Tag Archive | "Rwanda Tourism"

Tags: , , , , , , , , , ,

Ngoma: Imigano iri kwifashishwa mu gukurura ba mukerarugendo

Posted on 18 January 2014 by peter

m_NgomaDist

Ibiti by’imigano byatewe ku  nkengero z’ikiyaga cya Sake  kuri hegitari 45  ngo bihagire ahantu nyaburanga kandi binabungabunge iki kiyaga ndetse bizifashishwe mu kuboha imitako izajya ituma ba mukerarugendo babasigira amadorali bayiguze.

Imirimo yo gukora iki gikorwa imaze amezi agera kuri atatu ikaba iteganijwe gutwara amafaranga agera kuri miliyoni 90 y’u Rwanda  yatanzwe n’ikigo  cy’umutungo kamere hamwe n’ikigo cy’igihugu cyo kurengera ibidukikije REMA mu mushingwa wayo witwa DEMP.

Uretse kuba iyi migano biteganijwe ko izatuma abaturage biteza imbere binyuze mu bukerarugendo,ngo hari na gahunda yo guhugura aba baturage mu kubyaza umusaruro iyi migano bigishwa kuyikoramo ibikoresho byo mu rugo nk’imeza intebe n’ibindi.

Umukozi w’ikigo cy’umutungo kamere akaba n’impuguke kugihingwa cy’imigano,Munyensanga Frederic,yavuze ko iyi migno atari ukubungabunga ikiyaga gusa ahubwo ko izanabazanira amafaranga menshi binyuze mu makoperative bakazaba bazafashwa mu guhugurwa uburyo bayibyaza umusaruro.

Yagize ati” Abo twatangiriyeho iyi gahunda imigano yabagiriye akamaro kanini ubu  mu makoperative yabo baracuruza imitako  ikozwe mu migano mu kinigi muri Musanze bayigurisha ba mukerarugendo,ahantu nkaha rero twiteze ko  abaturage bahaturiye bizabagirira akamaro kanini.”

Uyu mukozi akomeza avuga ko imigano ari ingirakamaro bityo ko bakangurira n’abaturage kuyihinga kugirango bazayibyazemo umusaruro kuko irinda isuri kandi ikanakorwamo ibikoresho byinshi.

Umukozi w’akarere ka Ngoma ushinzwe amashyamba,Uwiragiye Venant,nubwo iki gihingwa cy’umugano gisa naho ari gishya muri aka karere,abona nawe kizanye ubukungu mugihe cyakiriwe neza n’abaturage bakakibyaza umusaruro.

Yagize ati” Ubundi uretse no kuba bayibyaza umusaruro urabona ko ubwayo kuyibona izengurutse iki kiyaga ari ikintu nyaburanga kizakurura ba mukerarugendo ndetse n’bi biyaga byacu bikarekwa kwangirika. Abaturage rero ni babe maso aya mahirwe ntazabapfire ubusa.”

Kugera ubu igice cyambere cyo gutera iyi migano cyararangiye ikaba yaranafashe nkuko byagaragaye ubwo abakozi b’ikigo cy’umutungo kamere babisanze kuri uyu wa 14/01/2014.

Aya mafaranga agera kuri miliyoni ijana akaba ariyo azakoreshwa muri iki kigokorwa cyo gutera imigano kuri hegitari 45 z’inkengero z’ikiyaga cya Sake. Kugera ubu koperative y’inkeragutabara akaba ariyo yafashe isoko ryo gubikurikirana no gubitera iyi migano.

Comments (0)

Tags: , , , , , ,

Rwanda: Hari kwigwa uko ubukerarugendo bushingiye ku buvuzi bwatezwa imbere

Posted on 03 December 2013 by peter

m_Hari kwigwa uko ubukerarugendo bushingiye ku buvuzi bwatezwa imbere

Nubwo u Rwanda rutaratera imbere cyane mu buvuzi, hari abantu bava mu bihugu duturanye bakaza kuhivuriza, bakurikiye abaganga b’inzobere bataboneka iwabo, ndetse n’imitangire ya serivisi igenda iba myiza kurushaho. RDB rero yatangiye gutekereza uko ubukerarugendo bushingiye ku buvuzi bwatezwa imbere.

