuba  uru rwibutso kandi ruteye impungenge  byemerwa n’ umuyobozi w’ akarere ka Ngoma wungirije ushinzwe imibereho myiza y’ abaturage  Kirenga Providence.

Kubwe ngo umuti urambye watangiye kugenda ufatwa kuko kugeza ubu ikimaze gukorwa ari inyigo y’uru rwibutso ngo rwubakwe kuburyo bujyanye n’ igihe aho ngo ruzatwara miliyoni 99.

Bitewe nuko aya mafaranga ari menshi cyane akarere katahita kayabona ngo bahite bubaka uru rwibutso Kirenga avuga ko ikigiye gukorwa ari ukureba  uburyo  hasanwa aho hangiritse .

Yagize ati” Aya mafaranga yo kubaka urwibutso rujyanye n’igihe ntago twahita tuyabona ariko hari intambwe twateye yo gukora inyigo. Ikigiye gukorwa ni ugukangurira abatuye Ngoma  kwitangira icyo gikorwa maze rukubakwa hiyongereyeho n’ inkunga y’ akarere.”

Mukarere ka Ngoma harabarurwa inzibutso za genocide zigera hafi kuri 40 ziri hirya no hino mu mienge no mutugali. Mu rwego rwo kurushaho kuzitaho neza ubu akarere ka Ngoma  kamaze gushyira ahagaragara inzibutso  esheshatu   zigiye kujya zitabwaho nk’inzibutso z’akarere.

Akarere ka Ngoma mu ngengo y’imari y’uyu mwaka  ibikorwa bigenewe  ibijyanye no kwibuka genocide byagenewe miliyoni 5 z’amafaranga y’ u Rwanda. Ntawabura kwibaza niba aya mafaranga ariyo azanakoreshwa n’akarere ka ngoma  mu kuvugurura ndetse no kurushaho kubaka inzibutso eshashatu kiyemeje gukora.

Gusa ariko kuri iki kibazo Kirenga Providence avuga ko ibikorwa byo kubaka inzibutso eshashatu zirimo nurwa kibungo ubu rurusha izindi kuba rutameze neza,ngo bitavuze  ko bizarangirana n’ uyu mwaka wa 2012,  ahubwo bizakomeza uko ubushobozi buzagenda buboneka gusa ngo ntibyagombye kurenza nibura imyaka ine byose bitarangiye.

Uru rwibutso rwa Kibungo ruzitije uruzitiro rw’ibiti, uretse kuba runashaje rwanakomeje kuvugwaho ko rukorerwa isuku mugihe cyo kwibuka gusa, ubwo abacuruzi baherutse kwibuka bagenzi babo b’abacuruzi bazize genocide mu 1994 umuyobozi w’ akarere ka Ngoma Nambaje Aphrodise yasabye abacuruzi kujya bita kunzibutso atari mugihe cyo kwibuka gusa ahubwo igihe cyose.

Urwibutso rwa kibungo rushyinguwemo imibili igera kubihumbi 15,711.

Inzibutso eshashatu zemejwe ko zizajya zitabwaho n’ akarere ka Ngoma ni urwibutso rwa Kibungo,Rukira,Mutendeli,Remera,Rukumberi Zaza.

Urwibutso rw’abazize Jenoside rwo mu murenge wa Ruhashya mu karere ka Huye rwatangiye gusanwa nyuma y’uko risenywe n’umuyaga wari uvanze n’imvura mu kwezi k’Ukwakira umwaka ushize. Biteganyijwe ko imirimo yo kurusana izarangirana n’uku kwezi kwa Werurwe.

Ushinzwe inzibutso mu karere ka Huye avuga ko nta wabura kuvuga ko kuba uru rwibutso rwarasenyutse byatewe n’uko rutari rukomeye cyane kuko ngo umuyaga n’imvura byavuniye inkingi hagati, akaba atari igisenge cyagurutse.

Uru rwibutso rwari rugizwe na kave (cave) ishyinguyemo imibiri y’abazize Jenoside, hejuru hari inkingi zifashe igisenge gitwikiriye aha hantu. Mu kongera kubaka rero, n’ubundi bari kongera gushyiraho inkingi ariko noneho nyinshi kurusha iza mbere, kandi zigizwe na beto irimo ibyuma bishinze kuva muri metero imwe n’igice zo mu butaka.

Mu gihe mbere uru rwibutso rwari rwubatswe na Rwiyemezamirimo mu myaka ya za 2004 , ubu ruri kubakwa n’Umurenge ufatanyije n’Akarere. Izi nzego ni zo zashatse abahagararira ubu bwubatsi ndetse n’abakurikirana  uko inyubako izamurwa umunsi ku wundi ngo hato hatazavaho habonekamo amakosa.

