Tag Archive | "tourism"

Intebe y’umwami Ruganzu ishobora gusibangana kubera kuyifata nabi

Tags: , , , , , , , , , ,

Intebe y’umwami Ruganzu ishobora gusibangana kubera kuyifata nabi

Posted on 15 January 2016 by peter

Intebe y’umwami Ruganzu ishobora gusibangana kubera kuyifata nabi

Ishobora kuzacika burundu kubera abacukura amabuye baba bashaka kuyangiza

Intebe y’umwami Ruganzu iri mu kagari ka Kanazi mu murenge wa Nyamata mu karere ka Bugesera ishobora gusibangana kubera gufatwa nabi.

Impamvu iyi ntebe ishobora kuzasibangana burundu ni ukubera abantu baza gucukura amabuye yo kubaka bashobora kuzayangiza.

Iyi ntebe iherereye ku gasozi ka Rebero kubera ukuntu itarinzwe ndetse n’igisoro byari biri kumwe cyo kikaba cyaribwe nk’uko Habinshuti Aimable, umuyobozi w’inama y’ubutegetsi w’inzu ndangamuco  ya Mayange abivuga.

Ati “ ahari ayo mateka ntabwo harinzwe, ku Irebero hari intebe y’Umwami Ruganzu II Ndoli, igisoro cyo barakibye, ni ahantu hegeranye n’aho abaturage bacukura amabuye, birashoboka ko ari bo batwaye icyo gisoro cyari gikoze mu ibuye. Intebe na yo ubona ko iri mu bibazo bashobora kuzayitwara hatabayeho uburyo bwo kuzitira cyangwa se gucunga umutekano wayo”.

Intebe y’umwami Ruganzu ishobora gusibangana kubera kuyifata nabi

Intebe y’umwami Ruganzu iri ku gasozi ka Rebero

Kenyemera Peter ni umuturage uturanye n’ahari iyo ntebe avuga ko bitoroshye gusobanura amateka y’ibuye rinini, ariko kandi uburyo riteye nk’intebe, yicarwaho n’abantu batatu.

Ati “ iyi biteye amatsiko kuko ari ibuye ntiridasanzwe, ntitwahamya ko ari intebe ya Ruganzu Ndori cyangwa se iya Nsoro Samukondo  wayoboye u Bugesera. Gusa uwayibaje n’umuhanga kuko iri kugasozi aho umwami yayicaragaho yitegeye igihugu cyose”.

Umusaza Nkurenkundi Andreya ufite imyaka 94 akaba yaravukiye ku musozi wa Rebero, agira ati “nta mwami wicaye ku musozi wa Rebero kuri iyi ntebe, ahubwo hicaragaho abatware”.

Mu rwego rwo kubungabunga ibikorwa biranga amateka ya kera nk’aya yashyizwe ho ikigo cy’itwa “Mayange Tourism Campany” ariko noneho bakaba basaba ingufu z’ubuyobozi.

Comments (0)

Tags: , , , , , , ,

Bugesera: Hatangijwe ikigo kizateza imbere ubukerarugendo

Posted on 14 November 2015 by peter

Abantu barasura iyo nzu baje kwiga amateka

Abantu barasura iyo nzu baje kwiga amateka

Mu karere ka Bugesera mu murenge wa Mayange hatangijwe ikigo Mayange Tourism Company igamije guteza imbere ubukerarugendo.

Nyiranzabandora Suzana, umwe mu banyamuryango ba Mayange Tourism Company ikora ibikorwa by’ubucyerarugendo mu karere ka Bugesera, Company yatangiye ari Koperative RWANDA NZIZA mu mwaka wa 2008 igizwe n’abaturage bibumbiye mu makoperative afashwa n’umushinga wa Millenium mu murenge wa Mayange.

 Inzu ndangamuco yatashwe aho ibitse amateka ya kera

Inzu ndangamuco yatashwe aho ibitse amateka ya kera

Aravuga uburyo iyi Koperative yaje guhinduka Company yahinduye imyumvire yabo, haba gutinyuka kuvugana n’abacyerarugendo baturutse mu bihugu bitandukanye, byiyongeraho iterambere abaturage bageze ho; ibintu anahuje na bagenzi be.

Ati “ mbere natinyaga abazungu ariko ubu nsigaye mbatinyuka tukaganira nkabatembereza maze nkabona amafaranga yo kwiteza imbere. Ubu nari mfite inzu imeze nabi yenda kungwaho ariko ubu narayubatse kuburyo ngiye kuyigurisha ntabura miliyoni zirenga eshanu”.