Christine Akuzwe, umukozi ukora mu ishami rishinzwe  guteza imbere abantu bakora ibijyanye no gutanga serivisi muri RDB, avuga ko hatangiye gukorwa inyigo izagaragaza igikwiye gukorwa mu Rwanda kugira ngo abaza kuhivuza biyongere, mbese nk’uko byifashe mu bihugu nk’Ubuhinde, Afurika y’epfo, …

Imvano y’iki gitekerezo ni ukuba RDB yarabonaga guteza imbere ubukerarugendo bushingiye ku buganga byakwinjiza amadevise, dore ko ngo mu mwaka wa 2010, ubukerarugendo bushingiye ku buvuzi bwinjije amadorari miliyari 100 ku isi hose. Igihugu cy’Ubuhinde cyonyine ngo cyinjije miriyari 2,4 by’amadorari, aya akaba ari 7% by’amafaranga yinjijwe muri iki gihugu.

Indi mpamvu yo gutekereza guteza imbere ubukerarugendo bushingiye ku buvuzi mu Rwanda, ni ugutuma urwego rw’ubuzima rutera imbere, bityo abaturage bakabasha kubona abaganga babasha kubungabunga ubuzima bwabo hafi yabo.

U Rwanda rero na rwo rwatangiye kwiga uko rwaba igihugu kiganwa n’abaza kuhivuriza benshi, bityo ku bukerarugendo bushingiye ku mapariki, ku muco no ku bucuruzi biri kwitabwaho kuri ubu, hakiyongeraho n’ubushingiye ku buvuzi.

Iki gitekerezo cyavutse mu gihe u Rwanda rutaratera imbere cyane mu bijyanye n’ubuvuzi. Igiteganyijwe ni ugukora ku buryo haboneka amashuri yigisha iby’ubuganga atanga abaganga benshi kandi bashoboye, hakanongerwa abaganga b’inzobere mu kuvura indwara zitandukanye ndetse n’ibikoresho byo kwifashisha mu kuvura.

Ikindi giuteganyijwe, ni ugukora ku buryo imitangire ya serivisi irushaho kunoga, bityo abaza mu Rwanda bakishimira uburyo bakiriwe, bityo bakaba batuma n’abandi bahaza.

N’ubwo ibi byose bitaboneka vuba na vuba kubera ko bisaba ubushobozi bwinshi ndetse n’igihe kugira ngo bigerweho, hatekerejwe indi nzira y’ubusamo yo kwifashisha: kuzana amavuriro azwi ku rwego mpuzamahanga agashinga amashami yayo mu Rwanda. Ibi byo ngo byaranatangiye.

Christine Akuzwe ati “Hari ivuriro ry’amaso Agarwal Eye Hospital rizwi cyane mu Buhinde no hirya no hino ku isi ryatangiye gukorera i Kigali. Ubungubu bavura abantu 200 ku kwezi, ariko bateganya kuzajya bavura abagera kuri 500 baturutse hirya no hino mu bihugu bya Afurika.”

N’andi mavuriro azwi rero ngo azasabwa kuza mu Rwanda, bityo Abanyarwanda bazajye bivuriza hafi batarinze gutanga amafaranga menshi bajya kwivuriza mu mahanga.

Undi mumaro w’amavuriro nk’aya, ni ukuzana inzobere Abanyarwanda bazigiraho, bityo babashe kwigira hafi kandi ari benshi.

Comments (0)

Tags: , , , , , ,

Abanyanigeriya basanga igihugu cyabo cyakwigira ku Rwanda mu gusigasira amateka ashingiye ku muco

Posted on 08 November 2013 by peter

Abanyanigeriya 66 bakora mu rwego rw’ubutabera bari mu Rwanda kuva mu cyumweru gishize tariki 6/11/2013,basuye Ingoro y’Umwami Mutara wa III Rudahigwa iri ahitwa mu Rukali mu karere ka Nyanza nyuma batangaza ko  basanga igihugu cyabo cyafatira isomo ryiza ku Rwanda mu birebana no gusigasira amateka ashingiye ku muco.

Ibi byatangajwe na Hon. Ayotunde Phillips wari ubayoboye muri urwo ruzinduko ariko ubusanzwe akaba ari perezida w’Urukiko Rukuru i Lagos mu murwa mukuru w’igihugu cya Nigeriya.

Nyuma y’uko itsinda ryabo banyanigeriya ryari rimaze gusura ibice bitandukanye by’ingoro yo mu Rukari kandi ari nako banasobanurirwa amateka y’abami bategetsi u Rwanda rwo hambere batangajwe no kubona buri kimwe cyose kijyanye n’amateka ashingiye ku muco w’abanyarwanda bihaboneka ngo bitandukanye n’uko iwabo muri Nigeriya bimeze.