Imirimo yo gusana uru rwibutso izarangira itwaye amafaranga miliyoni umunani. Akarere ka Huye ubwako katanze miliyoni esheshatu zirenga, asigaye akaba agomba kuva mu misanzu y’abaturage. Kugeza ubu abaturage bamaze gutanga ibihumbi hafi magana ane inkunga zikaba zikomeje gukusanywa.

Mu kwezi k’Ukwakira umwaka ushize wa 2011, urwibutso rw’abazize jenoside rwo Murenge wa Ruhashya rwasenywe n’umuyaga wari uvanze n’imvura. Imirimo yo kurusana yaratangiye kandi biteganyijwe ko izarangirana n’uku kwezi kwa Werurwe.

Nk’uko umunyamabanga nshingwabikorwa w’uyu Murenge abivuga, ngo nubwo uru rwibutso rwasenyutse ataratangira gukorera muri uyu Murenge, bivugwa ko rwasenywe n’umuyaga uvanze n’imvura nyinshi yaguye muri uyu Murenge ku buryo ngo usibye uru rwibutso, hari n’andi mazu yari akomeye yasenyutse icyo gihe.

Icyakora, ushinzwe inzibutso mu Karere ka Huye we avuga ko nta n’uwabura kuvuga ko kuba rwarasenyutse byatewe n’uko rutari rukomeye cyane kuko ngo umuyaga n’imvura byavuniye inkingi hagati, akaba atari igisenge cyagurutse.

Ubundi uko uru rwibutso rwari rwubatse, rwari rugizwe na kave (cave ) ishyinguyemo imibiri y’abazize jenoside, naho hejuru hari inkingi zifashe igisenge gitwikiriye aha hantu. Mu kongera kubaka rero, n’ubundi bari kongera gushyiraho inkingi ariko noneho nyinshi kurusha iza mbere, kandi zigizwe na beto irimo ibyuma bishingiye kuva muri metero imwe n’igice zo mu butaka.

Mu gihe kandi mbere uru rwibutso rwari rwubatswe na Rwiyemezamirimo mu myaka ya za 2004, ubu ruri kubakwa n’Umurenge ufatanyije n’Akarere : izi nzego ni zo zashatse abahagararira ubu bwubatsi ndetse n’abakurikiranira umunsi ku wundi uko inyubako izamurwa ngo hato hatazavaho habonekamo amakosa.

Imirimo yo gusana uru rwibutso izarangira itwaye amafaranga miliyoni umunani z’amanyarwanda (8.000.000Frw). Akarere ka Huye ubwako katanze miliyoni esheshatu zirenga, asigaye akaba agomba kuva mu misanzu y’abaturage. Icyakora, kugeza ubu abaturage bamaze gutanga ibihumbi hafi magana ane (400.000F), inkunga zikaba zikomeje gukusanywa.

Intumwa ya Minisitiri w’umuco na Sport yavuze ko izakora ubuvugizi ngo urwibutso rwa Nyabihu rube rwashyirwa ku rutonde rw’izizatunganywa

Nk’uko uhagarariye IBUKA mu karere ka Nyabihu Juru Anastase yabitangaje,hasize imyaka igera kuri 3 Minisiteri y’umuco na Sport yemereye inkunga ako karere yo gufasha mu kwagura no gusana urwibutso rwako. Iyo nkunga Minisiteri y’umuco na Sport yemereye akarere ka Nyabihu ni amafaranga miliyoni 65 kugeza n’ubu itari yashyikiriza aka karere.

Mu ijambo umuyobozi w’akarere ka Nyabihu Twahirwa Abdoulatif  yatangaje mu muhango wo gushyingura mu cyubahiro  imibiri 39 y’abazize Jenoside yakorewe abatutsi muri ako karere, yibukije intumwa ya Minisitiri w’umuco na Sport Guillaume Serge Nzabonimana wari witabiriye uwo muhango ko urwibutso rurimo kwangirika kandi nyamara uruhare rw’abaturage n’akarere mu kurwubaka bararurangije. Bakaba basaba Minisiteri y’umuco na Sport kuba yabaha inkunga yabemereye  bityo bakarangiza kwagura no gusana uru rwibutso .

Kuri iki kibazo cyagaragajwe n’akarere ka Nyabihu,intumwa ya Minisitiri w’umuco na Sport yavuze ko muri Minisiteri y’umuco na Sport hari gahunda y’inzibutso,inzibutso zikaba zishyirwa  mu byiciro ,hari inzibutso z’i Ntara n’inzibutso z’uturere.Muri izo nzibutso hari izirimo zibabaje kurenza izindi zizihutirwa gukorwa.

Gusa iyi ntumwa yavuze ko nk’uko bayisabye gukora ubuvugizi, igiye kubukora muri Minisiteri y’umuco na Sport kugira ngo mu nzibutso zaba ziteganywa gukorwa  n’urwa Nyabihu  rushyirwemo.