Umuyobozi mukuru wa Mayange tourism Company LTD, Egide Ntakirutimana avuga ko kugira ngo ibi bikorwa by’ubucyerarugendo byinjire no mu baturage batuye akarere ka Bugesera, babagabanyiriza ibiciro byo gusura ahantu nyaburanga muri aka karere.

“ ibi byiyongeraho ko amafaranga abivamo afasha abaturage mu bikorwa by’iterambere nk’ubuhinzi, akanafasha abatishoboye kuteza imbere”.

Umuyobozi w’akarere ka bugesera RWAGAJU Louis yijeje ubufasha abatangije ibi bikorwa mu kumenyekanisha ibikorwa bakora.

Ati “akarere kazabaha kongera ibikorwaremezo nk’imihanda, amacumbi,amashanyarazi, gutunganya ibiyaga n’ibibaya dore ko biri mu bikorerwamo ubucyerarugendo”.

Hazajya higirwa n’imirimo yakorwaga hambere

Hazajya higirwa n’imirimo yakorwaga hambere

Uretse akarere katanze ikibanza cyo kubakaho inzu ndangamuco umushinga Millennium Village project wateye inkunga ayo makoperative, aho umuyobozi wayo Ndahiro Donald yababwiye ko batazabatererana ahubwo bazabafasha kubamenyekanisha kugirango babashe kubona amasoko.

Ibikorerwaho ubucyerarugendo mu karere ka Bugesera, birimo ibiyaga, ibishanga n’ibibaya biri mo inyamaswa zitaboneka ahandi nk’inyoni, ibikorwa by’ubuhinzi uduce nyaburanga turimo nk’urwobo rwa Bayanga, intebe y’umwami Ruganzu n’ahandi.

Comments (0)

Harasabwa ko Mukura na Gishwati bigirwa Pariki.

Tags: , , , , , , , ,

Harasabwa ko Mukura na Gishwati bigirwa Pariki.

Posted on 13 November 2015 by peter

Harasabwa ko Mukura na Gishwati bigirwa Pariki.

Umuyobozi w’akarere wungirije ushinzwe ubukungu Nsanzimfura Jean Damascene

Amashyamba ya   Mukura na Gishwati   akora ku turere 4 tw’intara y’uburengerazuba yamaze kugirwa Pariki  agiye kuvugururwa ariko ngo agomba gufatwa neza.

Ikigo cy’igihugu gishinzwe kurengera ibidukikije  REMA giherutse gusinyana amasezerano n’uturere dukora kuri aya mashyamba kugira ngo gitangire kuyasana binyuze mu mushinga wacyo ushinzwe kugarura ishusho kamere no kubungabunga amashyamba LAFREC(Landscape Approch to forest Restoration and Conservation).

Patrick Nsabimana umuhuzabikorwa w’umushinga Lafrec aganira n’ubuyobozi bw’akarere ka Rutsiro kuwa 11 Ugushyingo 2015  yavuze ko bari kuzenguruka mu turere twa Nyabihu,Ngororero,Rubavu na Rutsiro dukorwaho n’aya mashyamba kugirango ubuyobozi bukangurire abaturage kuzayabungabunga babwira ibyiza by’ibidukikije.

Yagize ati” Nk’umushinga ushinzwe gufasha icyemezo cy’uko aya mashyamba yagizwe pariki dufasha guteramo ibindi biti tuyasubiranya,abayobozi rero nk’uko aya mashyamba ari mu turere twabo turabasaba ko bazadufasha kuyakurikirana kugirango azabeho ighe kirekire atangijwe “.

Umuyobozi w’akarere wungirije ushinzwe ubukungu Nsanzimfura Jean Damascene yatubwiye ko ubuyobozi bugomba gushyigikira uyu mushinga kuko ngo kuvugurura aya mashyamba bibafitiye inyungu nyinshi.

Ati”uyu mushinga uje ari igisubizo kuko icya mbere uzatanga akazi ku baturage bacu ikindi kandi ni uko ibidukikije nk’akarere tuzakora ubukangurambaga tubabwira akamaro k’ishyamba ndetse tunakumira abantu bose baryangiza “.

Uyu mushinga LAFREC mu karere ka Rutsiro uzasana ubuso busaga Ha 615 aho abafite mo imyaka batazabimura ahubwo bazateramo ibiti bivangwa n’imyaka naho abafite mo inzuri bazafashwa kubungabunga izo nzuri batangije ishyamba.

Lafrec izamara imyaka itanu, ikaba ifite ingengo y’imari ya miliyoni zisaga 9 z’amadolari y’Abanyamerika ku nkunga y’Ikigega Gishinzwe Ibidukikije ku Isi (GEF) gihagarariwe na Banki y’Isi.