Mu bice byose bigize iyi ngoro yo mu Rukali babitambagijwemo berekwa aho inzoga n’amata byaterekwaga kimwe naho Umwami n’umugabekazi we babaga bishimira uburyo ayo mateka yose asigasiwemo. Perezida w’urukiko Rukuru rwa Nigeriya Hon. Ayotunde Phillips ubwo yagiraga icyo avuga kuri urwo rugendo bakoze bagasura ingoro yo mu Rukali.

Yabivuze muri ubu buryo agira ati: “ Nyuma yo gusura iyi Ngoro ndangamateka njye n’abagenzi banjye biradushimishije cyane ku buryo twasanze mu gihugu cyacu byanatubera isomo rishingiye ku byo twabonye n’ibyo twiyumviye”.

m_Abanyanigeriya basanga igihugu cyabo cyakwigira ku Rwanda mu gusigasira amateka ashingiye ku muco

Bamwe mu banyanigeriya basuye Ingoro yo mu Rukali

Agereranya inzu ndangamateka zo muri Nigeriya ndetse n’iyo Ngoro yo mu Rukali basuye yavuze ko zitari ku rwego rwumwe. Ati: “Mu ngoro Ndangamateka z’iwacu usanga zivuga amateka mu buryo butuzuye ariko hano haragaragazwa ishusho y’amateka y’abami bo hambere, hakerekanwa ahari uburiri bwabo aho banyweraga ndetse n’ibindi byagiye bibaranga mu bihe bitandukanye”

Nk’uko yakomeje abisobanura ngo u Rwanda rwabera umwarimu mwiza igihugu cya Nigeriya mu birebana n’uburyo bwo kwita ku ngoro ndangamurage ndetse no gusigasira muri rusange ibimenyetso biziranga.

m_Abanyanigeriya basanga igihugu cyabo cyakwigira ku Rwanda mu gusigasira amateka ashingiye ku muco1

Abanyanigeriya hamwe n’umukozi w’ingoro z’umurage w’u Rwanda wambaye ibishura bitukura

Umuliisa Alphonse umuyobozi mukuru w’Ingoro z’Umurage w’u Rwanda yishimiye ko abanyamahanga bazisura bishimira cyane amateka ashingiye ku muco w’abanyarwanda babwirwa ndetse n’ibimenyetso byawo by’umwimerere bashobora kwibonera n’amaso yabo.

Ngo kuba abaza bose gusura bagenda bashimagiza ibyo babonye n’ubusobanuro bahawe ni ikimenyesto cy’uko baba banyuzwe kandi bagize isomo bakura ku Rwanda mu birebana n’umuco ubaranga urimo kugira isuku, ikinyabufura n’izindi ngandagaciro nziza batozwa kugira.

Ingoro yo mu Rukali yaherukaga gusurwa n’abantu benshi b’abanyamahanga tariki 23/10/2013 ubwo  abagize umuryango w’ibihugu bya Commonwealth bikoresha ururimi rw’icyongereza nabo bayigendereraga bashaka kumenya amwe mu mateka y’ingenzi ashingiye ku muco w’abanyarwanda.

Comments (0)

Tags: , , , , , , ,

Nyamagabe focuses on protection of Nyungwe National Park

Posted on 10 July 2013 by peter

The Security Council meeting that brought together all security personnel, executive leaders from sectors neighboring Nyungwe National Park and different partners in development convened on Wednesday the 3rd.July.2013.

Nyamagabe focuses on protection of Nyungwe National Park

Nyungwe National Park wilderness

This meeting was discussing the strategies to reduce the projects that cause insecurities to Nyungwe National Park including bee keeping, hunting, stone quarrying, and deforestation among others.

Fire in the park is one of the issues that are worrying park keepers especially in sunny period. According to the management of the Nyungwe National Park, 12% of its land has been affected by scorching fire in different periods since 1997 to 2010.

Louis Rugerinyange the director of Nyungwe National Park says the strategies that were put in place to reduce fire in the park were effective. This is so since between 2011 and 2012, only 8 hectares were affected by fire when only in 2010, 300 hectares were burned down.

“Strategies of sensitizing people to protect the park with the support of local authorities and security personnel have been so helpful and effective” says Rugerinyange.