Uretse gusana no kubungabunga aya mashyamba,Larec izanakora ibikorwa bigamije kuzamura imibereho myiza y’abatuye uduce izakoreramo batishoboye, bikazakorwa haterwa inkunga imishinga mito ibyara inyungu igera ku 125 bifashishije za Sacco.

Aya mashyamba Mukura na Gishwati yagizwe Pariki ya 4 y’u Rwanda yiyongera kuri Nyungwe, Akagera ndetse n’Ibirunga.

Comments (0)

Barasaba ko umusozi wa Makwaza washyirwa mu hantu ndangamateka

Tags: , , , , ,

Gisagara: Barasaba ko umusozi wa Makwaza washyirwa mu hantu ndangamateka

Posted on 20 October 2015 by peter

Barasaba ko umusozi wa Makwaza washyirwa mu hantu ndangamateka

Abaturiye umusozi wa Makwaza uherereye mu murenge wa Mukindo, barasaba ko hakongera hakagirwa ahantu nyaburanga bityo n’amateka yaho ntasibangane.

Uyu musozi wa Makwaza uri mu mpinga z’ikibaya cy’akanyaru mu murenge wa Mukindo mu karere ka Gisagara ahazwi kuva kera ku izina ry’Umukindo wa Makwaza.

Barasaba ko umusozi wa Makwaza washyirwa mu hantu ndangamateka

Abazi amateka y’Umukindo wa Makwaza bavuga ko hataramiye abami batandukanye ndetse ko hanakorerwaga imihango ya cyami inyuranye.

Amateka ya Makwaza ni maremare nk’uko abahabyirukiye bayabayemo babivuga, kandi bakavuga ko nabo bagendaga babwirwa amateka ya mbere batarabaho.

Ngizerugo Frederic w’imyaka 65 avuga ko ba sekuru bajyaga bababwira amateka y’uyu musozi aho bavuga ko hari umugabo wari warigize ikigomeke wo mu gihugu cy’Uburundi witwaga Nyaruzi rwa Haramanga wari uhatuye, nyuma akaza kwicwa n’umwami w’i Rwanda Ruganzu II Ndori amutsinze mu kabande yagiye guhiga.

Gusa uyu mugabo avuga ko nabo ari amateka basanze kandi babwiwe batazi niba ari ukuri, cyane ko uyu mwami Ndori wahawe izina rya Ruganzu wa II akaba yari umuhungu wa Ndahiro II Cyamatare, yimye ingoma mu mwaka wa 1510 byumvikana aya mateka ari aya kera cyane.

Umusaza Karoli yambabariye w’imyaka 84 uzwi ku izina rya Kajuga, utuye mu murenge wa Mukindo nawe avuga ko uyu musozi awuziho amateka menshi ndetse we akanahamya ko yawutaramiyeho igihe kinini kuko yawuhatswe mu myaka ya 1945.

Asobanura amateka y’uyu musozi wa makwaza avuga ko ku ngoma y’umwami Ndahiro II Cyamatare ahasaga mu mwaka wa 1922 ariho uyu musozi watangiye gutaramirwaho.

Avuga ko hakorerwaga imihango itandukanye irimo kubikira, no gukangura umwami ndetse n’igihe adahari iyo mihango igakorwa, hakaba abakobwa batoranyijwe baririmbaga mu bitaramo ndetse bakaba aho banakora isuku, bakanoza ibyansi.

Ati “Nahatswe kuri uyu musozi nsimbuye data nawe wari warahahatswe kuva ndi muto cyane, narahataramiye, ariko ibyo byose byaje kugenda bihinduka ingoma ya cyami ivuyeho”

Uyu musaza Kajuga ariko avuga ko kandi ibi bitahagaze burundu igihe ingoma ya cyami yavagaho, kuko ngo imitako yari ihari ahubwo yongerewe ku butegetsi bwa Kayibanda ndetse na Habyarimana yajya kubutegetsi hakarimbishwa kurushaho. Ibi byatumaga hahora ba mukerarugendo baturutse ahantu hatandukanye.

Ati “Kayibanda na Habyarimana baraharimbishije cyane nyuma y’igihe cy’abami ndetse hari akabari kiyakiriramo ba mukerarugendo. Hari imitako myinshi cyane iranga igihe cya kera irimo ibisaswa by’umwami, ibyansi, ibiseke ndetse hakanaturirwa imihigo”

Si uyu musaza Kajuga gusa uvuga ubwiza Makwaza yari ifite kuko na bamwe mu bahatembereye mbere bavuga ko koko ubwiza hari hafite buramutse buhasubijwe byagira akamaro.