Nyamagabe focuses on protection of Nyungwe National Park

Louis Rugerinyange the director of Nyungwe National Park

“Apart from disrupting the natural course of life in the park, fires destroy the park in a way that it takes years for the wilderness to grow again” says Innocent Ndikubwimana the researcher in the park.

“Nature has its own way in the park and it may require about 15 years for the land to be the way it was before the fire. It requires a lot of hard work removing grasses and giving way to trees” he goes on to explain.

The cooperative for professional bee keepers in Kitabi sector says bee keepers who do their work in chaos are the ones causing this havoc in the park setting fire ablaze.

It is in 2005 when the wilderness of Nyungwe was transformed into Nyungwe National Park. It has 1019 hectares, it gives refuge to more than 300 creatures and 300 types of birds and it is the source of 70% provisions of water in Rwanda.

Comments (0)

Tags: , , , , , , , ,

RUSIZI: Abaturage baturiye Pariki y’igihugu ya nyungwe barasabwa kuyirinda

Posted on 10 July 2013 by peter

sNyuma y’imyaka myinshi habaho ubukangurambaga bwo kubuza abangiza ishyamba rya nyungwe, abayobozi b‘iyi pariki barishimira intambwe imaze guterwa kuko imyumvire y’abaryangizaga igenda ihinduka umunsi kuwundi nkuko bitangazwa n’umuyobozi wayo Rugerinyange Loane, ashima cyane uruhare rw’ inzego z’ibanze kuko ngo kwangirika kw’ iri shyamba byaterwaga n’imyumvire y’abaturage yari ikiri hasi ariko ngo kuva aho babumvishirije akamaro iyi pariki ibafitiye ngo ibikorwa byayangizaga byaragabanutse.

Bimwe mubyazaga ku isonga mukwangiza iyi pariki harimo ba rutwitsi, Abahigi, abacukuzi b’amabuye y’agaciro n’ibindi, gusa ngo nubwo bitaracika burundu hari icyizere cy’uko muminsi iri imbere iyi pariki izaba imeze neza kuko ntakizaba kiyihungabanya mubice byo muburengerazuba bw’igihugu aho iyi pariki ihurira n’uturere twa Rusizi na Nyamasheke.

 Ahakunze kurangwa ibikorwa bibi byo kwangiza iyi pariki ni mu murenge wa Mbweyeye na Butare kuko ngo iyi mirenge irimo abari barahejejwe inyuma n’amateka bari baramenyereye gutungwa no kwirirwa bahiga inyamaswa ndetse no gucukura bashaka amabuye, gusa abo ngo bamaze kubonako iyi pariki ibafatiye runini kubera ibyo imaze kubagezaho harimo n’ikigo nderabuzima cya bweyeye dore ko ngo ariryo vuriro bari babonye mumateka yabo muri uwo murenge.

Muhirwa Philippe, umunyamabanganshingwabikorwa w’umurenge wa Bweyeye atangaza ko bakoze igikorwa cyo guhuriza hamwe ba ruharwa mu kwangiza iyi pariki dore ko ngo bari basanzwe bazwi, babasobanurira akamaro iyi pariki ibafitiye bahereye kumavuriro bamaze kugezwaho ibyo ngo byatanze umusaruro munini kuko ngo byatumye abaturage bitwararika banagabanya ibikorwa byo kwangiza Iyo pariki

Comments (0)

Tags: , , , , , , , ,

Nyamagabe: Hatewe intambwe ishimishije mu guhangana n’inkongi z’umuriro zibasira pariki y’igihugu ya Nyungwe

Posted on 06 July 2013 by peter

m_01

Mu nama yahuje inzego z’umutekano, abayobozi b’imirenge ikora kuri pariki ya Nyungwe  ndetse n’abandi bafatanyabikorwa yabaye kuri uyu wa Gatatu tariki 3/07/2013, bagarutse ku ngamba zo gukumira ibikorwa bikunze kubangamira pariki y’igihugu ya Nyungwe birimo ubuvumvu, ubuhigi, ubucukuzi bw’amabuye y’agaciro, gutema ibiti n’ibindi.

Ikibazo cy’inkongi z’umuriro ni kimwe mu bihangayikisha abashinzwe gucunga Pariki y’igihugu ya Nyungwe mu gihe cy’impeshyi. Ubuyobozi bwa Pariki y’igihugu ya Nyungwe bugaragaza ko 12 % by’ubuso bwayo bwagizweho ingaruka n’inkongi z’umuriro zagiye ziyibasira mu bihe bitandukanye kuva mu mwaka wa 1997 kugeza mu wa 2010.

Umuyobozi wa Pariki y’igihugu ya Nyungwe, Rugerinyange Louis avuga ko ingamba zashyizweho mu rwego rwo gukumira inkongi z’umuriro zatanze umusaruro ushimishije kuko ngo hagati ya 2011 na 2012 hahiye hegitari zitarenga umunani mu gihe ngo muri 2010 hari hahiye hegitari 300.

Ati: “Ingamba zo gukangurira abaturage kwirinda kwangiza pariki dufatanya n’abayobozi b’ibanze n’inzego z’umutekano nizo zatumye tubasha guhangana n’icyo kibazo”.

Inkongi z’umuriro ngo zibangamira cyane pariki y’igihugu ya Nyungwe ngo kuko uretse kwangiza urusobe rw’ibinyabuzima binasaba imyaka itari mike kugira ngo ahahiye hongera hamere ishyamba nk’uko bivugwa na Ndikubwimana Innocent ushinzwe ubushakashatsi muri iyi pariki.

Ati: “Imiterere y’ibimera muri iyi pariki irihariye ku buryo bishobora gutwara nk’imyaka 15 kugira ngo ahahiye hongere kumera ishyamba kuko habanza kumera ibyatsi bityo imbuto z’ibiti ntizibone uko zimera bikadusaba gushyiraho uburyo bwo gutema ibyo byatsi  kandi bitwara igihe”.

Koperative y’abavumvu babigize umwuga mu murenge wa Kitabi ivuga ko abagikora uyu mwuga mu kajagari ari bo bagira uruhare rwa hato na hato mu nkongi z’umuriro ziboneka muri iyi Pariki, akaba abasaba kubagana bagafatanya ngo kuko batazabahishira.

Kuba hari intambwe yatewe mu gukumira inkongi zibasira Pariki ya Nyungwe ni ibigaragara mu mibare ariko kandi abashinzwe iki gikorwa bavuga ko hadakwiye kubaho kwirara.

Muri 2005 nibwo ishyamba kimeza rya Nyungwe ryagizwe Pariki y’igihugu ya Nyungwe ikaba ifite ubuso bwa hegitari 1019. Pariki y’igihugu ya Nyungwe ni indiri y’urusobe rw’ibinyabuzima n’amoko y’inyoni asaga 300 kandi abayishinzwe bakavuga ko ari inkomoko y’amazi aboneka mu gihugu ku rugero rwa 70%.

Comments (0)

Tags: , , , , , , , , ,

Rutsiro : Ubukerarugendo n’ishoramari mu minsi iri imbere biraba biri ku rwego rushimishije

Posted on 03 July 2013 by peter

01

Ubuyobozi bw’akarere ka Rutsiro buvuga ko hariho gahunda yo kongera ibikorwa remezo birimo imihanda, amahoteli ndetse no gutunganya ahantu nyaburanga mu rwego rwo gukomeza guteza imbere ubukerarugendo n’ishoramari muri ako karere.

Imiterere y’akarere ka Rutsiro ituma kaba kamwe mu turere tw’igihugu tuberanye n’ubukerarugendo. Ni ko karere gafite amazi magari y’ikiyaga cya Kivu kurusha utundi turere two mu Rwanda dukora kuri icyo kiyaga. Ni akarere k’imisozi miremire kabonekamo amashyamba kimeza, igihingwa cy’icyayi na cyo gituma imisozi n’ibibaya byako binogera ba mukerarugendo.

Muremera Gervais, umuyobozi w’uruganda rutunganya kawa rukorera mu murenge wa Boneza, bakaba bafite n’inyubako icumbikira abashyitsi, avuga ko bashyizeho iyo nyubako mu mwaka wa 2010 bagamije gufasha ba mukerarugendo bagenda ku nkengero z’ikiyaga cya Kivu, mu rugendo rwitwa Congo Nile Trail bakabura aho bacumbika.

Ba mukerarugendo bakunze kuhaboneka ngo harimo ababa bagenda n’amaguru, abagenda n’amagare, hakaba n’abandi bakoresha imodoka.

Abo ba mukerarugendo ngo hari ababa bagenzwa no kureba ikiyaga cya Kivu, bamwe muri bo bakaba basanzwe banywa ikawa, ariko batazi imibereho yayo, uko ihingwa, uko itunganywa mu ruganda kugeza igeze mu gihe cyo kunyobwa. Ibyo byose ba mukerarugendo iyo bahageze babasha kubisobanurirwa.