Nsaguye Thomas avuga ko mbere ya Jenoside yakorewe abatutsi mu Rwanda mu 1994 yize mu cyahoze ari urwunge rw’amashuri rwitiriwe Mutagatifu Yuvenari ubu ruzwi ku izina ry’urwunge rw’amashuri rwitiriwe Mutagatifu Filipo Neli, akaba yarajyaga atemberera mu Mukindo wa Makwaza n’inshutinze.

Nsaguye avuga ko hari hafite uburanga buhebuje, kuba hari ku musozi hejuru hakurya witegeye imisozi yo mu gihugu cy’Uburundi, hakaba inzu z’umwami n’ibindi byagaragazaga amateka ya cyami, byose bikaba byari binogeye amaso kandi bigakurura ba mukerarugendo.

Ati “Nk’urubyiruko icyo gihe twishimiraga kuhasohokera kuko hari heza kuhareba kandi hari n’amateka n’abari bahatuye bakishimira kukuganirira ibyaho”

Abaturiye umusozi wa Makwaza bifuza ko haba ahantu Ndangamateka

Icyifuzo cy’uyu musaza Kajuga uvuga amateka ya makwaza n’abandi baturage baturiye uyu musozi ngo ni uko hasubizwa agaciro ndetse hagakorwa neza hakigisha amateka abakiri bato kugirango atazibagirana burundu.

Ikindi aba baturage bavuga ni uko haramutse hasubiye kuba ahantu nyaburanga hakajya hasurwa, byateza imbere uyu murenge n’akarere muri rusange.

Nshimiyimana Jean Claude ati “Aha hantu hasubiye kuba nyaburanga, twakwiga amateka menshi kandi byanateza imbere aka gace kuko hajya hagenda cyane”

Umusaza Kajuga we avuga ko binashobotse abantu bakuru nawe arimo, bazi ibyahaberaga mbere babyutsa umuco wa kera, bakajya bahataramira, bakahigishiriza abakiri bato imbyino, ibyivugo, amazina y’inka n’ibindi, maze umuco barazwe nabo bakajya bawuraga abandi babyiruka.

Ubu busabe bw’abaturage bo mu murenge wa Mukindo bumaze imyaka irenga 3.

Ubuyobozi bw’akarere ka Gisagara kenshi bwabajijwe ibijyanye n’umusozi wa Makwaza, bugasubizwa ko  nta cyemezi gihamye cyari bwafatwe kandi ko akarere kagomba kubanza kugeza ibikorwa remezo nk’amashanyarazi muri uyu murenge nyuma bukazita kuri iki kibazo bufatanyije n’ababishinzwe.

Kuri ubu uyu murenge wa Mukindo nturageramo amazi meza n’amashanyarazi, ariko nk’uko bitangazwa n’umuyobozi w’aka karere ka Gisagara Lèandre Karekezi muri uyu mwaka w’ingengo y’imari bitegenyijwe ko hazagezwa amazi n’amashanyarazi.

Hari ibisabwa kugirango ahantu habe Nyaburanga (Ndangamateka)

Kugirango ahantu hitwe Nyaburanga cyangwa ndangamateka, bite icyo bigenderwaho.

Mulisa Alphonse umuyobozi w’ingoro ndangamurage z’u Rwanda avuga ko kugirango ahantu habe nyaburanga cyangwa ndangamateka hari byinshi bikurikizwa birimo kuba koko hafite amateka, gutunganywa ku buryo hashobora kugendererwa n’ibindi.

Uyu muyobozi avuga ko umusozi wa Makwaza wasabwe kenshi n’abaturage ngo habe ndangamateka kandi ko ubuyobozi butabyirengagije, gusa ko ibikorwa bikiri byinshi kandi bigenda bikorwa mu gihugu hose, hatanirengagijwe ko ari ibikorwa biba bisaba ubushobozi bw’amafaranga.

Ati “Ibikorwa nk’iki cyo gutunganya umusozi wa Makwaza bikorwa henshi mu gihugu, ubu tumaze kugira site zitunganyije zigera kuri 500 mu gihugu hose, n’aha rero ntitwahirengagije turahateganya ubushobozi nibuboneka”

Kuri ubu ku musozi wa makwaza ibyarangaga amateka byose bisa n’aho byahashize, hasigaye igice gito cy’inzu y’umwami yasenyutse, ibyari bihari byose bikaba byarasahuwe igihe cya Jenoside yo muri mata 1994, nyuma y’aho ntiharongera gukorwa.