Ku bijyanye n’ubwitabire, Muremera avuga ko ba mukerarugendo bagenda biyongera agereranyije n’igihe batangiraga kubacumbikira.

Ati “ Ubashije kuhagera akareba uburyo tumwakiriye, aragenda akabibwira abandi ku buryo imibare yabo iri kugenda yiyongera umunsi ku wundi.”

Ba nyiri iryo cumbi bafite imirima itandukanye y’imbuto ku buryo uje bamwereka uko zitunganywa yaramuka ashaka kuzirya ari we wazisoromeye akanazitunganyiriza bakabimwemerera. Ngo hari n’abahagera bashaka kujya koga mu Kivu, gutembera ku birwa bya Bugarura na Kasenyamakoma, abashaka kureba uko uburobyi bukorwa mu Kivu cyangwa se gutwara ubwato na byo bakabibafashamo. Ngo hari n’abashaka kuragira inka ndetse no kuzikama kugira ngo bumve uko bimera, ndetse banywe n’amata bikamiye na byo bakabibafashamo kuko inka na zo zihari.

Imbogamizi ba mukerarugendo bavuga ko bahura na zo mu gihe batembera mu karere ka Rutsiro ngo ni ibyapa bikiri bicye ku mihanda biyobora abagenzi. Indi mbogamizi ikomeye ngo ni imihanda mibi ikunze kubangamira abagenda n’amaguru kimwe n’abagenda ku magare.

Muremera ati “Mukerarugendo araza akakubwira ko ari heza, ariko akakubwira ko ikibazo cy’ingorabahizi ari umuhanda.”

Hariho ingamba zigamije guteza imbere ubukerarugendo n’ishoramari mu karere

Umuyobozi w’akarere ka Rutsiro wungirije ushinzwe ubukungu, imari n’iterambere, Nsanzimfura Jean Damascene avuga ko hari ibikorwa byinshi bitandukanye birimo gushyirwamo ingufu ku buryo mu minsi iri imbere ubukerarugendo mu karere ka Rutsiro buzaba buri ku rwego rushimishije.

Ibyo abyemeza ashingiye ku kuba umuhanda munini uhuza Karongi na Rubavu unyuze mu karere ka Rutsiro uza gutangira gushyirwamo kaburimbo mu mwaka utaha wa 2014. Ibi ngo bizatuma akarere na ko gahita gatunganya indi mihanda mito mito izaba iwushamikiyeho. Ikorwa ry’uwo muhanda kandi ngo rizajyana no gushyiraho ibyapa bisobanutse byerekana ahantu hatandukanye ho gutemberera ndetse n’ahakorerwa imirimo itandukanye yaba iy’ubuyobozi ndetse n’iy’abikorera ku giti cyabo.

Akarere ka Rutsiro karateganya ko ku nkengero z’ikiyaga cya Kivu hazaba hubatse amahoteli abiri mu gihe cya vuba nk’uko bigaragara mu igenamigambi ry’akarere ry’imyaka itanu, ayo mahoteli akazaba aje kunganira indi hoteli iri kubakwa hafi y’ibiro by’akarere.

Ubuyobozi bw’akarere buherutse no kuganira n’abantu bo muri Minisiteri y’Imari n’Igenamigambi (MINICOM) ku bijyanye no gukangurira abashoramari kuza muri ako karere bakubaka ikibuga cy’umukino wa Golf ku nkengero z’ikiyaga cya Kivu. Icyo kibuga ngo kizajyana no kubaka Hoteli hafi yacyo, dore ko uwo mukino uzwiho kuba ukinwa kandi ugakundwa n’abakire.

Umuyobozi w’akarere wungirije ushinzwe ubukungu, Imari n’iterambere arashishikariza n’abandi bashoramari kwitabira kugura ibibanza byo kubakamo ibikorwa by’iterambere ku nkombe z’ikiyaga cya Kivu kuko bikiri kuboneka. Yizeza abashoramari ko mu minsi iri imbere umuhanda numara gukorwa aho hantu hazaba haberanye n’ishoramari.

Comments (0)

Tags: , , , , , , , , ,

RUSIZI: Barushimusi bangiza Pariki ya Nyungwe bagiye guhagurukirwa

Posted on 09 June 2013 by peter

01Nyuma y’aho bikomeje kugaragara ko Pariki y’igihugu ya Nyungwe ikomeje kwangizwa na barushimusi bikabije  kuko bakora ibikorwa byo kuyirandura burundu byiganjemo Kwica inyamaswa ziyituyemo, Kuyicukuramo amabuye y’agaciro ndetse no gutema ibiti biyigize.  abayobozi b’iyi pariki biyambaje inzego zitandukanye zo mu turere twa Rusizi na Nyamasheke dore ko bose bahurira kuri iyo Pariki kugirango babafashe gukumira abo barushimusi bakomeje kubangamira umutekano w’ibinyabuzima bituye muri pariki y’Igihugu ya Nyungwe

abakozi ba b’ikigo cy’igihugu gishinzwe iterambere (RDB)muri iyi nama babajije impamvu abangiza pariki bashyikirizwa ubutabera bukabarekura kandi bafatanywe inyamaswa bishe, ibyo ngo basanga ari bimwe mubituma iyi pariki y’igihugu yazibagirana kuko abarekuwe aribo basubira muri ibyo bikorwa bibi

Ni muri urwo rwego muri iyi nama habayeho ubufatanye n’inzego z’ubutabera kugira ngo ababifatirwamo bajye bahanwa by’intangarugero, ndetse baburanishishirizwe iwabo aho batuye kugirango bibere bagenzi babo isoma ryo kutangiza pariki

Muri iyi nama kandi yahuje abanyamategeko, inzego z’ubutabera,  Abanyamabanganshingwabikorwa b’imirenge ikora kuri pariki ya nyungwe bo muri utwo turere, inzego z’umutekano  n’ubuyobozi bw’ikigo cy’igihugu gishinzwe Iterambere RDB, bose hamwe bunguranye ibitekerezo binyuranye, aho inzego z’ibanze zasabwe kumva ko iyi pariki iri munshingano zabo nk’abanyarwanda ndetse bakaba basabwe kujya bahiga imihigo yo kutagira ibiyangiza

Bizimungu Francois ni umwe mubakora mu ishami ry’ubukerarugendo no kubungabunga amapariki nu kigo cya RDB yatangaje ko mubyifuzo byabo hajya hahanwa abantu bagira uruhare mu kwangiza iyi pariki kuko ari imwe muri pariki zinjiriza igihugu amafaranga bityo bikagira uruhare mubukungu bwacyo.

Ibi bikorwa bya ba rushimusi ngo bigaragara cyane  mu mirenge ya Butare na Bweyeye yo mu Karere ka Rusizi. Aha ariko abanyamategeko batangaje ko mu kurekura ba rushimusi biterwa akenshi no kubahiriza amategeko aho usanga abafashwe babura uko babashyikiriza ubutabera kubera urugendo rurerure bigatuma amasaha ntarengwa bagomba kumara mubugenzacyaha bwa Polisi arenga bigatuma barekurwa .

Bamwe mu batungwa agatoki mu kwangiza iyi Pariki ya Nyungwe ni abahejejwe inyuma n’amateka bavuga ko kuva kera kose batungwaga n’ibiva muri iyi pariki, iyo myumvire akaba ariyo bakigenderaho kugeza magingo aya. Sibomana Placide ni Umunyamabanga Nshingwabikorwa w’Umurenge wa Butare atangaza ko mu gukumira aba barushimusi bakwiye kubashakira ibyo bakora bibafasha kwikura mubukene.

Umwaka ushize wa 2012 muri iyi pariki hateguwe imitego ibihumbi 4 bivuze ko hashobara kuba harapfuye inyamaswa zirenga uwo mubare kuko iyo ni imwe muyabonetse kandi ishyamba ari rinini naho mukwezi wa 5 gushize hamaze gufatwa inyamaswa 35 nazo izo ni izabonetse.

Comments (0)

Abaturiye Parike y’Akagera barasabwa kurushaho kuyibungabunga kuko bazajya basaranganywa ku musaruro uyikomokaho

Tags: , , , ,

Abaturiye Parike y’Akagera barasabwa kurushaho kuyibungabunga kuko bazajya basaranganywa ku musaruro uyikomokaho

Posted on 16 May 2013 by peter

Abaturiye Parike y’Akagera barasabwa kurushaho kuyibungabunga kuko bazajya basaranganywa ku musaruro uyikomokaho

Abaturage batuye mu nkengero za Parike y’Akagera barasabwa kurushaho kuyibungabunga kugira ngo itange umusaruro ufatika, kuko hari gahunda yo gusaranganya n’abaturiye Parike umusaruro w’ibikomoka ku bukerarugendo buyikorerwamo.