 

Comments (0)

Abantu bamwe bazi ko hitwa ku kirenge gusa ariko ntibazi impamvu hitwa gutyo, usanga abenshi bahibazaho, bibaza ngo ese icyo kirenge ni icyande? cyaturutse hehe? Amateka y’icyo kirenge: ku kirenge hazwiho ko hari icyapa cya Taxi zihahagarara abagenzi bamwe bakavamo abandi bakajyamo berekeza mu ngo zabo cyangwa bajya mu ngendo zitandukanye. Nkuko bitangazwa n’umuyobozi mukuru w’ikigo ndangamuco cya Rulindo Philbert MUSANGANYA , avuga ko amateka yaho ku kirenge ari aya kera kuko bivugwa ko umwami Ruganzu ariho yari atuye igihe yari ku butegetsi hagati y’umwaka wa 1650-1700.

Tags: , , , , , , , , , ,

Rulindo: Imvo n’imvano y’ahitwa ku kirenge cya Ruganzu.

Posted on 03 October 2015 by peter

Rulindo: Imvo n’imvano y’ahitwa ku kirenge cya Ruganzu.

ICyapa cyo ku kirenge aho imodoka zihagarara hakaba hari n’inikigo ndanga muco

Ahitwa Ku Kirenge cya ruganzu ni mu ntara y’amajyaruguru, akarere ka Rulindo, umurenge wa Rusiga hakaba haranditse amateka mu bihe byo hambere.

Abantu bamwe bazi ko hitwa ku kirenge gusa ariko ntibazi impamvu hitwa gutyo, usanga abenshi bahibazaho, bibaza ngo ese icyo kirenge ni icyande? cyaturutse hehe? Amateka y’icyo kirenge: ku kirenge hazwiho ko hari icyapa cya Taxi zihahagarara abagenzi bamwe bakavamo abandi bakajyamo berekeza mu ngo zabo cyangwa bajya mu ngendo zitandukanye.

Nkuko bitangazwa n’umuyobozi mukuru w’ikigo ndangamuco cya Rulindo Philbert MUSANGANYA , avuga ko amateka yaho ku kirenge ari aya kera kuko bivugwa ko umwami Ruganzu ariho yari atuye igihe yari ku butegetsi hagati y’umwaka wa 1650-1700.

Umwami Ruganzu  yamamaye  mu mateka y’u Rwanda kubera ubutwari yagaragaje n’ubugenge butangaje bumuvugwaho. Aho bita ku kirenge Umwami Ruganzu Ndori yahakandagiye atambuka ikirenge cye kirahishushanya niko guhita bahita ku kirenge ku geza uyu munsi wa none.

MUSANGANYA akomeza avuga ko nkuko amateka abivuga, nyuma y’ubukoroni icyo kirenge cyagiye gikurura ba mukerarugendo benshi harimo n’abanyamahanga,bakakitegereza bakanagifotora batangazwa n’uburyo kimeze kigaragara kandi haciye n’igihe kinini cyane.

Ku kirenge cya Ruganzu cyo mu mpinga ya Ruganda niho umwami Ruganzu wa Kabiri Ndori yimikiye ingoma ya Kalinga, kubera iyo mpamvu y’amateka yaharanzwe, bakaba barahisemo kuhashyira ikigo ndangamuco gishingiye ku mateka.

Comments (0)

Inzu umwami yabagamo

Tags: , , , , , , , , , ,

Rulindo: Ikigo Ndangamuco cya Rulindo kigiye gufungurwa kumugaragaro.

Posted on 01 October 2015 by peter

Inzu umwami yabagamo

Inzu umwami yabagamo

 Ikigo gishya ndangamuco cyubatswe mu murenge wa Rusiga ,akarere ka Rulindo, intara y’amajyaruguru ahitwa ku kirenga cya ruganzu mu rwego rwo kurushaho guteza imbere ubukerarugendo.

Inzu umwami yabagamo

Inzu umwami yabagamo

Iki kigo giherereye ku kirenge cya Ruganzu,umwami wamamaye cyane mu mateka y’uRwanda , cyatangiye gukora mu mwaka wa 2014, kikaba gifite intego zigera kuri enye zirimo guteza imbere ubukerarugendo bushingiye ku muco, kubyaza umusaruro ibyiza nyaburanga by’Akarere ka Rulindo, kwigisha ubugeni, ubukorikori, n’imbyino gakondo, gukora imurika ku mateka y’u Rwanda no ku hantu nyaburanga na ndangamateka hagaragara mu karere, nkuko bitangazwa n’muyobozi w’ikigo ndangamuco cy’Akarere ka Rulindo Philbert MUSANGANYA.