Ngoga Telesphore ushinzwe guhuza Parike z’igihugu n’abazituriye, akaba anashinzwe ishami ryo kubungabunga Parike z’igihugu mu kigo cy’igihugu cy’iterambere RDB, avuga ko mu gihe umusaruro w’ibikomoka ku bukerarugendo wiyongereye, n’uruhare ruhabwa abaturiye Parike ruzajya ruhita rwiyongera, ari na yo mpamvu basabwa kurushaho kuyibungabunga.

Ati “Muri gahunda dufite yo gusaranganya n’abaturiye Parike umusaruro ukomoka ku bukerarugendo, abasura Parike nibiyongera umusaruro wa parike uziyongera, rwa ruhare ruhabwa abaturage na rwo rwiyongere barusheho gutera imbere”

Yongeraho ko uko Parike isurwa n’abantu benshi bituma n’isoko ry’ubukerarugendo ryiyongera, n’abayituriye na bo bakaba bafite ibyo bashobora kugurisha ku nzira ya bamukerarugendo, cyane cyane abafite ibikorwa by’ubukorikori kuko baba bafite isoko ryoroheje.

N’ubwo ubuyobozi bwa Parike y’Akagera buvuga ko hari gahunda yo kujya busaranganya n’abaturage umusaruro w’ibikomoka ku bukerarugendo bukorerwa muri iyo Parike, haracyari n’imbogamizi y’abantu bahiga inyamaswa za Parike na barushimusi muri rusange nk’uko Ngoga akomeza abivuga.

Agira inama abaturage baturiye Parike yo kujya batungira agatoki ubuyobozi umuntu uwo ari we wese wangiza Parike kuko aba ahemukira abaturage benshi agamije inyungu ze bwite. Ibyo ngo byatuma Parike irushaho gutera imbere inyungu igirira igihugu muri rusange n’abayituriye ku buryo bw’umwihariko zikarushaho kwiyongera.

Abaturage batangiye gusobanukirwa n’akamaro ko kubungabunga Parike nk’uko bivugwa na Muhawenimana Firipo wo mu murenge wa Mwili mu karere ka Kayonza. Ibyo ngo abivuga ashingiye ku bufatanye bumaze iminsi bugaragara hagati y’abaturage n’inzego z’umutekano mu gukumira ba rushimusi bajya guhiga muri Parike y’Akagera.

Kuva mu kwezi kwa 01/2013 kugeza ubu, mu murenge wa Mwili hamaze gufatirwa ba  rushimusi bagera kuri 19 bagiye guhiga muri Parike y’Akagera ku buryo bunyuranye n’amategeko.

 

Comments (0)

Historical Hotel Faucon to be renovated

Tags: , , , , , , , ,

Rwanda : Historical Hotel Faucon to be renovated

Posted on 31 January 2013 by peter

Historical Hotel Faucon to be renovated

The Huye district council has finally resolved on a decision to renovate a historical hotel (Hotel Faucon) and recommended that the process should ensure that historical artifacts, be preserved in the process.
Hotel Falcon is located in the former Butare province (now Huye district) – which was considered as the administrative region of the colonial rulers in Rwanda.
The District Mayor, Eugene Kayiranga Muzuka said on January 28th that the renovation and upgrading project on the hotel will be done in consultation with the Institute of National Museums and the current owners of the hotel. He also said that the project timeline will be discussed on a later stage.
The hotel contains a special room that used to be occupied by Rwanda’s King- Mutara III Rudahingwa and other historical artifacts including rooms that used to be occupied by the Belgian royal families.
The council meeting said that while it is necessary to revamp the hotel among other old fashioned building that are mostly seen in Huye district, the historical aspects and features of the hotel should be maintained.
Residents say that Faucon Hotel used to be the most prestigious and perfect spot for the high class citizens and local leaders (who were known as chefs) between the 50’s and 60’s.
Yohani Batista Sebukangaga, who is now in his early 70’s, says that this hotel is considered to be the symbol of the region and it was also a place where the King of Burundi (King Mwambutsa) used to be hosted while on his visit to Rwanda.
Faucon Hotel is believed to have been constructed in 1943, and it belonged to a Belgian called Faucon. The hotel was set ablaze and rehabilitated in 1962 and sold to local entrepreneurs.
 

Comments (0)

Advertise Here