Umuyobozi w’iki kigo akomeza asobanura ko iki kigo cyashinzwe ku bufatanye bw’umuryango nyarwanda uharanira guteza imbere ubukerarugendo bushingiye ku muco (Organization for Cultural Tourism Promotion OCTP-IKIREZI) n’akarere ka Rulindo. Icyo kigo gifite inyubako zitandukanye zerekana imyubakire ya kera yo mu Rwanda rwo hambere, haba mbere na nyuma y’umwaduko w’abazungu.

Hateganijwe ahagenewe imikino n’imyidagaduro (stade) yaba iyagakondo , iyakijyambere ndetse n’ahagenewe urubuga rw’ibitaramo, hari itorero ryitwa Ikirenga rigizwe n’intore zazobereye mu mbyino za Kinyarwanda rizajya ritaramira abashyitsi.

RDB ikigo gifite mu nshingano zacyo Ubukerarugendo, ikazataha kumugaragaro iki kigo ndangamuco kuri iki cyumweru, tariki ya 27/09/2015.

Comments (0)

Tags: , , , , , , , , , ,

Gatsibo: RAB irizeza abahinga imigano isoko ryayo

Posted on 30 September 2015 by peter

5

Iyi ni imigano isanzwe ihingwa mu Rwanda, mbere y’uko hageragezwa iribwa

Bamwe mu baturage bo mu karere ka Gatsibo batangiye gukora ubuhinzi bw’imigano, bavuga ko babutezeho iterambere ry’ubukungu bwabo.

Gusa aba bahinzi barasaba ko bashakirwa isoko kuko bataryizeye hafi, ariko ubuyobozi bw’Ikigo cy’Igihugu gishinzwe ubuhinzi n’ubworozi (RAB) mu ntara y’iburasirazuba, burabizeza ko isoko rihari.

Umuyobozi w’Ikigo cy’Igihugu gishinzwe ubuhinzi n’ubworozi RAB mu Ntara y’Uburasirazuba Sendege Norbert, avuga ko uretse mu Karere ka Gatsibo ngo no mu Ntara y’i Burasirazuba bigaragara ko igihingwa cy’imigano kidahingwa ku buso bugari, ariko ubwoko bw’imigano iribwa ngo mu Rwanda bwamaze kuhagera.

Agira ati:” Ubwoko bw’imigano y’imiribwa ubundi bwakoreshwaga mu gihugu cy’Ubushinwa, ariko no mu Rwanda bwamaze kuhagera, ubu buri mu igeragezwa ku buryo nta kabuza abatangiye kubuhinga bazabona isoko.”

Sendege akomeza yizeza aba bahinzi bo mu karere ka Gatsibo bahinga imigano, ko mu gihe cya vuba harashyirwaho gahunda yo kubegera no kurushaho kubunganira muri ubu buhinzi bwabo.

Bamwe mu baturage bo mu karere ka Gatsibo bamenye mbere inyungu zikomoka kuri iki gihingwa cy’imigano, bavuga ko bizeye umusaruro mwinshi gusa bakaba bagifite imbogamizi zo kubona isoko.

Ahorukomeye Etienne ni umwe mu bahinga imigano mu Murenge wa Remera agira ati:” Twatangiye gukora ubu buhinzi mu mwaka wa 2003, ubu duhinga imigano ku buso bwa hegitari 5, iki gihingwa cyacu ubu kigeze mu gihe cyo gusarurwa ariko ntiturabona isoko, nicyo kibazo dusigaranye.”

Uretse kuba hari kugeragezwa ubwoko bw’imigano iribwa, ubusanzwe iki gihingwa gishobora kubyazwa umusaruro mu buryo butandukanye gikorwamo ibikoresho birimo nk’intebe, ameza, ibitanda n’ibindi.

Ubu buhinzi bw’imigano bukorwa haterwa ingemwe ku ntera ya metero 3 hagati y’urugemwe n’urundi.

Comments (0)

Tags: , , , , , , ,

Nyabihu:Abaturage basanga kubungabunga ibyiza nyaburanga ari ugushyigikira iterambere

Posted on 02 September 2015 by peter

Inzuri za Gishwati na Gishwati ubwayo bimwe mu byiza nyaburanga bya Nyabihu

Inzuri za Gishwati na Gishwati ubwayo bimwe mu byiza nyaburanga bya Nyabihu

Bamwe mu baturage bo mu karere ka Nyabihu basanga kubungabunga ibyiza nyaburanga biri mu gihugu ari ugutanga umusanzu mu iterambere.

Kalisimbi ikirunga kirekire mu Rwanda kimwe mu byiza bitatse Nyabihu

Kalisimbi ikirunga kirekire mu Rwanda kimwe mu byiza bitatse Nyabihu

Maniragena wo mu murenge wa Kabatwa agira ati“icya mbere ni ukumenya ko u Rwanda rwacu ari rwiza.Ubwo bwiza bwacu ni ukubusegasira.Abazaza kureba ubwo bwiza dufite bazajya bishyura amafaranga azajya afasha abaturage avuye muyo ba mukerarugendo batanze.”

Maniragena akomeza avuga ko ubukerarugendo bwinjiza amadevise atari make mu Rwanda akagira akamaro mu iterambere ry’u Rwanda n’abarutuye.

Masengesho we yemeza ko kubungabunga ibyiza nyaburanga bitatse u Rwanda,buri wese akabigiramo uruhare aho atuye,ari ugutanga umusanzu ukomeye mu iterambere ry’igihugu n’irye bwite.

Mu byiza nyaburanga biboneka muri Nyabihu hakaba harimo ikirunga kirekire mu Rwanda cya Kalisimbi,pariki y’ibirunga,ubuvumo butandukanye,uduce nyaburanga nka Gishwati,amabuye atandukanye kandi abereye kuyareba mu murenge wa Rurembo,ibiyaga nka karago,imisozi ibereye amaso n’ibindi.

Mu rwego rwo guteza imbere ubukerarugendo banashishikariza abashoramari gushora imari yabo muri aka karere ku bijyanye n’amahoteri n’ubukererugendo,hakaba harubatswe Hoteli yiswe Mukamira House mu murenge wa Mukamira.

Nk’uko umuyobozi w’akarere ka Nyabihu Twahirwa Abdoulatif yabitangaje ubwo yatuganiriraga ku by’iyi Hoteli nshya,ngo yubatswe bagamije guteza imbere ishoramari mu mahoteri n’ubukerarugendo muri aka karere.

Bari bagamije kandi gutinyura abandi bashoramari gushora imari yabo muri Nyabihu nk’ahantu heza haberanye n’amahoteri n’ubukerarugendo bitewe n’ibyiza nyaburaga bihaboneka.

Nubwo bubatse Guest House,Nyabihu iracyari inyuma mu bijyanye n’amahoteri ugereranije n’uturere nka Rubavu na Musanze tuyikikije

Nubwo bubatse Guest House,Nyabihu iracyari inyuma mu bijyanye n’amahoteri ugereranije n’uturere nka Rubavu na Musanze tuyikikije

Ikigaya cya Karago mu byiza nyaburanga bitatse Nyabihu

Ikigaya cya Karago mu byiza nyaburanga bitatse Nyabihu

Ubukerarugendo bukaba bwinjiza amadevise menshi anafasha mu iterambere.

Mu mwaka wa 2013 ubukerarugendo bukaba bwarinjije arenga miliyoni 217 m’ibihumbi 700 by’amadolari afasha mu guteza imbere u Rwanda n’abaturage.Ni nayo mpamvu abaturage basabwa kubungabunga ibyiza nyaburanga biboneka aho batuye kuko kubibungabunga ari ugushyigikira iterambere.

Comments (0)

12

Tags: , , , , , , , , , ,

Ngororero : Km 74 zigiye guterwa imigano ku mugezi wa nyabarongo

Posted on 17 July 2015 by peter

12

Umushinga LVEMP II, w’ikigo cy’igihugu cyita ku bidukikije REMA ugiye gutera imigano ku nkombe z’umugezi wa Nyabarongo. Iyo migano izaterwa ku burebure bwa kilometero 74, hagamijwe kubungabunga amazi y’uyu mugezi akomeje kwanduzwa n’isuri ituruka mu misozi iwukikije.

Muri uyu mushinga REMA ifatanyijwemo n’akarere ka Ngororero, ukazashyirwa mu bikorwa n’inkeragutabara zatsindiye iryo soko, hazaterwa imigano 88.800. Nsengimana Janvier, umukozi wa REMA ushinzwe gukurikirana ibikorwa by’uyu mushinga, avuga ko ubu imirimo igeze mu guhumbika imigano izaterwa kandi ngo imeze neza.

Umuyobozi wungirije ushinzwe ubukungu mu karere ka Ngororero Emmanuel Mazimpaka avuga ko kugira ngo gahunda Leta ifite yo kubyaza amashanyarazi amazi ya Nyabarongo, bikwiye ko hitabwa ku nkombe zayo, bityo ngo abaturage n’abashinzwe ubuhinzi n’ibidukikije mu duce umushinga uzakoreramo basabwa kuzabigiramo uruhare.

Kimwe mu bigaragara nk’imbogamizi mu gutera iyo migano, ni kwimura abahafite ibikorwa kuko hari aho uyu mugezi unyura rwagati mu mirima y’abaturage. Aha Muberantwari reverien ushinzwe ibipimo na GIS mu karere ka Ngororero avuga ko bamaze kubarura ababa bafite imitungo ahazakorerwa icyo gikorwa. Avuga ko Akarere ngo kiteguye kuzishyura iyo mitungo.

Ikindi ni uko ku nkombe za Nyabarongo mu karere ka Ngororero hasanzwe hateye imbingo zahatewe n’amakoperative yiganjemo ayurubyiruko yita ku bidukikije. Aha, Nsengimana avuga ko bazumvikana na ba nyiri imbingo uko rwagenda rusarurwa rukanimurwa bitewe n’uko imigano igenda ikura kuko ngo ubushakashatsi bwagaragaje ko imigano ariyo ifite ubushobozi bwo kurinda inkombe za nyabarongo kurusha urubingo. Ahandi imigano ikunganira urubingo.

Uyu mushinga uzakorerwa mu mirenge wa Ndaro, Nyange, Gatumba, Muhororo, Ngororero na Matyazo yo mu karere ka Ngororero. Uzatwara miliyoni 162 z’amafaranga y’u Rwanda, harimo miliyoni 8 nk’uruhare rw’akarere naho andi akazatangwa na REMA.

 

Comments (0)

Hoteli yari itegerejwe ku kiyaga cya Burera yatangiye kubakwa

Tags: , , , , , , , ,

Hoteli yari itegerejwe ku kiyaga cya Burera yatangiye kubakwa

Posted on 15 July 2015 by peter

Hoteli yari itegerejwe ku kiyaga cya Burera yatangiye kubakwa

Ubuyobozi bw’akarere ka Burera bwatangiye ibikorwa byo kubaka Hoteli ku kiyaga cya Burera izafasha abakerarugendo baturukaga hirya no hino ku isi baje gusura ako karere ariko bakabura aho baruhukira bidagadura.

Hoteli yari itegerejwe ku kiyaga cya Burera yatangiye kubakwa

Iyi Hoteli izaba yitwa “Burera Beach Resort Hotel”, iherereye ahitwa mu Gitare, mu murenge wa Kagogo, ku nkombe z’ikiyaga cya Burera. Itangiye kubakwa nyuma y’igihe kirenga imyaka ibiri ubuyobozi bw’akarere ka Burera buvuga umushinga wo kubaka amahoteli ku kiyaga cya Burera ariko ntushyirwe mu bikorwa.

Ubuyobozi bw’ako karere bwahaciye ibibanza bihabwa abikorera, hagezwa amazi n’amashanyarazi ndetse hanacibwa imihanda  kugira ngo byorohereze abikorera kuhubaka amahoteli ndetse banahashyire n’umucanga (Beach), ariko uko iminsi yagendaga ishira ntihagire igikorwa.

Zaraduhaye Joseph, umuyobozi wungirije w’akarere ka Burera, ushinzwe iterambere ry’ubukungu, avuga ko bahisemo gutinyura abo bikorera ndetse n’abandi bashoramari bahafite ibibanza, batangira kubaka iyo Hoteli.

Zaraduhaye akomeza avuga ko iyo Hoteli izabona abakiliya kuko ngo abakerarugendo bazaga gusura ibiyaga bya Burera na Ruhondo, ingagi zo mu Birunga n’ibindi byiza nyaburanga biri mu karere ka Burera, baburaga aho baruhukira banidagadura, bagahitamo kujya mu mujyi wa Musanze.

Akomeza avuga ko abava kureba ingagi mu birunga bajya kuruhukira mu mahoteli yo mu mujyi wa Musanze ariko ngo ugasanga bigunze babuze aho baruhukira bidagadura.

Agira ati “Ubundi abazungu ntabwo bakunda kunywa, ikiba cyabazanye ni ugutembera…abava mu birunga bazajya bamanuka bajye muri biriya biyaga (Burera na Ruhondo)…”

Aho iyo Hoteli iri kubakwa hazashyirwa n’umucanga wo ku mazi (Beach) kuburyo abazajya bayiruhukiramo bazajya bajya no koga mu kiyaga cya Burera. Zaraduhaye avuga ko izuzura itwaye amafaranga y’u Rwanda agera kuri miliyoni 300.

“Burera Beach Resort Hotel” niyuzura izaba ibaye Hoteli ya kabiri yuzuye mu karere ka Burera, nyuma ya Hoteli “Montana Vista” yubatse mu murenge wa Cyanika. Aho izi Hoteli zubatse hateganywa kugirwa umujyi wo muri Burera.

Comments (0)

Advertise Here